ខេត្តកណ្តាល —
កងកម្លាំងប្រដាប់អាវុធជាច្រើនរយនាក់រួមជាមួយនឹងសកម្មជនគាំទ្រគណបក្សប្រជាជនកម្ពុជាបានរំខានដល់ការជួបប្រជុំរបស់គណបក្សសង្គ្រោះជាតិនៅរសៀលថ្ងៃអង្គារនេះនៅក្នុងស្រុកស្អាង ខេត្តកណ្តាល។
ស្រុកស្អាងមានអ្នកគាំទ្រគណបក្សសង្គ្រោះជាតិយ៉ាងលើសលុបបើធៀបទៅនឹងសំឡេងគាំទ្រគណបក្សប្រជាជនកម្ពុជា ហើយការរំខាននេះបានធ្វើឲ្យគណបក្សសង្គ្រោះជាតិលុបចោលកិច្ចប្រជុំជាមួយសកម្មជនរបស់ខ្លួនភ្លាមៗ។
លោកសម រង្ស៊ី ប្រធានគណបក្សសង្គ្រោះជាតិបានហៅការរំខាននោះថាជាការបង្កហេតុ៖ «គម្រោងពីអ្នកកាន់អំណាច ក្រុមអ្នកកាន់អំណាចគឺចង់បង្ករឿងឈានដល់អំពើហិង្សាមកលើអ្នកគាំទ្រគណបក្សសង្គ្រោះជាតិ។គេបានរៀបចំឲ្យមេដឹកនាំគណបក្សសង្គ្រោះជាតិមានរូបខ្ញុំនិងលោកកឹម សុខា ចូលក្នុងអន្ទាក់នេះ»។
មេដឹកនាំគណបក្សសង្គ្រោះជាតិលោកសម រង្ស៊ី និងលោកកឹម សុខា គ្រោងនឹងធ្វើពិធីសំណេះសំណាលមួយជាមួយសកម្មជនរបស់ខ្លួននៅក្នុងភូមិទួលក្តី ឃុំត្រើយស្លា ស្រុកស្អាង ដែលស្ថិតនៅចម្ងាយប្រមាណជា៥០គីឡូម៉ែត្រ ភាគខាងត្បូងរាជធានីភ្នំពេញ។
មនុស្សប្រមាណជា១.០០០នាក់បានមកជួបជុំមុននឹងកិច្ចប្រជុំបើកទ្វារ។ ប៉ុន្តែកងកម្លាំងប្រដាប់អាវុធមានប៉ូលិសនិងកងរាជអាវុធហត្ថជាច្រើនរយនាក់ប្រដាប់ដោយខែល ត្រូវគេដាក់ពង្រាយនៅតាមកន្លែងជាច្រើនចាប់តាំងពីនៅតាមផ្លូវ និងនៅក្នុងវត្តកេតុឧត្តម ដែលនៅមិនឆ្ងាយពីទីកន្លែងនៃកិច្ចជំនុំ។
មានប្រជាពលរដ្ឋជាច្រើនរយនាក់ផ្សេងទៀតដែលក្នុងនោះភាគច្រើនលើសលុបគឺជាបុរស យុវជនវ័យកណ្តាលនិងមនុស្សវ័យចំណាស់បានស្ថិតក្នុងចំណោមក្រុមសមត្ថកិច្ចខាងលើនេះ។
ប្រជាពលរដ្ឋទាំងនេះត្រូវគេអះអាងថា គឺជាអ្នកគាំទ្រគណបក្សប្រជាជនកម្ពុជា។ ពួកគេបានពង្រាយគ្នាក្នុងវត្តជាមួយក្រុមប្រដាប់អាវុធ និងនៅក្នុងសាលារៀនប៊ុន រ៉ានី ហ៊ុន សែន កេតុឧត្តម ដែលនៅជាប់ព្រំគ្នាជាមួយវត្តកេតុឧត្តម។
