ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

លោកស្រី​ Warren សមាជិកាព្រឹទ្ធសភា​រដ្ឋ Massachusetts បញ្ចប់​បេក្ខភាព​តំណែង​ប្រធានាធិបតី


បេក្ខភាព​ប្រធានាធិបតី​គណបក្ស​ប្រជាធិបតេយ្យ Elizabeth Warren ស្វាគមន៍អ្នក​គាំទ្រ​វ័យក្មេង​នៅពេល​ដែល​អ្នក​ស្រី​ដើរ​ចេញ​ពីផ្ទះ​ជាមួយ​នឹង​ស្វាមី​លោក Bruce Mann កាលពី​ថ្ងៃទី​០៣ ខែមីនា ឆ្នាំ២០២០។
បេក្ខភាព​ប្រធានាធិបតី​គណបក្ស​ប្រជាធិបតេយ្យ Elizabeth Warren ស្វាគមន៍អ្នក​គាំទ្រ​វ័យក្មេង​នៅពេល​ដែល​អ្នក​ស្រី​ដើរ​ចេញ​ពីផ្ទះ​ជាមួយ​នឹង​ស្វាមី​លោក Bruce Mann កាលពី​ថ្ងៃទី​០៣ ខែមីនា ឆ្នាំ២០២០។

កាលពីថ្ងៃ​ព្រហស្បតិ៍​លោកស្រី​ Elizabeth Warren សមាជិកា​ព្រឹទ្ធសភា​ស.រ.អ.ប្រចាំ​រដ្ឋ​Massachusetts បានបញ្ចប់​ការ​ខិតខំប្រឹង​ប្រែង​របស់​លោក​ស្រី​ដើម្បី​ឱ្យ​បានការ​តែងតាំង​ជា​បេក្ខជន​ប្រធានាធិបតី​ស.រ.អ.ខាង​គណបក្ស​ប្រជាធិបតេយ្យ​នៅ​ក្រោយ​លោកស្រី​បានទទួល​បរាជ័យ​នៅ​ក្នុង​រដ្ឋទាំង​១៤​ដែល​បានរៀបចំ​ការ​បោះឆ្នោត​បឋមក្នុងសប្តាហ៍​នេះដោយមានរួម​បញ្ចូល​ទាំងរដ្ឋ​របស់​លោក​ស្រីផ្ទាល់​ដែលនៅ​ទីនោះលោកស្រីបានទទួល​ការ​គាំទ្រ​លំដាប់ទី​បី។

គេ​ដឹងមិនទាន់​ច្បាស់​លាស់​នៅឡើយ​ទេ​ថា​តើ​លោកស្រី​Warren ដែល​ជា​អតីត​សាស្ត្រាចារ្យច្បាប់នៅ​ឯសាកលវិទ្យាល័យ Harvard នឹងគាំទ្រ​នរណា​ក្នុងបណ្តា​អ្នក​នាំ​មុខគេ​ពីរ​នាក់ក្នុងការ​ប្រកួត​ប្រជែង​នេះគឺ​លោកអតីត​អនុ​ប្រធានាធិបតីពីរ​អាណត្តិ Joe Biden និង​លោក Bernie Sanders សមាជិកព្រឹទ្ធសភា​ស.រ.អ.​ដែល​ជា​សម្ព័ន្ធមិត្ត​ខាងនយោបាយ​របស់លោកស្រីដែល​បានប្រកាស​ខ្លួន​លោក​ថា​ជា​អ្នកសង្គមនិយមប្រជាធិបតេយ្យ។ កាលពី​ថ្ងៃ​ពុធលោកស្រី​បាន​និយាយ​ដាច់​ដោយ​ឡែកពី​គ្នា​ជាមួយ​លោក Biden និងលោកSanders។​

បេក្ខជនពីរ​នាក់ទៀត​គឺលោកស្រីAmy Klobuchar សមាជិកា​ព្រឹទ្ធសភា​ស.រ.អ.​ប្រចាំ​រដ្ឋ Minnesota និង​លោកPete Buttigieg អតីត​អភិបាលក្រុង South Bend រដ្ឋ​Indiana បានគាំទ្រ​លោក​Biden នៅពេលលោកស្រី​និង​លោក​បាន​ដក​ខ្លួន​ចេញ​ពី​ការប្រកួត​ប្រជែង​នេះ​នៅមុន​ការ​បោះឆ្នោត Super Tuesday កាល​ពីថ្ងៃអង្គារ។​ការណ៍​នេះសឹង​តែ​បើកផ្លូវ​ឱ្យលោក​Biden ទទួល​ជ័យជម្នះ​ក្នុង​ការ​បោះឆ្នោតក្នុង​រដ្ឋ១០​ក្នុងការ​បោះឆ្នោតក្នុង​រដ្ឋ១៤ក្នុង​សប្តាហ៍​នេះ​ដើម្បី​ជ្រើស​តាំង​បេក្ខជន​ប្រធានាធិបតី​ស.រ.អ.ខាង​គណបក្ស​ប្រជាធិបតេយ្យ​ហើយលោក Sanders អាច​ឈ្នះនៅ​ក្នុង​រដ្ឋបួន៕

XS
SM
MD
LG