ពួកប្រទេសមានជាងគេបំផុតរបស់ពិភពលោក បានដាក់ជំនួយចូលក្នុងសេដ្ឋកិច្ចពិភពលោកដែលមិនធ្លាប់មានកាលពីពេលមុន នៅថ្ងៃព្រហស្បត៍នេះនៅពេលដែលករណីនៃការឆ្លងមេរោគកូរ៉ូណា បានកើនឡើងយ៉ាងខ្លាំងនៅទ្វីបអឺរ៉ុបដែលបានក្លាយចំណុចឆ្លងថ្មី ដោយមានចំនួនមនុស្សស្លាប់ក្នុងប្រទេសអ៊ីតាលីមានលើសប្រទេសចិន ដែលជាប្រភពនៃការចាប់ផ្តើមនៃមេរោគនេះ។
ដោយមានអ្នកឆ្លងជាង២៤២,០០០នាក់ និងមនុស្សស្លាប់ជិត១ម៉ឺននាក់ ការរាលដាលសាកល បានធ្វើឲ្យពិភពលោកស្រឡាំងកាំងហើយប្រៀបធៀបទៅនឹងសម័យកាលដ៏ឈឺចាប់ដូចជាសង្គ្រាមលោកលើកទី២ វិបត្តិហិរញ្ញវត្ថុឆ្នាំ២០០៨ និងជំងឺគ្រុនផ្តាសាយធំអេស្ប៉ាញឆ្នាំ១៩១៨។
លោក Antonio Guterres អគ្គលេខាធិការអង្គការសហប្រជាជាតិ បានព្រមានថា ការមិនរីកចម្រើនសេដ្ឋកិច្ចសាកលលោកដែល«ប្រហែលមានទំហំធំធេង»ខិតកាន់តែជិតមែនទែនហើយ។
លោក Guterres បានប្រាប់ពួកអ្នកយកព័ត៌មានតាមសន្និសីទវីដេអូថា «នៅពេលនេះ តម្រូវឲ្យមានការសម្របសម្រួលគ្នានិងចំណាត់ការគោលនយោបាយបញ្ចូលរបៀបថ្មីមកពីប្រទេសដែលមានសេដ្ឋកិច្ចនាំមុខរបស់ពិភពលោក។យើងបានស្ថិតនៅក្នុងស្ថានភាពមួយដែលមិនធ្លាប់មានកាលពីពេលមុនហើយច្បាប់ធម្មតាលែងអនុវត្តបានទៀតហើយ»៕
