ទាហានបម្រុងប៉េរូរាប់ពាន់នាក់បានចូលរួមជាមួយក្រុមកងកម្លាំងសន្តិសុខនិងមន្ត្រីប៉ូលិសក្នុងការពង្រឹងការអនុវត្តវិធានការបទបញ្ជាឲ្យពលរដ្ឋនៅដាច់ដោយឡែកពីគ្នាឬ ចត្តាឡីស័ក ដែលមានគោលដៅបញ្ឈប់ការបន្តរាលដាលនៃជំងឺកូវីដ១៩។
ប្រធានាធិបតីប៉េរូលោក Martin Vizcarra បានអំពាវនាវឲ្យទាហានបម្រុង១០.០០០នាក់ជួយល្បាតសង្កាត់ក្នុងទីក្រុង ខណៈដែលមានមនុស្សរាប់ពាន់នាក់បន្តមិនស្តាប់តាមបទបញ្ជាឲ្យនៅផ្ទះនិងការណែនាំអំពីរក្សាគម្លាតសង្គម។
ទាហានបម្រុងណាដែលមិនមបង្ហាញខ្លួនដើម្បីបំពេញតួនាទីនេះនឹងអាចត្រូវផាកពិន័យ១.២០០ដុល្លារ។
បើទោះបីលោកប្រធានាធិបតី Vizcarra បានប្រកាសអំពីស្ថានភាពគ្រាអាសន្នរបស់ប្រទេស និងបញ្ជាឲ្យពលរដ្ឋនៅផ្ទះរហូតដល់ថ្ងៃទី១២ ខែមេសាក្តី ក៏អ្នកនាំពាក្យមួយរូបរបស់យោធានិយាយកាលពីថ្ងៃពុធថា មានមនុស្សរាប់ពាន់នាក់ត្រូវបានគេចាប់ខ្លួនដោយសារពួកគេបានរំលោភបញ្ជាមិនឲ្យចេញដើរតាមផ្លូវនៅពេលយប់។
មកទល់នឹងពេលនេះប្រទេសប៉េរូមានមានអ្នកឆ្លងជំងឺកូវីដ១៩១.០៦៥នាក់ និងមានអ្នកស្លាប់ពី
ជំងឺនេះ៣០នាក់ហើយ៕
