ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

លោក Trump យល់ព្រម​ផ្ដល់​ជំនួយ​រដ្ឋាភិបាល​សហព័ន្ធ​ដល់​គ្រោះ​មហន្តរាយ​ភ្លើង​ឆេះ​ព្រៃ​នៅ​រដ្ឋ California


ភ្លើង​ឆេះព្រៃ LNU នៅ​ជាយក្រុង Vacaville រដ្ឋ California សហរដ្ឋអាមេរិក ថ្ងៃ​ទី ១៩ ខែសីហា ឆ្នាំ២០២០។

គិត​ត្រឹម​ថ្ងៃ​សៅរ៍ ភ្លើង​ឆេះ​ព្រៃ​ទ្រង់ទ្រាយ​ធំ​បំផុត​មួយ​ចំនួន​នៅ​ក្នុង​រដ្ឋ California នៅតែ​បន្ត​ឆេះ​រាលដាល ដោយ​បាន​ឆេះ​បំផ្លាញ​អស់​ផ្ទៃដី​ទំហំ ៤.០៤៦ គីឡូម៉ែត្រ​ក្រឡា​ ក្នុង​រយៈពេល​តែ​មួយ​សប្ដាហ៍​ប៉ុណ្ណោះ។

លោក​ប្រធានាធិបតី Donald Trump បាន​ចេញ​សេចក្ដីថ្លែងការណ៍មួយ​អំពី​គ្រោះមហន្តរាយ​នេះ​កាល​ពី​ថ្ងៃ​សៅរ៍ ដោយ​បាន​ប្រកាស​ថា​នឹង​ផ្ដល់​ជំនួយ​រដ្ឋាភិបាល​សហព័ន្ធ។

អភិបាល​រដ្ឋ California លោក Gavin Newsom បាន​និយាយ​ថា ជំនួយ​នេះ​នឹង​ជួយ​ដល់​ការ​ដោះស្រាយ​វិបត្តិ​នេះ ការ​ផ្ដល់​ទីជម្រក​ស្នាក់នៅ និង​សេវា​សង្គម​ផ្សេង​ទៀត​នៅ​តាម​ស្រុក​មួយ​ចំនួន​ដែល​រងគ្រោះ​ដោយសារ​ភ្លើង​ឆេះ​ព្រៃ​នេះ។

បណ្ដុំ​ភ្លើង​ឆេះ​ព្រៃ LNU និង​បណ្ដុំ​ភ្លើង​ឆេះ​ព្រៃ SCU នៅ​ក្នុង​តំបន់ Bay Area នៃ​ទីក្រុង San Francisco បាន​ក្លាយជា​ភ្លើង​ឆេះ​ព្រៃ​ធំ​ជាង​គេ​បំផុត​ទី ២ និង​ទី ៣ នៅ​ក្នុង​ប្រវត្តិ​ភ្លើង​ឆេះ​ព្រៃ​ថ្មីៗ​នេះ​របស់​រដ្ឋ California។

ភ្លើង​ឆេះ​ព្រៃ​នៅ​ទូទាំង​រដ្ឋ California លើក​នេះ បាន​ធ្វើ​ឲ្យ​មនុស្ស​យ៉ាងតិច ៥ នាក់​ស្លាប់​បាត់បង់​ជីវិត និង​មនុស្ស ៤៣ នាក់​ផ្សេង​ទៀត​រង​របួស ដែល​ក្នុង​នោះ​មាន​ទាំង​អ្នក​ពន្លត់​អគ្គីភ័យ​ផង​ដែរ និង​បាន​ដុត​បំផ្លាញ​ផ្ទះ​សម្បែង និង​អាគារ​ផ្សេង​ទៀត​ជិត ៧០០ ខ្នង។ មនុស្ស​ប្រហែល ១៧៥.០០០ នាក់​ត្រូវ​បាន​អាជ្ញាធរ​ប្រាប់​ឲ្យ​ជម្លៀស​ចេញ​ពី​ផ្ទះ​សម្បែង៕

តួលេខនៃករណីឆ្លងជំងឺកូវីដ១៩

XS
SM
MD
LG