ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ការ​ព្រួយ​បារម្ភ​កើនឡើង​ចំពោះ​ការ​ប្តេជ្ញា​ចិត្ត​របស់​អាមេរិក​ជាមួយ​នឹង​ប្រទេស​សម្ព័ន្ធ​មិត្ត


រូបភាព​ឯកសារ៖ ប្រធានាធិបតី​ Donald Trump លើក​មេដៃ​ខណ​ដែល​ប្រធានសាកលវិទ្យាល័យ Liberty University ឈរពីក្រោយ​អំឡុង​ពិធីទទួល​បរិញ្ញាបត្ររដ្ឋ Virginia។

លោកប្រធានាធិបតី​ Donald Trump បានបដិសេធ​ថា​លោកគ្មាន​ផែនការ​ជា​បន្ទាន់​ណាមួយ​ដើម្បី​ដក​ស.រ.អា.ចេញ​ពីអង្គការ​ពាណិជ្ជកម្ម​ពិភពលោក​ហៅ​កាត់​ថា​ WTO ទេ។​

លោក​ Trump បាន​និយាយ​ប្រាប់ពួក​អ្នកកាសែតនៅលើ​យន្តហោះ Air Force One នៅ​ក្នុង​ការ​ធ្វើដំណើរ​ខ្លី​មួយ​កាល​ពី​រសៀល​ថ្ងៃ​សុក្រពី​រដ្ឋ​ Maryland ទៅ​កាន់​រដ្ឋ New Jersey ថា «អង្គការ WTO បាន​ចាត់វិធានការ​មិន​ល្អ​ដល់យើង»។

ក៏​ប៉ុន្តែ​នៅ​ពេល​ត្រូវ​សួរ​ថា​តើ​លោកចង់​ដក​ស.រ.អា.ពី​អង្គការ​អន្តរជាតិ​សាកល​តែមួយ​គត់​ដែល​ដោះស្រាយ​បទបញ្ញត្តិ​ពាណិជ្ជកម្មរវាង​ប្រទេស​ជាតិ​ឬទេ លោក Trump បានឆ្លើយ​ថា​ «មិនមែន​នៅ​ពេល​នេះ​ទេ​ ក៏ប៉ុន្តែ​ពួក​គេ​ត្រួវប្រព្រឹត្ត​មក​លើយើង​ដោយយុត្តិធ៌ម»។

សេចក្តី​ថ្លែង​ទាំង​នេះ​មានឡើង​នៅ​ពេល​ដែល​លោក Trump ហាក់ដូចជា​មានបំណង​ខ្លាំងឡើងៗ​ក្នុង​ការ​ប្រឈមមុខ​ជាជាង​ការ​ធ្វើកិច្ចសហប្រតិបត្តិការ​ជាមួយ​សហភាពអឺរ៉ុប ក្រុម​ប្រទេសជាតិ​ G-7 អង្គការ​អូតង់និង​អង្គការ WTO។លោក​បាននិយាយ​ច្រើន​ដង​មក​ហើយ​ថា​ស.រ.អា.អាចមានភាពល្អ​ប្រសើរ​ជាង​មុន​ដោយ​ធ្វើឱ្យមាន​កិច្ចព្រមព្រៀងខាង​ពាណិជ្ជកម្មនិងខាង​យុទ្ធសាស្ត្រ​មួយនិង​មួយជា​មួយ​ប្រទេស​ជាតិឯទៀតៗ។​

ក្នុង​រយៈពេល​តិច​ជាង​ពីរ​សប្តាហ៍​ទៀត​ លោក Trump នឹង​ធ្វើដំណើរ​ទៅ​កាន់​ទ្វីបអឺរ៉ុប​ដើម្បីចូលរួម​ក្នុង​សន្និសីត​កំពូលប្រចាំ​ឆ្នាំ​នៃអង្គការអូតង់នៅមុន​មានជំនួបដាច់ដោយ​ឡែក​ពីគ្នា​នៅ​ក្នុង​ប្រទេសអង់គ្លេសជាមួយ​លោកស្រី​នាយករដ្ឋមន្ត្រី Theresa May ហើយ​បន្ទាប់មក​ទៀតនៅ​ក្នុង​ប្រទេស Finlande អព្យាក្រឹត្យជាមួយ​ប្រធានាធិបតី​រុស្សី Vladimir Putin៕

XS
SM
MD
LG