ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ប្រទេស​ចិន​ព្រមាន​ពី «ផល​ប៉ះពាល់​ធំធេង» នៃ​ផែនការ​ដក​ពន្ធដារ​របស់ Trump


រូបភាព​កសារ៖ កម្មករ​ជិះកាត់​ឃ្លាំង​អាលុយមីញ៉ូម​នៅ​ក្នុង​ខេត្ត​ Jiangsu ប្រទេស​ចិន​កាលពី​ថ្ងៃទី​២៦ កញ្ញា ២០១២។
រូបភាព​កសារ៖ កម្មករ​ជិះកាត់​ឃ្លាំង​អាលុយមីញ៉ូម​នៅ​ក្នុង​ខេត្ត​ Jiangsu ប្រទេស​ចិន​កាលពី​ថ្ងៃទី​២៦ កញ្ញា ២០១២។

ប្រទេស​ចិន​បានព្រមាន​អំពី ​«ផលប៉ះពាល់ធំធេង»​ ដល់ការ​ធ្វើពាណិជ្ជកម្មសាកលប្រសិន​បើ​ប្រធានាធិបតី​ស.រ.អា. Donald Trump ធ្វើតាម​ផែនការ​របស់​គាត់​ក្នុង​ការ​ដក​ពន្ធ២៥ភាគ​រយ​លើ​ដែកថែប​ដឹកជញ្ជូន​ចូល​ក្នុង​ប្រទេសអាមេរិក​និង​១០ភាគ​រយ​លើ​ផលិតផល​ Aluminium ត្រូវ​ដឹក​ជញ្ជូនចូលក្នុង​ស.រ.អា.។

លោក Wang Hejun ប្រធានការិយាល័យ​ដោះស្រាយ​និងស៊ើបអង្កេត​បញ្ហា​ពាណិជ្ជកម្ម​នៃក្រសួង​ពាណិជ្ជកម្មចិន​បាននិយាយ​នៅក្នុង​សេចក្តី​ថ្លែង​ការណ៍​មួយ​កាលពី​យប់​ថ្ងៃសុក្រ​ថា​ការ​ដក​ពន្ធអាករ «នឹង​ធ្វើ​ឱ្យមាន​ការ​ខូចខាត​ធ្ងន់ធ្ងរ​ដល់​យន្តការ​ពាណិជ្ជកម្ម​ពហុភាគី​ត្រូវតំណាង​ដោយ​អង្គការ​ពាណិជ្ជកម្មពិភព​លោក​ហើយប្រាកដ​ជា​នឹង​មានផល​ប៉ះទង្គិច​ខ្លាំង​ទៅ​លើ​របៀបរៀបរយ​ពាណិជ្ជកម្មអន្តរជាតិ​ធម្មតាផងដែរ»។

មន្ត្រី​ចិន​រូប​នេះ​បាននិយាយ​បន្ថែមដែរ​ថា «ប្រសិនបើ​វិធានការ​ចុងក្រោយ​បង្អស់​របស់​ស.រ.អា.ធ្វើឱ្យ​ខូច​ខាត​ផលប្រយោជន៍​ចិន​ ប្រទេស​ចិន​នឹង​ធ្វើការ​ជា​មួយ​ប្រទេស​ឯទៀតៗដែលមានផល​ប៉ះពាល់​ដោយ​ចាត់វិធានការ​ដើម្បី​ថែរក្សា​សិទ្ធិ​និង​អត្ថប្រយោជន៍​របស់​ខ្លួន​ផ្ទាល់»។

នៅ​ពេល​ជា​មួយ​គ្នា​នេះ​ដែរ​ លោក​ Justine Trudeau នាយក​រដ្ឋមន្ត្រី​នៃ​ប្រទេស​កាណាដា​បាន​មានប្រសាសន៍​ថា​ផែនការ​ដកពន្ធដារ​របស់​ Trump ជា​ «ការ​មិន​អាច​ទទួល​យក​បានជាដាច់ខាត»។

លោក Trudeau បានមានប្រសាសន៍​កាល​ពី​ថ្ងៃ​សុក្រ​ថាលោក​ប្រុងប្រៀប «ការពារ​ឧស្សាហកម្ម​កាណាដា»។ ប្រទេស​កាដាណា​ជា​ប្រភព​បរទេស​ធំបំផុត​នៃ​សម្ភារៈ​ទាំងពីរ​នេះ​សម្រាប់ស.រ.អា.។ លោកព្រមានថា​ការ​ដក​ពន្ធដារ​បែបនេះ​ក៏​ធ្វើឱ្យ​មាន​ផល​មិនល្អ​ដល់​ពួក​អ្នកប្រើប្រាស់​គ្រឿង​ឧបភោគ​បរិភោគនិង​វិស័យ​ជំនួញ​ស.រ.អា.​ដោយ​សារ​មាន​ការ​ឡើងថ្លៃ​របស់ទំនិញ៕

XS
SM
MD
LG