ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

អតីត​ប្រធានាធិបតី ​អេហ្ស៊ីប​ត្រូវកាត់​ទោសឲ្យ​ជាប់​គុក៣ឆ្នាំ​ពីបទប្រមាថ​តុលាការ


រូបភាព​ឯកសារ៖ អ្នកគាំទ្រ​ប្រធានាធិបតី​ Mohamed Morsi នៃ​ជនជាតិ​ឥស្លាម ស្រែកពាក្យ​ស្លោក​និង​លើក​រូប​ថត​លោក​នៅ​ទីក្រុង Cairo ប្រទេស​អេហ្ស៊ីប។

តុលាការ​ប្រទេស​អេហ្ស៊ីប​បានកាត់​ទោសដាក់​គុកលោក​ អតីត​ប្រធានាធិបតី​កាន់សាសនា​ឥស្លាម ​គឺលោក​ Mohammed Morsi​ និង​មនុស្ស​ចំនួន​១៩នាក់​ទៀត​ឲ្យជាប់គុក​៣ឆ្នាំ​ ពីបទ​ធ្វើសេចក្តី​ថ្លែងការណ៍​ប្រមាថដល់​ប្រព័ន្ធ​យុត្តិធម៌។

ក្រុមជន​ជាប់ចោទ​ទាំងអស់​ត្រូវផាក​ពិន័យ​តាមចំនួន​ទឹកប្រាក់​ផ្សេងៗ​គ្នា។​

មេធាវី​របស់​លោក Morsi ​បាននិយាយថា​កូនក្តី​លោកទំនង​ជាដាក់​ពាក្យប្តឹង​ទៅ ឧទ្ធរណ៍​ប្រឆាំង​នឹង​ការកាត់ក្តី​របស់​សាលាដំបូង។​ លោកអតីត​ប្រធានាធិបតី​បាន ប្រឈម នឹង​ការចោទ​ប្រកាន់ជា​ច្រើន​ចាប់តាំង​ពីលោកត្រូវ​បានគេ​បណ្តេញ​ចេញពីមុខ​តំណែង​ ហើយ​ក៏បាន​ទទួលការ​ផ្តន្ទាទោស​រយៈពេល​៤៥ឆ្នាំ​ក្នុងគុក​រួចហើយ​ដែរ។

លោក​ Morsi ​ត្រូវគេចាប់​ខ្លួនបន្ទាប់ពី​លោកត្រូវ​ក្រុមយោធា​ប្រទេស​អេហ្ស៊ីប​បាន បណ្តេញ​លោកចេញ​ពីមុខតំណែង​កាលពី​ខែមិថុនា​ឆ្នាំ២០១៣។​ លោកត្រូវ​គេឃុំ ខ្លួន បន្ទាប់​ពីលោក​បដិសេធ​ការដាក់​ឳសានវាទ​ឲ្យធ្វើការ​បោះឆ្នោត​ប្រជាមតិចំពោះការ​គ្រប់គ្រង​អំណាច​របស់លោក​ ដែលក្រោយ​មកបង្ក​ទៅជា​បាតុកម្ម​តវ៉ាយ៉ាងធំនោះ។​ក្រុមអ្នក​កាន់សាសនា​ឥស្លាម​ជាច្រើន​ពាន់នាក់​ត្រូវគេចាប់ខ្លួន​និងកាត់ទោស​បន្ទាប់ពី​មានការ​បណ្តេញ​លោក​ Morsi ​ពីមុខ​តំណែង​នោះ៕

XS
SM
MD
LG