ភ្ជាប់​ទៅ​គេហទំព័រ​ទាក់ទង

ស្រ្តី​វ័យ​៦៥​ឆ្នាំ​ជនជាតិ​អាល្លឺម៉ង់​បាន​សម្រាល​កូន​ភ្លោះ​បួន​នាក់


ស្រ្តី​វ័យ​៦៥​ឆ្នាំ​ជនជាតិ​អាល្លឺម៉ង់​បាន​សម្រាល​កូន​ភ្លោះ​បួន​នាក់។

ទីភ្នាក់ងារ​ព័ត៌មាន​APបាន​រាយការណ៍​ពីទីក្រុង​ប៊ែឡាំង​មកថា​ កូន​ភ្លោះ​បួននាក់​ ដែលបាន​កើតមុនកាល​កំណត់​មួយខែ​មុនពី​ស្តី្រមាន​វ័យ​៦៥ឆ្នាំ ក្នុង​ប្រទេស​អាល្លឺម៉ង់នោះ ​មាន​សុខភាពល្អ​ ហើយ​បាន​ឡើងទម្ងន់​។ ក៏​ប៉ុន្តែ​ពួក​វា​កំពុង​ស្ថិត​ក្នុងការ​ជួយសង្គ្រោះ​តាមរយៈ​ការប្រើ​ប្រាស់​ប្រដាប់​ដកដង្ហើម​នៅ​ឡើយ។

មន្ទីរពេទ្យ ​Charite​ ក្រុង​ប៊ែឡាំង​បានបញ្ជាក់​នៅ​ថ្ងៃ​ពុធ​នេះ​ថា កូនភ្លោះ​បួន​នាក់ នោះ​ មាន​ស្រី​ម្នាក់​ឈ្មោះ​ នីតា(Neeta) ​និង​ប្រុស៣នាក់​ឈ្មោះ ​ដ្រាយ ​(Dries), ប៊េនស៍​(Bence)​ និង ​ចូន​ (Fjonn)។​ ពួកគេ​បានកើន​ទម្ងន់៣០​ទៅ​៥០​ភាគរយ តាំងពី​ថ្ងៃកំណើត​ បន្ទាប់ពី​ពួកគេ​បាន​កើត​នៅក្នុង​បន្ទប់​សម្រាល​កូន​កាល​ពី ថ្ងៃទី១៩​ឧសភា។

មន្ទីរពេទ្យ​បាន​និយាយថា​ មានទារក​ម្នាក់ដែល​បានដោះ​ប្រដាប់​ជំនួយ​ដង្ហើម ចេញ​ តែទារក​ដ៏ទៃ​នៅប្រើ​នៅឡើយ​ដើម្បី​ជួយ​ដល់ការ​ដកដង្ហើម។

នាង ​អាណឺហ្គ្រេត​ រោនីក ​(Annegret Raunigk) ​ត្រូវគេ​ជឿថា ​ជាស្ត្រី​ចំណាស់​ជាង​គេដែល​សម្រាល​បានកូន​ភ្លោះបួន​នាក់៕

XS
SM
MD
LG