អ្នកស្រី យិន សុជាតិ អាយុ២៩ឆ្នាំ ជាកសិករដក់អារម្មណ៍នឹងទូរស័ព្ទទំនើបរបស់គាត់ ប៉ុន្តែអ្នកស្រីមិនមែនដក់អារម្មណ៍នឹងរូបដែលគេចែករំលែកច្រើនទេ។
អ្នកស្រីមើលកម្មវិធីសាកល្បងថ្មីដែលគេសង្ឃឹមថា នឹងជួយឱ្យអ្នកស្រី គ្រួសារ និងអ្នកដទៃទៀងមានអនាគតប្រសើរឡើង នៅពេលការប្រែប្រួលអាកាសធាតុធ្វើឲ្យធាតុអាកាសមិនល្អនៅកម្ពុជា។ អ្នកស្រាវជ្រាវសិក្សាអំពីវិធីកាត់បន្ថយការបាត់បង់ព្រៃឈើ និងវិធីជួយកសិករទប់ទល់នឹងធាតុអាកាសប្តូរផ្លាស់ ដោយប្រមូលទិន្នន័យតាមរយៈការស្ទង់មតិនៅតាមសហគមន៍នៅតំបន់ដាច់ស្រយាល។
នូ កែវសុទ្ធា នាយកកម្មវិធីអភិវឌ្ឍន៍នៅសាកលវិទ្យាល័យបញ្ញាសាស្ត្រឲ្យដឹងថា ដំណើរការនេះត្រូវចំណាយនិងពេលច្រើន។ លោក Simon Willcock អ្នកវិទ្យាសាស្ត្របរិស្ថាននៅសាកលវិទ្យាល័យ Bangor ប្រទេសវេល (Wales) និយាយថា កម្មវិធីសាកល្បងថ្មីនេះមានគោលបំណងសិក្សាថា តើការស្ទង់មតិដែលចំណាយតិចតាមរយៈទូរស័ព្ទចល័តរួមនឹងទិន្នន័យដែលទទួលបាន អាចជួយធ្វើឲ្យប្រសើរឡើងដែរឬទេ។
ការសិក្សាបែបនេះអាចផ្តល់ព័ត៌មានថ្មីអំពីវិធីឆ្លើយតបនឹងវិបត្តិនៃការប្រែប្រួលអាកាសធាតុឲ្យអ្នកវិទ្យាសាស្ត្រនិងរដ្ឋាភិបាលបានដឹង។ នេះបើតាមខ្លឹមសារដំបូងរបស់របាយការណ៍នេះ។ ក្នុងការប្រើកម្មវិធីឈ្មោះ MobilES កសិករនឹងបញ្ជូនទិន្នន័យអំពីភ្លៀង ផលិតកម្មអាហារ គុណភាពទឹកនិងការប្រើប្រាស់ថាមពល។
លោក Willcock និយាយថា កសិករគឺជាអ្នកប្រមូលទិន្នន័យនេះដោយខ្លួនឯងរាល់ថ្ងៃ។ អ្នកស្រាវជ្រាវនិយាយថា កម្មវិធីនេះដែលបង្កើតឡើងដោយសាកលវិទ្យាល័យ Willcock និងសាកលវិទ្យាល័យKeosothea សហការជាមួយរដ្ឋាភិបាលកម្ពុជានិងសាកលវិទ្យាល័យ New York មានគោលបំណងផ្តល់ទិន្នន័យច្បាស់លាស់ដល់អ្នកស្រាវជ្រាវ។
សុទ្ធា ដែលមានតួនាទីក្នុងរដ្ឋាភិបាលកម្ពុជាជាអគ្គនាយករងគណៈកម្មាធិការជាតិនៃគណៈកម្មការសេដ្ឋកិច្ចនិងសង្គមអ.ស.ប.សម្រាប់តំបន់អាស៊ីនិងប៉ាស៊ីហ្វិកនិយាយថា ទិន្នន័យនឹងត្រូវបញ្ជូនទៅឲ្យអ្នកធ្វើផែនការរដ្ឋាភិបាល ដើម្បីជួយពួកគេធ្វើគោលនយោបាយប្រសើរឡើង សម្រាប់ដោះស្រាយបញ្ហានានា។ លោកលើកឡើងថា បច្ចេកវិជ្ជាបែបនេះអាចជួយឱ្យមានជោគជ័យក្នុងការទប់ទល់នឹងការប្រែប្រួលអាកាសធាតុ៕