ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ប្រធានា​ធិបតី​តួកគី​គំរាម​​កាត់ផ្តាច់​ចំណង​ទាក់​ទង​ជាមួយ​រុស្ស៊ី ​ប្រសិនបើសហរដ្ឋ​អាមេរិកមិន​លុប​ទណ្ឌកម្មលើការលក់​យន្តហោះ​ចំបាំង​ឲ្យ​ខ្លួន


រូបឯកសារ៖ ប្រធានាធិបតីតួកគីលោក Recep Tayyip Erdogan ថ្លែងអំឡុងពេលកិច្ចប្រជុំមួយនៅក្រុងអង់ការ៉ា កាលពីថ្ងៃទី០៦ ខែវិច្ឆិកា ឆ្នាំ២០១៩។
រូបឯកសារ៖ ប្រធានាធិបតីតួកគីលោក Recep Tayyip Erdogan ថ្លែងអំឡុងពេលកិច្ចប្រជុំមួយនៅក្រុងអង់ការ៉ា កាលពីថ្ងៃទី០៦ ខែវិច្ឆិកា ឆ្នាំ២០១៩។

តួកគីមាន​គម្រោង​ទិញ​យន្តហោះ​ធុន Su-35 ដែល​ជា​ប្រភេទ​យន្តហោះ​ទម្លាក់​គ្រាប់​បែកថ្មីបំផុត​របស់​រុស្ស៊ី។តួកគី ​កំពុង​ធ្វើ​ឲ្យ​មានការ​ភ្ញាក់​ផ្អើល​រួច​ហើយ​ក្នុង​ចំណោម​សម្ព័ន្ធ​មិត្ត​ប្រទេស​លោក​ខាងលិច​ដោយការទិញ​ប្រព័ន្ធ​កាំជ្រួច​មីស៊ីល S-400 ​របស់​រុស្ស៊ី។

ប្រធានា​ធិបតី​តួកគី​លោក Recep Tayyip Erdogan កំពុង​គំរាម​កំហែង​កាត់​ផ្តាច់​ចំណង​ខាង​យោ​ធា​ជាមួយ​រដ្ឋាភិបាល​ក្រុង​ម៉ូស្គូ ​ប្រសិនបើ​ សហរដ្ឋ​អាមេរិកមិន​លុប​ចោល​ការទណ្ឌ​កម្មលើ​ការ​លក់យន្តហោះ​ចំបាំង​ឲ្យ​តួកគី​នោះ។

​ការ​ព្រមាន​នេះកើត​មាន​ឡើង​មុន​ជំនួប​ដែល​គ្រោង​ធ្វើ​ឡើង​នៅ​សប្តាហ៍​ក្រោយ​រវាង​ប្រធានា​ធិបតី Erdogan និង​លោក​ប្រធានា​ធិបតី​សហរដ្ឋ​អាមេរិក​ដូណាល់ ​ត្រាំ។

តួកគីមាន​គម្រោង​ទិញ​យន្តហោះ​ធុន Su-35 ដែល​ជា​ប្រភេទ​យន្តហោះ​ទម្លាក់​គ្រាប់​បែកថ្មីបំផុត​របស់​រុស្ស៊ី។តួកគី ​កំពុង​ធ្វើ​ឲ្យ​មានការ​ភ្ញាក់​ផ្អើល​រួច​ហើយ​ក្នុង​ចំណោម​សម្ព័ន្ធ​មិត្ត​ប្រទេស​លោក​ខាងលិច​ដោយការទិញ​ប្រព័ន្ធ​កាំជ្រួច​មីស៊ីល S-400 ​របស់​រុស្ស៊ី។

ប្រធានាធិបតី Erdogan បាន​និយាយ​កាល​ពី​ថ្ងៃ​អង្គារ​ថា «​នៅពេល​ដែល​យើង ​បាន​ទិញ​កាំជ្រួច S-400 ​យើង ​មិន​បានសុំ​ការ​អនុញ្ញាតិ​ទេ។​ដូច្នេះ ​ប្រសិនបើ ​យើង​ធ្វើ​ការ​សម្រេច ​យើង នឹងទិញយន្តហោះ​ទម្លាក់​គ្រាប់​បែក​ធុន S-35»។

ប្រធានា​ធិបតី​តួកគី​លោក Erdogan ​បាន​និយាយថា ​ការ​សម្រេច​ចុងក្រោយ​ស្តីពី​ការ​ទិញ​យន្តហោះ​ចំបាំង​របស់​រុស្ស៊ី​នេះ ​អាច​ស្ថិត​នៅ​ក្នុងការ​សម្រេច​របស់​លោក​ប្រធានា​ធិបតី​ត្រាំ។​លោក​ បាន​អំពាវ​ដល់​លោក​ប្រធានា​ធិបតី​អាមេរិក​ដូណាល់ ​ត្រាំ ​ឲ្យលក់​យន្តហោះ​ចំបាំង​ប្រភេទ F-35 ​របស់​អាមេរិកទៅឲ្យ​តួកគី។

​ការ​ដាក់​ទណ្ឌកម្ម​របស់​សហរដ្ឋ​អាមេរិកជាការ​សងសឹក​ដល់​រដ្ឋាភិបាល​តួកគី​ដែលទិញ​កាំជ្រួចប្រភេទ S-400របស់​រុស្ស៊ី​ដែល​រដ្ឋាភិបាល​ក្រុង​វ៉ាស៊ីនតោន ​អះអាង​ថា ធ្វើ​ឲ្យ​ប៉ះពាល់​ដល់​ប្រព័ន្ធ​អាវុធ​របស់​អង្គការ​អូតង់ ​ជាពិសេស ​បច្ចេក​វិទ្យាប្រភេទយន្តហោះ​ទំនើប F-35 ​របស់​អាមេរិក៕

XS
SM
MD
LG