ភ្ជាប់​ទៅ​គេហទំព័រ​ទាក់ទង

logo-print
ព័ត៌មាន​​ថ្មី

ការ​វាយប្រហារ​ព្រះវិហារ​កាតូលិកនៅ​បួគីណាហ្វាសូ​ សម្លាប់​មនុស្ស​៦នាក់


រូបភាព​ឯកសារ៖ កងកម្លាំង​ប្រដាប់​អាវុធ​កំពុង​ធ្វើ​ដំណើរ​តាម​រថយន្ត​របស់​ពួកគេ​នៅ​ក្នុង​ក្រុង​ Ouhigouya ប្រទេស​បួគីណាហ្វាសូ កាលពី​ថ្ងៃទី៣០ ខែតុលា ឆ្នាំ២០១៨។

ខ្មាន់​កាំភ្លើង​បាន​សម្លាប់​មនុស្ស​៦នាក់ ​ដែល​ចូលរួម​ថ្វាយ​បង្គំ​ព្រះ​ដ៏ធំ​មួយ​ក្នុង​ព្រះវិហារ​កាតូលិក​ Dablo​ ស្ថិត​នៅ​ភាគ​ខាងជើង​ប្រទេស​បួគីណាហ្វាសូ ​កាលពី​ព្រឹក​ថ្ងៃ​អាទិត្យ។ នេះជា​ការ​អះអាង​របស់​ក្រុមមន្ត្រី​ និង​សាក្សី​ឃើញ​ហេតុ​ការណ៍​ផ្ទាល់​ភ្នែក។

សាក្សី​បាន​និយាយ​ប្រាប់ ​VOA ​ភាសា​អាហ្វ្រិក​ថា​ មាន​សង្ឃ​កាតូលិក​និង​អ្នក​ចូលរួម​ថ្វាយ​បង្គំព្រះ​ចំនួន​៥នាក់​ ក្នុង​ព្រះវិហារ​ស្ថិតក្នុង​ចំណោម​នៃ​ជន​រងគ្រោះ។

‍«អ្នក​វាយប្រហារ​មាន​អាយុ​ប្រហែល​៤០ឆ្នាំ ​ហើយ​ពួកគេ​ជិះ​នៅ​លើ​ម៉ូតូ។​ ពួកគេ​សម្លាប់​គ្រប់​មនុស្ស​ គឺ​សម្លាប់​៥នាក់ ​មុន​ពេល​ដុត​ព្រះវិហារ‍»។

ក្រុម​អ្នក​វាយ​ប្រហារ​បាន​ដុត​ព្រះវិហារ ​និង​ហាង​ទំនិញ​ក្បែរ​នោះ ​នៅមុន​ពេល​ដែល​គេ ចាក​ចេញ​ពី​ទីតាំង​ ប្រហែល​ជាមួយ​ម៉ោង​កន្លះ​ក្រោយ​ពី​បាន​មក​ដល់។ ​មាន​មនុស្ស​រង​របួស​ជាច្រើន​ត្រូវ​គេ​រាយការណ៍​មក​ដែរ។

កាលពី​សប្តាហ៍​មុន​ ខ្មាន់​កាំភ្លើង​បាន​សម្លាប់​មនុស្ស​ចំនួន​៥នាក់​ក្ នុង​ព្រះវិហារ​ប្រូតេស្តង់​មួយ​កន្លែង​ នៅក្នុង​ទីក្រុង​ Silgadji ​ដ៏តូច​មួយ​ដែល​ស្ថិត​នៅ​ភាគ​ខាង​ជើង​ប្រទេស៕

XS
SM
MD
LG