ភ្ជាប់​ទៅ​គេហទំព័រ​ទាក់ទង

សន្តិសុខ​ត្រូវ​បន្តឹង​​តែ​អ្នកស្រុក​សៀមរាប​មិន​សូវ​ដឹង​អំពី​ដំណើរ​ទស្សនកិច្ច​ភរិយា​ប្រធានាធិបតី

  • នៅ វណ្ណារិន

ទិដ្ឋភាព​នៅ​សង្កាត់​កម្សាន្ត​ពេល​រាត្រី «ផាប់ស្ទ្រីត‍» (Pub Street) ​នៅ​ក្រុង​សៀមរាប នៅ​យប់​ថ្ងៃ​ព្រហស្បតិ៍ ទី១៩ ខែ​មីនា ឆ្នាំ២០១៥។ លោកស្រី Michelle Obama ភរិយា​ប្រធានាធិបតី​សហរដ្ឋ​អាមេរិក​ត្រូវ​រំពឹង​ថា​នឹង​មក​ដល់​ទី​ក្រុង​ទេសចរណ៍​នេះ​នៅ​យប់​ថ្ងៃ​សុក្រ​ ដោយ​លោកស្រី​នឹង​ក្លាយ​ជា​ភរិយា​ប្រធានាធិបតី​កំពុង​កាន់​តំណែង​ទី​មួយ​ដែល​បំពេញ​ទស្សនកិច្ច​នៅ​កម្ពុជា។ (នៅ ពៅលក្ខិណា/VOA)

នៅ​មួយ​ថ្ងៃ​មុនទស្សនកិច្ច​ជា​ប្រវត្តិសាស្ត្រ​នៃ​លោកស្រី Michelle Obama ភរិយា​ប្រធានាធិបតី​សហរដ្ឋ​អាមេរិក​ អាជ្ញាធរ​ខេត្ត​សៀមរាប​ដែល​ជា​ខេត្ត​ទេសចរណ៍​ដ៏​សំខាន់​បំផុត​របស់​កម្ពុជា បាន​រិត​បន្តឹង​សន្តិសុខ​នៅ​តាម​តំបន់​សំខាន់ៗ​នៅ​ក្នុង​ក្រុង។ ប៉ុន្តែ​មានមនុស្ស​មួយ​ចំនួន​តូច​ប៉ុណ្ណោះ​ដែល​ VOA បាន​សម្ភាស​កាល​ពី​យប់​ថ្ងៃ​ព្រហស្បតិ៍​ បាន​ដឹង​អំពី​ទស្សនកិច្ច​របស់​លោកស្រី។

លោក មាស វណ្ណៈ មន្ត្រី​ប៉ូលិស​សណ្តាប់​ធ្នាប់​និង​ជា​អនុប្រធាន​ការិយាល័យ​សណ្តាប់​ធ្នាប់​ខេត្ត​សៀមរាប បាន​ថ្លែង​ប្រាប់​ VOA កាល​ពី​យប់​ថ្ងៃ​ព្រហស្បតិ៍ក្នុង​អំឡុង​ពេល​ដែល​លោក​កំពុង​បំពេញ​ភារកិច្ច​នៅ​សង្កាត់​កម្សាន្ត​ពេល​រាត្រី​ «ផាប់ស្ទ្រីត‍» (Pub Street) ថា លោក​បាន​ទទួល​បញ្ជា​ឲ្យ​ប្រុងប្រយ័ត្ន​យាម​កាម​ទ្វេ​ដង​នៅ​កន្លែង​នោះ។

លោក វណ្ណៈ ថ្លែង​ថា៖ «ស្នងការ​ប៉ូលិស​ខេត្ត​សៀមរាប​បាន​ចេញ​បញ្ជា​ឲ្យ​យើង​ខ្ញុំ​បំពេញ​ភារកិច្ច​ប្រចាំ​ការ​២៤​ម៉ោង ដើម្បី​ធានា​ថា​នឹង​មិន​មាន​អ្វី​មិន​ល្អ​កើត​ឡើង‍»។ លោក​បន្ថែម​ថា​មន្ត្រី​ប៉ូលិស​ត្រូវ​ប្រចាំការ​នៅ​កន្លែង​ដែល​គេ​កំណត់​ឲ្យ។

