ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ម្នាក់​ស្លាប់​នៅ​ក្នុង​បំផ្ទុះ​គ្រាប់បែក​នៅ​ក្រុងគែរ​ ដែល​បាន​បង្ក​ការ​ខូចខាត​ដល់​កុងស៊ុល​អ៊ីតាលី


ប៉ូលិស​អេហ្ស៊ីប​ឈរច្រក​ចូល​កុងស៊ុល​ដែល​រងការ​បំផ្លាញ​ដោយ​បំផ្ទុះគ្រាប់បែក​ ដែលបានសម្លាប់​មនុស្សយ៉ាងហោច​ណាស់​មួយនាក់​ នៅក្រុងគែរ​ ប្រទេស​អេហ្ស៊ីប​ នា​ថ្ងៃសៅរ៍ ទី១១ ខែកក្កដា ឆ្នាំ២០១៥។
ប៉ូលិស​អេហ្ស៊ីប​ឈរច្រក​ចូល​កុងស៊ុល​ដែល​រងការ​បំផ្លាញ​ដោយ​បំផ្ទុះគ្រាប់បែក​ ដែលបានសម្លាប់​មនុស្សយ៉ាងហោច​ណាស់​មួយនាក់​ នៅក្រុងគែរ​ ប្រទេស​អេហ្ស៊ីប​ នា​ថ្ងៃសៅរ៍ ទី១១ ខែកក្កដា ឆ្នាំ២០១៥។

អាជ្ញាធរ​អេហ្ស៊ីប​បាន​និយាយ​ថា​ បំផ្ទុះ​ខ្លាំង​មួយ​នៅ​ខាង​ក្រៅស្ថាន​កុងស៊ុល​នៃ​ប្រទេស​អ៊ីតាលី​ក្នុង​ក្រុង​គែរ ​បាន​បណ្តាល​ឲ្យ​មនុស្សម្នាក់​ស្លាប់​ និង​ធ្វើ​ឲ្យ​មនុស្ស​យ៉ាង​តិច​ណាស់​បួន​នាក់​ទៀត​ត្រូវ​របួស។​

ស្ថាន​កុងស៊ុល​នេះ​មាន​ការ​ខូច​ខាត​ធ្ងន់ធ្ងរ​ ហើយ​តំបន់​នោះ​មាន​ការ​លិច​ទឹក​ដោយសារ​ការធ្លាយ​បំពង់់ទឹក​នៅ​ក្រោមដី​ ដែល​បាន​បណ្តាល​មក​ពី​ការផ្ទុះ​នោះ។​

អាជ្ញាធរ​បាន​និយាយ​ថា ​ការ​ផ្ទុះ​កាល​ពី​ព្រឹក​ថ្ងៃ​សៅរ៍​នេះ​ទំនង​ជា​បាន​បណ្តាល​មក​ពី​ការ​បំផ្ទុះ​គ្រាប់​បែក​ក្នុង​ឡាន​ដោយ​មាន​គ្រឿង​ផ្ទុះ​មួយ​ត្រូវ​បាន​ដាក់​នៅ​ក្រោម​ឡាន​ចត​មួយ​គ្រឿង​ ហើយ​គ្រឿង​ផ្ទុះ​នោះ​បាន​ត្រូវ​បំផ្ទុះ​ដោយ​មាន​ប្រដាប់​បញ្ជា​ពី​ចម្ងាយ។​

គ្មាន​ការ​អះអាង​ទាមទារ​ការទទួល​ខុស​ត្រូវ​ជាបន្ទាន់​ចំពោះ​ការ​វាយ​ប្រហារ​នេះ ទេ​ ដែល​បានកើត​មាន​ឡើង​នៅ​ពេល​ព្រឹកនៅ​ពេល​ដែល​ស្ថាន​កុងស៊ុលនៅ​បិទ​ទ្វារ​នៅឡើយ។​

លោក​រដ្ឋមន្ត្រី​ការ​បរទេស​អ៊ីតាលី​ Paolo Gentiloni បាន​សរសេរ​លើ​គេហទំព័រ​ Twitter របស់​លោក​ថា «ប្រទេស​អ៊ីតាលី​នឹង​មិន​ត្រូវ​បំភិតបំភ័យ» ដោយ​ការ​វាយប្រហារ​បែប​នេះ​ទេ។ លោក​បាន​និយាយ​ថា​ គ្មាន​ជន​រង​គ្រោះ​ជនជាតិ​អ៊ីតាលី​ទេ។​

ពួក​ជន​សកម្មប្រយុទ្ធ​បាន​ធ្វើការ​វាយ​ប្រហារ​ដ៏​ប្រល័យ​ក្នុង​ប្រទេសអេហ្ស៊ីប​ ចាប់​តាំង​ពី​ពេល​ដែល​កងទ័ព​បាន​ទម្លាក់​លោកប្រធានាធិបតី​អ៊ីស្លាម​និយម​ លោក Mohamed Morsi ពី​តំណែង​កាល​ពី​ពីរឆ្នាំ​មុន​នេះ។​ ការ​វាយ​ប្រហារ​ភាគច្រើន​បាន​យក​កងកម្លាំង​សន្តិសុខ ​និង​ពួក​មន្ត្រីខាង​សន្តិសុខ​ជា​ទី​ដៅ​នៃ​ការ​វាយ​ប្រហារ៕

XS
SM
MD
LG