សភាបែបនិមិត្តរូបរបស់ចិននៅថ្ងៃព្រហស្បតិ៍នេះ បានគាំទ្រផែនការរបស់គណបក្សកុម្មុយនីស្តចិន ដែលកំពុងកាន់អំណាច ដើម្បីបន្តឹងការគ្រប់គ្រងលើទីក្រុងហុងកុង តាមរយ:ការកាត់បន្ថយតួនាទីពលរដ្ឋហុងកុងក្នុងការជ្រើសរើសមេដឹកនាំរបស់ខ្លួន។
សភាប្រជាជនចិនបានបោះឆ្នោតក្នុងសំឡេង ២.៨៩៥ ទល់នឹង ០ អនុប្បវាទ ១ ក្នុងការគាំទ្រគម្រោងផ្ដល់អំណាចដល់គណៈកម្មការ ដែលគាំទ្រដោយប្រទេសចិនជាអ្នកតែងសមាជិកសភារបស់ហុងកុងកាន់តែច្រើន និងកាត់បន្ថយចំនួនសមាជិកសភា ដែលជ្រើសរើសតាមរយៈការបោះឆ្នោតពីសាធារណជន។
វិធានការនេះ បន្ថែមលើការបង្ក្រាបលើចលនាតវ៉ាឲ្យមានលទ្ធិប្រជាធិបតេយ្យល្អជាងមុននៅក្នុងទីក្រុងហុងកុង។
ការបង្ក្រាបនេះបានធ្វើឲ្យមានការចោទប្រកាន់ថា រដ្ឋាភិបាលទីក្រុងប៉េកាំងកំពុងតែលុបបំបាត់ស្វ័យភាព [របស់ហុងកុង] ដែលខ្លួនសន្យារក្សា នៅពេលដែលអាណានិគមអង់គ្លេសបានប្រគល់ទឹកដីនេះមកឲ្យចិនវិញក្នុងឆ្នាំ ១៩៩៧ និងកំពុងតែធ្វើឲ្យខូតខាតដល់ឋានៈរបស់ហុងកុងជាមជ្ឈមណ្ឌលហិរញ្ញវត្ថុសកល។
ការបង្ក្រាបរបស់រដ្ឋាភិបាលក្រុងប៉េកាំងមកលើហុងកុងបង្កឲ្យមានការថ្នាំងថ្នាក់នៅក្នុងទំនាក់ទំនងជាសហរដ្ឋអាមេរិក អឺរ៉ុប និងប្រទេសដទៃៗទៀត៕