លោក មាស វណ្ណៈ​ បន្ត​ថា លោក​នឹង​មាន​ការ​រវល់​កាន់​តែ​ខ្លាំង​ឡើង​ថែម​ទៀត​នៅ​ពេល​លោក​ស្រី Michell Obama មក​ដល់​នៅ​យប់​ថ្ងៃ​សុក្រ​ ដើម្បី​រក្សា​សន្តិសុខធានា​និង​ធានា​ថា​នឹង​មិន​មាន​អ្វី​រំខាន​ដល់​ដំណើរ​ទស្សនកិច្ច​របស់​លោក​ស្រី។

«ភារកិច្ច​របស់​យើង​ខ្ញុំ​គឺ​បើក​ផ្លូវ​ដល់​គណៈប្រតិភូ​និង​ធានា​ថា​មិន​មាន​អ្វី​រំខាន​ដល់​ក្បួន​គណៈប្រតិភូ‍‍»។

ទិដ្ឋភាព​ផ្សារ​រាត្រី​មួយ​កន្លែងនៅ​ក្រុង​សៀមរាប នៅ​យប់​ថ្ងៃ​ព្រហស្បតិ៍ ទី១៩ ខែ​មីនា ឆ្នាំ២០១៥។ លោកស្រី Michelle Obama ភរិយា​ប្រធានាធិបតី​សហរដ្ឋ​អាមេរិក​ត្រូវ​រំពឹង​ថា​នឹង​មក​ដល់​ទី​ក្រុង​ទេសចរណ៍​នេះ​នៅ​យប់​ថ្ងៃ​សុក្រ​ ដោយ​លោកស្រី​នឹង​ក្លាយ​ជា​ភរិយា​ប្រធានាធិបតី​កំពុង​កាន់​តំណែង​ទី​មួយ​ដែល​បំពេញ​ទស្សនកិច្ច​នៅ​កម្ពុជា។ (នៅ ពៅលក្ខិណា/VOA)
ទិដ្ឋភាព​ផ្សារ​រាត្រី​មួយ​កន្លែងនៅ​ក្រុង​សៀមរាប នៅ​យប់​ថ្ងៃ​ព្រហស្បតិ៍ ទី១៩ ខែ​មីនា ឆ្នាំ២០១៥។ លោកស្រី Michelle Obama ភរិយា​ប្រធានាធិបតី​សហរដ្ឋ​អាមេរិក​ត្រូវ​រំពឹង​ថា​នឹង​មក​ដល់​ទី​ក្រុង​ទេសចរណ៍​នេះ​នៅ​យប់​ថ្ងៃ​សុក្រ​ ដោយ​លោកស្រី​នឹង​ក្លាយ​ជា​ភរិយា​ប្រធានាធិបតី​កំពុង​កាន់​តំណែង​ទី​មួយ​ដែល​បំពេញ​ទស្សនកិច្ច​នៅ​កម្ពុជា។ (នៅ ពៅលក្ខិណា/VOA)

លោក​ស្រី Michelle Obama ​ភរិយា​ប្រធានាធិបតី​សហរដ្ឋ​អាមេរិកនឹង​អញ្ជើញ​មក​ដល់​កម្ពុជានៅ​យប់​ថ្ងៃ​សុក្រ ​ដើម្បី​ចាប់​ផ្តើម​ដំណើរ​ទស្សនកិច្ច​រយៈ​ពេល​៣​ថ្ងៃ​ក្នុង​គោលបំណង​បើក​«គម្រោង​ផ្តល់​ឱកាស​ឲ្យ​សិស្ស​ស្រី​បាន​សិក្សា» ឬ «Let Girls Learn‍» ដែល​ជាគម្រោង​មួយ​មាន​គោលដៅ​លើក​តម្កើងតួនាទី​សង្គម​ស៊ីវិល​និង​កិច្ច​ការ​អភិបាលកិច្ច​ល្អ។

