ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ពលរដ្ឋកាណាដា​ជាច្រើន​​គាំទ្រ​ការ​បិទ​ព្រំដែន​ជា​មួយ​អាមេរិកបន្តទៅ​ទៀត


រូបឯកសារ៖ រថយន្តដឹកទំនិញត្រៀមឆ្លងស្ពាន Peace Bridge រវាងសហរដ្ឋអាមេរិក និងកាណាដា លើទន្លេ Niagara River ក្នុងក្រុង Buffalo រដ្ឋញូវយ៉ក កាលពីថ្ងៃទី១៥ ខែកក្កដា ឆ្នាំ២០២០។

នៅ​ក្នុង​ការ​ធ្វើ​ការ​ប្រកាស​បន្តបិទ​ព្រំដែន​រវាង​សហរដ្ឋអាមេរិក​និង​ប្រទេស​កាណាដា​ ​ មន្ត្រី​នៅ​ក្នុង​រដ្ឋធានីវ៉ាស៊ីនតោន​ និង​ក្រុង​ Ottawa ​បាន​យល់​ស្រប​គ្នា​បិទ​ព្រំដែន​ប្រវែង​៨​,​៨៩៣​គ.ម.​ តែ​បើក​សម្រាប់​តែ​ចរាចរណ៍​ពាណិជ្ជ​កម្ម​និង​ជា​ចាំបាច់​ប៉ុណ្ណោះ។​

ការណ៍​នេះ​មាន​ន័យ​ថា​ មាន​តែ​ការ​ដឹក​ទំនិញ​ពាណិជ្ជ​កម្ម​និង​ការ​ដឹក​ជញ្ជូនដូច​ជា​គិលានុបដ្ឋាក​គិលានុបដ្ឋាយិកា ​និង​វេជ្ជ​បណ្ឌិត​ដែល​រស់​នៅ​ក្នុង​ប្រទេស​មួយ ​ហើយ​ធ្វើការ​នៅ​ក្នុង​ប្រទេស​មួយ​ទៀត​អាច​ឆ្លង​កាត់​ព្រំដែន​នេះ​បាន។ ការ​ធ្វើ​ដំណើរ​សម្រាប់​ទេសចរណ៍​និង​សកម្មភាព​នានា​ដូចជា​ ការ​ទៅ​ទិញ​អីវ៉ាន់​លក់​រាយ​បាន​ត្រូវ​ហាម​ប្រាម។​

ដោយ​ចាប់​ផ្តើម​កាល​ពីថ្ងៃ​ទី​២០​ ខែ​មីនា ការ​បិទ​ព្រំដែន​នេះ​មាន​ការ​គាំទ្រពី​ការ​ស្ទង់​មតិ​ពីរ​ដាច់​ដោយឡែក​ពី​គ្នា​ ធ្វើ​ឡើង​កាល​ពី​ខែ​កក្កដា ​ដែល​បាន​រក​ឃើញ​ថា​ ពលរដ្ឋកាណាដា​ជាង​៨០ភាគរយ​ចង់​ឱ្យ​មាន​ការ​បិទ​ព្រំដែន​ត​ទៅ​ទៀត​សម្រាប់​ចរាចរណ៍​ដែល​មិន​ចាំ​បាច់។​

លោក ​David Webb ​ជា​ម្ចាស់​កន្លែង​សម្រាប់​ស្នាក់​អាស្រ័យ​ឈ្មោះ ​Ocean Rose and Breakfast​ នៅ​ក្រុង ​White Rock ​ក្នុង​តំបន់​ British Columbia ​ប្រទេស​កាណាដា។​តំបន់​ជាយក្រុង​ Vancouver ​នេះ​ឋិត​នៅ​ជិត​ព្រំដែន​អន្តរជាតិ។​ ពី​ផ្ទះ​របស់​លោក​ ​លោក​ Webb ​អាច​មើល​ឃើញ​កន្លែង​ឆ្លង​កាត់​ព្រំដែន​ Peace Arch ​និង​ក្រុង​ព្រំដែន​អាមេរិកាំង​ Blaine ​ក្នុង​រដ្ឋ​វ៉ាស៊ីនតោន ។​ ចំនួន​៤០ភាគរយ​នៃ​ភ្ញៀវ​របស់​លោក​មក​ពី​ស.រ.អា.​ ក៏​ប៉ុន្តែ​លោក​យល់​ស្រប​ឱ្យ​មាន​ការ​បិទ​ព្រំដែន​តទៅ​ទៀត។​ លោក​ Webb​និយាយ​ថា៖​