ដោយភ័យខ្លាចមានការប៉ះទង្គិចដោយហិង្សាក្រុមមេដឹកនាំគណបក្សសង្គ្រោះជាតិបានលុបចោលកិច្ចប្រជុំជាមួយអ្នកគាំទ្ររបស់ខ្លួន។
លោកកឹម សុខា បានថ្លែងក្នុងសន្និសីទកាសែតជាមួយលោកសម រង្ស៊ី ក្នុងក្រុងភ្នំពេញថា ការរំខាននេះកើតឡើងក្រោយពីការអំពាវនាវរបស់លោកនាយករដ្ឋមន្ត្រីហ៊ុន សែន។
លោកហ៊ុន សែន បានអំពាវនាវឲ្យអ្នកគាំទ្រគណបក្សប្រជាជនចេញមុខការពារគណបក្សខ្លួនកាលពីថ្ងៃអាទិត្យ។
លោកកឹម សុខាថ្លែងថា៖ «គណបក្សសង្គ្រោះជាតិធ្វើវេទិការាប់រយរាប់ពាន់កន្លែងហើយអត់ដែលមានបញ្ហាទេ។ តើបញ្ហានេះកើតដោយសារអី។ គឺក្រោយពីលោកហ៊ុន សែន ញុះញង់តាមទូរទស្សន៍។ ដូច្នេះហើយបានជាសកម្មជនគណបក្សប្រជាជនចេញមកធ្វើបែបហ្នឹង»។
ខេត្តកណ្តាលគឺជាខេត្តឈរឈ្មោះតំណាងរាស្ដ្ររបស់លោកនាយករដ្ឋមន្ត្រីហ៊ុន សែន សម្រាប់កូតាគណបក្សប្រជាជនកម្ពុជា។ ខេត្តនេះមានកៅអីតំណាងរាស្រ្តចំនួន១១អាសនៈ។ ក្នុងការបោះឆ្នោតកាលពីថ្ងៃទី២៨ខែកក្កដា គណបក្សសង្គ្រោះជាតិឈ្នះបាន៧អាសនៈ រីឯគណបក្សប្រជាជនកម្ពុជាឈ្នះបាន៤អាសនៈ។
លោកអេង ឆៃអ៊ាង តំណាងរាស្ដ្រនិងជាប្រធានក្រុមការងារគណបក្សជំទាស់ប្រចាំខេត្តកណ្តាលឲ្យដឹងថា គណបក្សសង្គ្រោះជាតិបានសម្រេចចិត្តផ្អាកកិច្ចប្រជុំជាមួយសកម្មជនមូលដ្ឋានដើម្បីបញ្ចៀសបាតុភាពហិង្សាណាមួយជាយថាហេតុ។
«ដោយសារគេបញ្ចូលមនុស្សបង្កប់ដែលភាគច្រើនយើងដឹងថាជាអង្គរក្សរបស់មេដឹកនាំគណបក្សប្រជាជនដែលគេបញ្ចូលជាមួយប្រជាពលរដ្ឋរាប់រយនាក់។ បើអញ្ចឹងយើងប្រជុំអាចផ្ទុះអ្វីមួយ។ ដូច្នេះយើងសម្រេចលើកពេលហើយឲ្យប្រជាពលរដ្ឋអញ្ជើញទៅផ្ទះវិញ។ ហើយកម្លាំងនេះត្រូវបញ្ជូនមកតាំងពីម្សិលមិញនិងបញ្ជូនមកព្រឹកមិញទៀត»។
លោកជាម យៀប តំណាងរាស្រ្តនិងជាមន្ត្រីជាន់ខ្ពស់គណបក្សប្រជាជនកម្ពុជាមួយរូបមិនអាចទាក់ទងបានទេនៅថ្ងៃនេះ។