ប្រទេស​កម្ពុជា​ជា​ប្រទេស​មួយ​ក្នុង​ចំណោម​ប្រទេស​១១​ដែលចូល​រួម​នៅ​ក្នុង​គម្រោង «Let Girls Learn‍» ដែល​ត្រូវ​អនុវត្ត​ដោយ​កម្មវិធី​ក្រុម​អ្នក​ស្ម័គ្រ​ចិត្ត​ Peace Corps របស់​រដ្ឋាភិបាល​សហរដ្ឋ​អាមេរិក ហើយ​នឹង​ត្រូវ​ចាត់ចែង​ដោយ​លោក​ស្រី Michelle Obama ផ្ទាល់។

ទិដ្ឋភាព​ផ្លូវ​ជាតិ​លេខ​៦​ទៅ​កាន់​អាកាសយានដ្ឋាន​អន្តរជាតិ​សៀមរាប​នៅ​យប់​ថ្ងៃ​ព្រហស្បតិ៍ ទី១៩ ខែ​មីនា ឆ្នាំ២០១៥។ លោកស្រី Michelle Obama ភរិយា​ប្រធានាធិបតី​សហរដ្ឋ​អាមេរិក​ត្រូវ​រំពឹង​ថា​នឹង​មក​ដល់​ទី​ក្រុង​ទេសចរណ៍​នេះ​នៅ​យប់​ថ្ងៃ​សុក្រ​ ដោយ​លោកស្រី​នឹង​ក្លាយ​ជា​ភរិយា​ប្រធានាធិបតី​កំពុង​កាន់​តំណែង​ទី​មួយ​ដែល​បំពេញ​ទស្សនកិច្ច​នៅ​កម្ពុជា។ (នៅ ពៅលក្ខិណា/VOA)
ទិដ្ឋភាព​ផ្លូវ​ជាតិ​លេខ​៦​ទៅ​កាន់​អាកាសយានដ្ឋាន​អន្តរជាតិ​សៀមរាប​នៅ​យប់​ថ្ងៃ​ព្រហស្បតិ៍ ទី១៩ ខែ​មីនា ឆ្នាំ២០១៥។ លោកស្រី Michelle Obama ភរិយា​ប្រធានាធិបតី​សហរដ្ឋ​អាមេរិក​ត្រូវ​រំពឹង​ថា​នឹង​មក​ដល់​ទី​ក្រុង​ទេសចរណ៍​នេះ​នៅ​យប់​ថ្ងៃ​សុក្រ​ ដោយ​លោកស្រី​នឹង​ក្លាយ​ជា​ភរិយា​ប្រធានាធិបតី​កំពុង​កាន់​តំណែង​ទី​មួយ​ដែល​បំពេញ​ទស្សនកិច្ច​នៅ​កម្ពុជា។ (នៅ ពៅលក្ខិណា/VOA)

មាន​អ្នក​ក្រុង​សៀមរាប​តិច​តួច​ប៉ុណ្ណោះក្នុង​ចំណោម​ពលរដ្ឋ​ដែល​ VOA បាន​សម្ភាស​កាល​ពី​យប់​ថ្ងៃ​ព្រហស្បតិ៍​ដែល​បាន​ដឹង​អំពី​ទស្សនកិច្ច​របស់​លោកស្រី Michelle Obama។ ប៉ុន្តែ​ពួក​គេ​ទាំង​អស់​បាន​អបអរ​ចំពោះ​ដំណើរ​ទស្សនកិច្ច​របស់​លោកស្រី និង​គម្រោង «Let Girls Learn‍» របស់​លោកស្រី។

