ភ្ជាប់​ទៅ​គេហទំព័រ​ទាក់ទង

កម្ពុជា​ខកខាន​មិន​បាន​ក្លាយ​ជា​សមាជិក​មិន​អចិន្ត្រៃយ៍​នៃ​ក្រុម​ប្រឹក្សា​អង្គការ​សហ​ប្រជាជាតិ


មន្រ្តី​សន្និសីទ​របស់អង្គការ​សហ​ប្រជាជាតិ​ម្នាក់​ចែក​ក្រដាស់​សម្រាប់​បោះឆ្នោត​ដល់​ប្រតិភូ ខណៈដែល​មហាសន្និបាត​អង្គការ​សហ​ប្រជាជាតិ​​ធ្វើការ​បោះឆ្នោត​ជ្រើសរើស​សមាជិក​មិន​អចិន្ត្រៃយ៍​ថ្មី​ចំនួនប្រាំនៃ​ក្រុម​ប្រឹក្សា​សន្តិសុខ​អង្គការ​សហប្រជាជាតិ​​ ថ្ងៃទី១៨ តុលា ២០១២។

ក្នុង​ជុំ​ទីមួយ​កូរ៉េ​ខាងត្បូង​ទទួល​បាន​សំឡេង​១១៦ ​កម្ពុជា​បាន​​៦២​ និង​ប៊ូតង់​បាន​២០​​ដែល​ធ្វើ​ឱ្យ​ប្រទេស​នេះ​មិន​អាច​ចូលរួម​ប្រកួត​ជុំ​ទីពីរ​បាន។​​

ដោយ៖ វីអូអេ​ខ្មែរ​
ប្រទេស​កូរ៉េខាង​ត្បូង​បាន​ផ្តួល​កម្ពុជា​នៅ​ថ្ងៃ​ព្រហស្បតិ៍​នេះ​នៅ​ក្នុង​ការបោះឆ្នោត​នៅ​មហាសន្និបាត​អង្គការ​សហ​ប្រជាជាតិដោយបាន​ជាប់​ឆ្នោតជា​សមាជិក​មិន​អចិន្ត្រៃយ៍នៃ​ក្រុម​ប្រឹក្សា​សន្តិសុខ​អង្គការ​សហប្រជាជាតិសម្រាប់​តំបន់​អាស៊ី​ប៉ាស៊ីហ្វិក។​

ប្រទេស​កូរ៉េ​ខាង​ត្បូង​ទទួល​បាន​សំឡេង​ គាំទ្រ​១៤៩​ទល់​នឹង​៤៣​សំឡេង​ដែល​កម្ពុជា​បាន​ទទួល​ពី​ប្រទេស​សមាជិក​ដែល​ចូលរួម​បោះឆ្នោត​ចំនួន​១៩២​ នៅក្នុង​ការ​បោះឆ្នោត​ជុំ​ទីពីរដែល​ជា​ជុំ​ផ្តាច់​ព្រាត់។

មាន​ប្រទេស​ចំនួន​បី​គឺ​កូរ៉េខាង​ត្បូង កម្ពុជា​និង​ប៊ូតង់​បាន​ដាក់​បេក្ខ​ភាព​ប្រកួត​សម្រាប់​អាណត្តិ​រយៈ​ពេល​ពីរ​ឆ្នាំ​ដែល​នឹងចាប់​ផ្តើម​នៅ​ដើម​ឆ្នាំ​២០១៣​ដល់​២០១៤។​

ក្នុង​ជុំ​ទីមួយ​កូរ៉េ​ខាងត្បូង​ទទួល​បាន​សំឡេង​១១៦ ​កម្ពុជា​បាន៦២​ និង​ប៊ូតង់​បាន​២០ដែល​ធ្វើ​ឱ្យ​ប្រទេស​នេះ​មិន​អាច​ចូលរួម​ប្រកួត​ជុំ​ទីពីរ​បាន។
សមាជិក​មិន​អចិន្ត្រៃយ៍​ថ្មី​បាន​ជាប់​ឆ្នោត​ក្នុង​ការ​បោះឆ្នោត​លើក​នេះ​គឺ​កូរ៉េខាង​ត្បូង អូស្រ្តាលី លុចហ្ស៊ំបួរ រ្វ៉ាន់​ដា និង​អាហ្សង់ទីន។
XS
SM
MD
LG