វិធានការរបស់ស.រ.អា.បានធ្វើឲ្យស.រ.អា.ក្លាយជាគោលដៅចាប់អារម្មណ៍សម្រាប់ក្រុមហ៊ុនចិន ដែលប្រឈមនឹងការបង់ពន្ធខ្ពស់និងបម្រាមផ្សេងទៀតនៅក្នុងប្រទេសចិន។ ម៉្យាងវិញទៀត ក្រុមហ៊ុនទាំងនោះប្រឈមនឹងគ្រោះថ្នាក់នៃការដាក់ទណ្ឌកម្មដោយអាជ្ញាធរចិនដែលប្រឆាំងនឹងការវិនិយោគដែលមិនចាំបាច់នៅក្រៅប្រទេស។
នៅដើមសប្តាហ៍នេះ ប្រទេសចិនបានបញ្ចប់សន្និសីទប្រចាំឆ្នាំស្តីពីការធ្វើគោលនយោបាយសេដ្ឋកិច្ចកម្រិតខ្ពស់ ដោយមានការតាំងចិត្តរយៈពេល៣ឆ្នាំទប់ទល់នឹងវិបត្តិហិរញ្ញវត្ថុ។ ទោះជាមិនមានការនិយាយជាក់លាក់អំពីកំណែទម្រង់ពន្ធដាររបស់ស.រ.អា.ក៏ដោយ ប្រាកដណាស់ថា អាជ្ញាធរចិនកំពុងបង្កើនវិធានការប្រឆាំងនឹងគ្រោះថ្នាក់បង្កពីខាងក្រៅប្រទេសមកលើសេដ្ឋកិច្ចក្នុងស្រុក។
ថ្លែងនៅមុនសន្និសីទនេះ លោក Minister Zhu Guangyao អនុរដ្ឋមន្ត្រីហិរញ្ញវត្ថុចិននិយាយថា វិធានការកែទម្រង់ពន្ធរបស់ស.រ.អា.មិនអាចមើលរំលងបានទេ។ ប៉ុន្តែលោកក៏បានបន្ថែមដែរថា គ្មានហេតុផលត្រូវភ័យខ្លាចទេ ព្រោះថាប្រទេសចិនកំពុងធ្វើផែនការគំនិងផ្តួចផ្តើមខ្លះដើម្បីកាត់បន្ថយជាអតិបរិមានូវផលប៉ះពាល់នេះ៕