នាង រ៉ាន់ រ័ត្ន អាយុ​២០​ឆ្នាំ អ្នក​ធ្វើ​ម៉ាស្សានៅ​តាម​ផ្លូវ​ជិត​ផ្សារ​រាត្រី​ក្រុង​សៀមរាប និយាយ​ថា​ នាង​មិន​បាន​ដឹង​អំពី​ដំណើរ​ទស្សនកិច្ច​របស់​លោកស្រី Michelle Obama ទេ​ ប៉ុន្តែ​ថា ​នាង​មាន​ការ​រីករាយ​ចំពោះ​ការណ៍​ដែល​លោកស្រី​ភរិយា​ប្រធានាធិបតី​អាច​ជួយក្មេង​ស្រី​រាប់ពាន់​នាក់​ឲ្យ​បាន​ចូល​សាលារៀន។

«ខ្ញុំ​មិន​បាន​ដឹង​អំពី​ដំណើរ​ទស្សនកិច្ច​នេះ​ទេ។‍»

ទិដ្ឋភាព​ផ្សារ​រាត្រី​មួយ​កន្លែងនៅ​ក្រុង​សៀមរាប នៅ​យប់​ថ្ងៃ​ព្រហស្បតិ៍ ទី១៩ ខែ​មីនា ឆ្នាំ២០១៥។ លោកស្រី Michelle Obama ភរិយា​ប្រធានាធិបតី​សហរដ្ឋ​អាមេរិក​ត្រូវ​រំពឹង​ថា​នឹង​មក​ដល់​ទី​ក្រុង​ទេសចរណ៍​នេះ​នៅ​យប់​ថ្ងៃ​សុក្រ​ ដោយ​លោកស្រី​នឹង​ក្លាយ​ជា​ភរិយា​ប្រធានាធិបតី​កំពុង​កាន់​តំណែង​ទី​មួយ​ដែល​បំពេញ​ទស្សនកិច្ច​នៅ​កម្ពុជា។ (នៅ ពៅលក្ខិណា/VOA)
ទិដ្ឋភាព​ផ្សារ​រាត្រី​មួយ​កន្លែងនៅ​ក្រុង​សៀមរាប នៅ​យប់​ថ្ងៃ​ព្រហស្បតិ៍ ទី១៩ ខែ​មីនា ឆ្នាំ២០១៥។ លោកស្រី Michelle Obama ភរិយា​ប្រធានាធិបតី​សហរដ្ឋ​អាមេរិក​ត្រូវ​រំពឹង​ថា​នឹង​មក​ដល់​ទី​ក្រុង​ទេសចរណ៍​នេះ​នៅ​យប់​ថ្ងៃ​សុក្រ​ ដោយ​លោកស្រី​នឹង​ក្លាយ​ជា​ភរិយា​ប្រធានាធិបតី​កំពុង​កាន់​តំណែង​ទី​មួយ​ដែល​បំពេញ​ទស្សនកិច្ច​នៅ​កម្ពុជា។ (នៅ ពៅលក្ខិណា/VOA)

ប៉ុន្តែ​ក្រោយ​ពី​បាន​ទទួល​ដំណឹង​ថា​ លោកស្រី​ភរិយា​ប្រធានាធិបតី​អាមេរិក​នឹង​អនុវត្ត​គម្រោង «Let Girls Learn‍» នៅ​ប្រទេស​កម្ពុជា នាង​ រ៉ាន់ រ័ត្ន និយាយ​ថា៖ «ខ្ញុំ​រីករាយ​ចំពោះ​ដំណឹង​នេះ‍»។

នាង រ៉ាន់ រ័ត្ន បាន​ឈប់​រៀន​កាល​ពី​៣​ឆ្នាំ​មុន ដោយ​សារ​គ្រួសារ​មាន​ការ​ខ្វះ​ខាត។ នាង​ជា​កូន​ស្រី​ទី​៣​ក្នុង​ចំណោម​កូន​៦​នាក់។

«ខ្ញុំ​បាន​ឈប់​រៀន​ដោយ​សារ​គ្រួសារ​ខ្ញុំ​ក្រីក្រ។ បើ​អាច​ទៅ​រួច​ខ្ញុំ​ប្រាថ្នា​ឲ្យ​គាត់​(លោកស្រី Michelle Obama)​ជួយ​ឲ្យ​ខ្ញុំ​បាន​ចូល​សាលារៀន​វិញ។‍»

XS
SM
MD
LG