ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

លោក Duterte ព្រមានថា អ្នកដែលរំលោភវិធានការប្រឆាំងមេរោគកូវីដ១៩ អាចត្រូវបាញ់សម្លាប់


រូបឯកសារ៖ ប្រធានាធិបតីហ្វីលីពីនលោក Rodrigo Duterte ថ្លែងសុន្ទរកថាក្នុងពិធីមួយនៅក្រុងម៉ានីល ប្រទេសហ្វីលីពីន កាលពីថ្ងៃទី១១ ខែមីនា ឆ្នាំ២០២០។
រូបឯកសារ៖ ប្រធានាធិបតីហ្វីលីពីនលោក Rodrigo Duterte ថ្លែងសុន្ទរកថាក្នុងពិធីមួយនៅក្រុងម៉ានីល ប្រទេសហ្វីលីពីន កាលពីថ្ងៃទី១១ ខែមីនា ឆ្នាំ២០២០។

ប្រធានាធិបតីហ្វីលីពីនលោក Rodrigo Duterte និយាយថា ជនណាដែលរំលោភវិធានការបិទប្រទេសជិតរបស់រដ្ឋាភិបាល ដើម្បីប្រយុទ្ធប្រឆាំងការផ្ទុះឡើងនូវមេរោគកូរ៉ូណា អាចត្រូវប៉ូលិសបាញ់។

លោក Duterte បានចេញការព្រមានក្នុងអំឡុងនៃសុន្ទរកថាតាមទូរទស្សន៍មួយ កាលពីថ្ងៃពុធនៅក្នុងការឆ្លើយតបទៅនឹងការធ្វើបាតុកម្មនៅក្នុងសង្កាត់ក្រីក្រមួយនៅក្នុងរដ្ឋធានីម៉ានីឡាដោយពួកអ្នកស្រុកដែលស្រេកឃ្លានដោយសារមិនមានម្ហូបអាហារគ្រប់គ្រាន់។

លោកបានប្រាប់ប៉ូលិសថា បើប៉ូលិសគិតថា ជីវិតរបស់ពួកគេស្ថិតនៅក្នុងភាពគ្រោះថ្នាក់ នៅពេលដែលពួកគេប្រឈមពួកបាតុករនោះ ប៉ូលិសអាចបាញ់សម្លាប់បាតុករបាន។ ប្រធានាធិបតី Duterte ក៏បានព្រមានពីការដាក់ទោសធ្ងន់ៗដល់ជនណាដែលទទួលខុសត្រូវវាយប្រហារវេជ្ជបណ្ឌិតនិងបុគ្គលិកសុខាភិបាលផ្សេងទៀត។

លោក Duterte បានរងនូវការថ្កោលទោសចំពោះវោហាសាស្រ្តខ្លាំងៗទាក់ទិននឹងការបង្ក្រាបដ៏ព្រៃផ្សៃរបស់លោកលើការជួញដូរថ្នាំញៀនខុសច្បាប់ដែលបានធ្វើឲ្យជនសង្ស័យជាអ្នកជួញដូរនិងប្រើថ្នាំញៀនខុសច្បាប់រាប់ពាន់នាក់ស្លាប់។

ប្រទេសហ្វីលីពីនមានការឆ្លងមេរោគកូវីត១៩ចំនួន២ពាន់៣រយ១១ករណី ដោយមានមនុស្ស៩៦នាក់ស្លាប់៕

XS
SM
MD
LG