ដោយឡែកលោកឧត្តមសេនីយ៍ ខៀវ សុភ័គ និងលោកឧត្តមសេនីយ៍ គៀត ចន្ថារិទ្ធ អ្នកនាំពាក្យក្រសួងមហាផ្ទៃមិនលើកទូរស័ព្ទឡើយខណៈដែលស្នងការប៉ូលិសខេត្តកណ្តាលលោក អ៊ាវ ចំរើន បិទទូរស័ព្ទ៕
ស្រុកស្អាងមានអ្នកគាំទ្រគណបក្សសង្គ្រោះជាតិយ៉ាងលើសលុបបើធៀបទៅនឹងសំឡេងគាំទ្រគណបក្សប្រជាជនកម្ពុជា ហើយការរំខាននេះបានធ្វើឲ្យគណបក្សសង្គ្រោះជាតិលុបចោលកិច្ចប្រជុំជាមួយសកម្មជនរបស់ខ្លួនភ្លាមៗ។
លោកសម រង្ស៊ី ប្រធានគណបក្សសង្គ្រោះជាតិបានហៅការរំខាននោះថាជាការបង្កហេតុ៖ «គម្រោងពីអ្នកកាន់អំណាច ក្រុមអ្នកកាន់អំណាចគឺចង់បង្ករឿងឈានដល់អំពើហិង្សាមកលើអ្នកគាំទ្រគណបក្សសង្គ្រោះជាតិ។គេបានរៀបចំឲ្យមេដឹកនាំគណបក្សសង្គ្រោះជាតិមានរូបខ្ញុំនិងលោកកឹម សុខា ចូលក្នុងអន្ទាក់នេះ»។
មេដឹកនាំគណបក្សសង្គ្រោះជាតិលោកសម រង្ស៊ី និងលោកកឹម សុខា គ្រោងនឹងធ្វើពិធីសំណេះសំណាលមួយជាមួយសកម្មជនរបស់ខ្លួននៅក្នុងភូមិទួលក្តី ឃុំត្រើយស្លា ស្រុកស្អាង ដែលស្ថិតនៅចម្ងាយប្រមាណជា៥០គីឡូម៉ែត្រ ភាគខាងត្បូងរាជធានីភ្នំពេញ។
មនុស្សប្រមាណជា១.០០០នាក់បានមកជួបជុំមុននឹងកិច្ចប្រជុំបើកទ្វារ។ ប៉ុន្តែកងកម្លាំងប្រដាប់អាវុធមានប៉ូលិសនិងកងរាជអាវុធហត្ថជាច្រើនរយនាក់ប្រដាប់ដោយខែល ត្រូវគេដាក់ពង្រាយនៅតាមកន្លែងជាច្រើនចាប់តាំងពីនៅតាមផ្លូវ និងនៅក្នុងវត្តកេតុឧត្តម ដែលនៅមិនឆ្ងាយពីទីកន្លែងនៃកិច្ចជំនុំ។
មានប្រជាពលរដ្ឋជាច្រើនរយនាក់ផ្សេងទៀតដែលក្នុងនោះភាគច្រើនលើសលុបគឺជាបុរស យុវជនវ័យកណ្តាលនិងមនុស្សវ័យចំណាស់បានស្ថិតក្នុងចំណោមក្រុមសមត្ថកិច្ចខាងលើនេះ។
ប្រជាពលរដ្ឋទាំងនេះត្រូវគេអះអាងថា គឺជាអ្នកគាំទ្រគណបក្សប្រជាជនកម្ពុជា។ ពួកគេបានពង្រាយគ្នាក្នុងវត្តជាមួយក្រុមប្រដាប់អាវុធ និងនៅក្នុងសាលារៀនប៊ុន រ៉ានី ហ៊ុន សែន កេតុឧត្តម ដែលនៅជាប់ព្រំគ្នាជាមួយវត្តកេតុឧត្តម។
ដោយភ័យខ្លាចមានការប៉ះទង្គិចដោយហិង្សាក្រុមមេដឹកនាំគណបក្សសង្គ្រោះជាតិបានលុបចោលកិច្ចប្រជុំជាមួយអ្នកគាំទ្ររបស់ខ្លួន។