«ខ្ញុំ​យល់​ស្រប​នឹង​ការ​បិទ​ព្រំដែន។​ បញ្ហា​មួយ​ក្នុង​បញ្ហា​នានា​ដែល​យើង​ត្រូវ​តែ​គិត​គឺ​ពួក​មនុស្ស​មាន​ប្រព័ន្ធ​ការពារមិន​មាំទាំ។​ ​ប្រពន្ធ​ខ្ញុំ​និង​ខ្ញុំ​មាន​ប្រព័ន្ធ​ការ​ពារ​មិន​មាំទាំ​ទេ​ ហើយ​មនុស្ស​ច្រើន​នាក់​ក៏​ដូច្នេះ​ដែរ។​ មនុស្ស​តែ​ម្នាក់​ដែល​មាន​ផ្ទុក​វីរុស​នេះ​អាច​ចម្លង​ជំងឺ​នេះ​ទៅ​មនុស្ស​ច្រើន​នាក់។​ ខ្ញុំ​យល់​ថា​ នេះ​ជា​អ្វី​ដែល​មនុស្ស​កំពុង​ពិនិត្យ​មើល​នៅ​ទី​នេះ»។​

ការ​ស្ទង់​មតិ​មួយ​ធ្វើ​ដោយ​អង្គការស្រាវជ្រាវ ​Nanos ​សម្រាប់​កាសែត​ The Globe and Mail បាន​រក​ឃើញ​ថា​ មាន​តែ​៣ភាគរយ​ប៉ុណ្ណោះ​នៃមនុស្ស​ត្រូវ​ស្ទង់​មតិ​យល់​ថា​ ​គួរ​បើក​ព្រំដែន​ជា​បន្ទាន់។​

លោក​ Nick Nanos ​ដែល​ជា​ប្រធាន​ទិន្នន័យ​វិទ្យាសាស្ត្រ​នៅ​ឯ​អង្គការ​ស្រាវជ្រាវ ​Nanos​ មើល​ឃើញ​ថា​ ​លទ្ធផល​នេះ​គួរ​ឲ្យ​កត់​សម្គាល់​ដោយ​ពិចារណា​អំពី​ថា​ ការ​ពឹង​ពាក់​របស់​ប្រទេស​កាណាដា​លើ​ការ​បើក​ព្រំដែល​ចូល​ស.រ.អា.។​ ​លោក ​Nanos​ ថ្លែង​ថា៖​

