ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

វិស័យ​អាកាសចរណ៍​សាកល​ត្រូវ​គំរាមកំហែង​ដោយ​ការ​ខាត​បង់​ខ្លាំង


រូបឯកសារ៖ សន្ដិសុខ​ម្នាក់​ដើរ​នៅ​ពី​មុន​យន្ដហោះ​ Boeing កាល​ពី​ថ្ងៃទី២៩ ខែមេសា ឆ្នាំ២០២០។

សមាគម​ដឹក​ជញ្ជូន​តាម​ផ្លូវ​អាកាស​អន្តរជាតិ​ (IATA) ​បាន​និយាយ​កាល​ពី​ថ្ងៃ​អង្គារ​ថា វិស័យ​អាកាសចរណ៍​ពិភពលោក​កំពុង​ត្រូវគំរាមកំហែង​ដោយ​ការ​ខាតបង់​ជិត​១៦០​ពាន់​លាន​ដុល្លារ​ក្នុង​ការ​ខាតបង់​ដែល​ត្រូវ​ព្យាករណ៍​នៅ​ឆ្នាំ​នេះ​និង​ឆ្នាំក្រោយ​ ដោយ​សារ​វិបត្តិ​ជំងឺ​កូវីដ១៩។

សមាគម​នេះ​បានទម្លាក់​ការ​ព្យាករណ៍​របស់​ខ្លួន​អំពីវិស័យ​នេះ ដើម្បី​សម្រប​នឹង​ស្ថានភាពការ​ផ្ទុះឡើង​នៃជំងឺ​កូវីដ១៩ជា​លើក​ទី​២ និង​ការ​បិទ​ក្រុមហ៊ុន​អាកាសចរណ៍​ដែល​ប៉ះពាល់​ដល់​ទីផ្សារ​ធំៗ។​

សមាគម​ដឹក​ជញ្ជូន​តាម​ផ្លូវ​អាកាស​អន្តរជាតិ​បាន​ព្រមាន​ថា ​«វិបត្តិកូវីដ១៩គំរាមកំហែង​ដល់​ការ​រស់រាន​នៃ​វិស័យ​ដឹក​ជញ្ជូន​នេះ»។ សមាគម​នេះ​ក៏​បាន​ព្រមាន​ផងដែរ​ថា​ ឆ្នាំ​២០២០​នឹង​ក្លាយ​ជា​«ឆ្នាំ​អាក្រក់​បំផុត»របស់​វិស័យ​ដឹក​ជញ្ជូន​នេះ។

កាល​ពីខែ​មិថុនា​ សមាគម ​IATA ​បាន​ព្យាករ​ការ​ខាតបង់​ចំនួន​១០០​ពាន់​លាន​ដុល្លារ​ក្នុង​រយៈពេល​២​ឆ្នាំខាង​មុខ​ ប៉ុន្តែ​សមាគម​បាន​កែប្រែ​ការ​ព្យាករ​របស់​ខ្លួន​ដើម្បី​បង្ហាញការ​ខាត​បង់ដល់​ចំនួន​១១៨,៥​ពាន់លាន​ដុល្លារ​ក្នុង​ឆ្នាំ​២០២០​ និង​៣៨,៧​ពាន់លាន​ដុល្លារ​ក្នុង​ឆ្នាំ​២០២១។

ការ​ព្យាករណ៍​ដ៏​អាប់អួរ​បង្ហាញ​ពី​បញ្ហា​ដែល​វិស័យ​នេះ​នៅតែ​ប្រឈម​ ទោះ​បី​ជា​មាន​ការរក​ឃើញ​វ៉ាក់សាំង​ការពារ​កូវីដ១៩​ក៏ដោយ។ ​លោក ​Brian Pearce ​ប្រធាន​សេដ្ឋវិទូ​របស់​សមាគម​ដឹក​ជញ្ជូន​តាម​ផ្លូវ​អាកាស​អន្តរជាតិពណ៌នាជំងឺ​កូវីដ១៩​ ថា​ ជា​ឧបសគ្គ​ដ៏​ភ្ញាក់ផ្អើល​បំផុត​ចំពោះ​វិស័យ​អាកាសចរណ៍​ចាប់តាំង​ពី​សង្គ្រាម​លោក​លើកទី២។​

សមាគម​ដឹក​ជញ្ជូន​តាម​ផ្លូវ​អាកាស​អន្តរជាតិ​ព្យាករណ៍ថា​ ប្រទេសខ្លះ​នឹង​បើក​ព្រំដែនឡើងវិញ​នៅពាក់​កណ្តាល​ឆ្នាំក្រោយ​ ដោយសារ​មានកត្តា​រួម​បញ្ចូល​គ្នា​ ការ​ធ្វើ​តេស្ត​វីរុស​កូរ៉ូណា​និង​ចែកចាយ​វ៉ាក់សាំង។​ សមាគម​នេះ​បាន​អំពាវ​នាវ​ម្តង​ហើយ​ម្តង​ទៀត​ឲ្យ​រដ្ឋាភិបាល​នានាជំនួស​វិធានការ​រឹតត្បិត​ការ​ធ្វើដំណើរ​ដោយ​កម្ម​វិធី​តេស្ត​ច្រើន​វិញ៕

ផែនទីលទ្ធផលការបោះឆ្នោតប្រធានាធិបតីអាមេរិកពីឆ្នាំ ១៩៩២-២០២០

XS
SM
MD
LG