លោកកឹម សុខា បានថ្លែងក្នុងសន្និសីទកាសែតជាមួយលោកសម រង្ស៊ី ក្នុងក្រុងភ្នំពេញថា ការរំខាននេះកើតឡើងក្រោយពីការអំពាវនាវរបស់លោកនាយករដ្ឋមន្ត្រីហ៊ុន សែន។
លោកហ៊ុន សែន បានអំពាវនាវឲ្យអ្នកគាំទ្រគណបក្សប្រជាជនចេញមុខការពារគណបក្សខ្លួនកាលពីថ្ងៃអាទិត្យ។
លោកកឹម សុខាថ្លែងថា៖ «គណបក្សសង្គ្រោះជាតិធ្វើវេទិការាប់រយរាប់ពាន់កន្លែងហើយអត់ដែលមានបញ្ហាទេ។ តើបញ្ហានេះកើតដោយសារអី។ គឺក្រោយពីលោកហ៊ុន សែន ញុះញង់តាមទូរទស្សន៍។ ដូច្នេះហើយបានជាសកម្មជនគណបក្សប្រជាជនចេញមកធ្វើបែបហ្នឹង»។
ខេត្តកណ្តាលគឺជាខេត្តឈរឈ្មោះតំណាងរាស្ដ្ររបស់លោកនាយករដ្ឋមន្ត្រីហ៊ុន សែន សម្រាប់កូតាគណបក្សប្រជាជនកម្ពុជា។ ខេត្តនេះមានកៅអីតំណាងរាស្រ្តចំនួន១១អាសនៈ។ ក្នុងការបោះឆ្នោតកាលពីថ្ងៃទី២៨ខែកក្កដា គណបក្សសង្គ្រោះជាតិឈ្នះបាន៧អាសនៈ រីឯគណបក្សប្រជាជនកម្ពុជាឈ្នះបាន៤អាសនៈ។
លោកអេង ឆៃអ៊ាង តំណាងរាស្ដ្រនិងជាប្រធានក្រុមការងារគណបក្សជំទាស់ប្រចាំខេត្តកណ្តាលឲ្យដឹងថា គណបក្សសង្គ្រោះជាតិបានសម្រេចចិត្តផ្អាកកិច្ចប្រជុំជាមួយសកម្មជនមូលដ្ឋានដើម្បីបញ្ចៀសបាតុភាពហិង្សាណាមួយជាយថាហេតុ។
«ដោយសារគេបញ្ចូលមនុស្សបង្កប់ដែលភាគច្រើនយើងដឹងថាជាអង្គរក្សរបស់មេដឹកនាំគណបក្សប្រជាជនដែលគេបញ្ចូលជាមួយប្រជាពលរដ្ឋរាប់រយនាក់។ បើអញ្ចឹងយើងប្រជុំអាចផ្ទុះអ្វីមួយ។ ដូច្នេះយើងសម្រេចលើកពេលហើយឲ្យប្រជាពលរដ្ឋអញ្ជើញទៅផ្ទះវិញ។ ហើយកម្លាំងនេះត្រូវបញ្ជូនមកតាំងពីម្សិលមិញនិងបញ្ជូនមកព្រឹកមិញទៀត»។
លោកជាម យៀប តំណាងរាស្រ្តនិងជាមន្ត្រីជាន់ខ្ពស់គណបក្សប្រជាជនកម្ពុជាមួយរូបមិនអាចទាក់ទងបានទេនៅថ្ងៃនេះ។
ដោយឡែកលោកឧត្តមសេនីយ៍ ខៀវ សុភ័គ និងលោកឧត្តមសេនីយ៍ គៀត ចន្ថារិទ្ធ អ្នកនាំពាក្យក្រសួងមហាផ្ទៃមិនលើកទូរស័ព្ទឡើយខណៈដែលស្នងការប៉ូលិសខេត្តកណ្តាលលោក អ៊ាវ ចំរើន បិទទូរស័ព្ទ៕