«ការ​ស្ទង់មតិ​នេះ​នាំ​ឱ្យ​មាន​ការ​យល់​ឃើញ​ថា​ មនុស្ស​ដែល​ចង់​ឱ្យ​មាន​ការ​បើក​ព្រំដែន​ជា​បន្ទាន់​មាន​ចំនួន​តិច​ក្នុង​ចំណោម​ក្រុម​ពលរដ្ឋកាណាដា​គឺ​មាន​តិច​ជាង​ម្នាក់​ក្នុង​បណ្តា​ជន​ជាតិ​កាណាដា​២០​នាក់។​ ជា​ធម្មតា ​យើង​មិន​បាន​ឃើញ​ការ​មូល​មតិគ្នា​បែប​នេះ​ទេ​នៅ​ក្នុង​ទិន្នន័យ​នៃ​ការ​ស្ទង់​មតិ​ដែល​មាន​មនុស្ស​៨​នាក់​ក្នុង​បណ្តា​មនុស្ស​១០​នាក់​យល់ស្រប​ដូច្នេះ។ ​អ្វី​ដែល​ខ្ញុំ​អាច​ពិចារណា​គឺ​ សកម្ម​ភាព​គំហុក​មួយ​ដោយ​បិទព្រំដែន​មិន​ឱ្យ​ពួក​ភ្ញៀវ​ទេសចរ​មិន​ចាំបាច់​ឆ្លង​កាត់​ព្រំដែន។​ ដូច្នេះ​វិធានការ​នេះ​មិន​ធម្មតា​ទេ​ ក៏​ប៉ុន្តែ​វា​សមរម្យ​នឹង​ពេល​វេលា​នេះ​និង​អ្វីដែល​ពលរដ្ឋកាណាដាមាន​អារម្មណ៍​ថា​ជា​ការ​គំរាម​កំហែង​ដល់ពួក​គេ»។​

មាន​ភាព​ខុស​គ្នា​ច្រើន​អំពី​អត្រា​នៃ​ការ​ផ្ទុក​វីរុស​កូរ៉ូណា​នៅ​តាម​បណ្តោយ​ផ្នែក​ខាង​លិច​បំផុត​នៃ​ព្រំដែន​នេះ។​

រដ្ឋ​វ៉ាស៊ីនតោន​បាន​រាយ​ការណ៍​អំពី​ការ​ឆ្លង​ជំងឺ​នេះ​កម្រិត​ខ្ពស់​បំផុត​គឺ​មាន​ករណី​អ្នក​ផ្ទុក​វីរុស​១ពាន់​២រយ​៦៧​នាក់​និង​មាន​មនុស្ស​ស្លាប់​៦​នាក់​កាល​ពី​ថ្ងៃ​ទី​១៦​កក្កដា។ ​នៅ​ថ្ងៃ​ដដែល​នោះ​ខេត្ត ​British Columbia ​នៃ​ប្រទេស​កាណាដា​មាន​មនុស្ស​ឆ្លង​វីរុស​នេះ​ថ្មីៗ​ចំនួន​២១​នាក់​ ហើយ​គ្មាន​មនុស្ស​ស្លាប់​ទេ។​ ជិត​៦ភាគរយ​នៃ​ពួក​ជន​បាន​ត្រូវ​ធ្វើ​តេស្ត​នៅ​ក្នុង​រដ្ឋ​ វ៉ាស៊ីនតោន​មាន​វីរុស​នេះ​រីឯ​នៅ​ក្នុង​ខេត្ ត​British Columbia​ មាន​តែ​កន្លះ​ភាគ​រយ​ប៉ុណ្ណោះ។ ​ក្រៅ​ពី​ជា​ព្រំដែន​អន្តជាតិ​គ្មាន​ការ​ការពារ​វែង​បំផុត​ក្នុង​ពិភព​លោក​ ​ព្រំដែន​រវាង​ប្រទេស​កាណាដា​និង​ស.រ.អា.​ក៏​មាន​ធុរកិច្ច​ច្រើន​ដែរ។​ អ្នក​តំណាង​ពាណិជ្ជ​កម្ម​ស.រ.អា.​ស្ទង់​ប្រមាណ​ថា​ ​ពាណិជ្ជ​កម្ម​គ្រប់​ប្រភេទ​ឆ្លង​កាត់​ព្រំដែន​នេះ​កាលពី​ឆ្នាំ​២០១៨​មាន​៧១៨,៥​ពាន់​លាន​ដុល្លារ​គឺ​មាន​ប្រមាណ​២​ពាន់​លាន​ដុល្លារ​ក្នុង​មួយ​ថ្ងៃ៕​

ប្រែសម្រួល​ដោយ​លោក​ឈឹម សុមេធ

តួលេខនៃករណីឆ្លងជំងឺកូវីដ១៩

XS
SM
MD
LG