ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ប្អូនប្រុស​នាយក​រដ្ឋមន្ត្រី​អង់គ្លេស​លាលែង​ចេញពី​តំណែង​សមាជិក​សភា​និង​រដ្ឋមន្ត្រី


រូបភាពឯកសារ៖ តំណាងរាស្រ្ត​គណបក្ស Conservative Party លោក Jo Johnson បាន​មកដល់​ផ្លូវ Downing Street ក្នុង​ទីក្រុង​ឡុងដ៍។

កាល​ពី​ថ្ងៃ​ព្រហស្បតិ៍ លោក​នាយក​រដ្ឋមន្ត្រី​អង់គ្លេស​ Boris Johson មាន​ដំណើរ​ខក​ការ​មួយ​ទៀត​នៅពេល​ប្អូនប្រុស​លោក​ប្រកាស​អំពី​ការ​លាលែង​ចេញ​ពី​តំណែង​រដ្ឋមន្ត្រី​និង​សមាជិក​សភា។

លោក Jo Johnson បាន Tweet ថា​ការលាលែង​ចេញ​ពី​តំណែង​របស់លោក​បណ្តាលមកពីទំនាស់​រវាង​គ្រួសារ​និងប្រទេស​អង់គ្លេស។​

លោក​ Jo Johnson បាន​និយាយថា«កាលពី​ប៉ុន្មានសប្តាហ៍​ថ្មីៗនេះ​ខ្ញុំ​ពិបាក​បែង​ចែក​រវាង​ភក្តីភាព​ចំពោះគ្រួសារ​និង​ផល​ប្រយោជន៍​ជាតិ--វា​ជា​ភាព​តានតឹង​មួយមិន​អាច​ដោះស្រាយ​រួច ដល់ពេល​វេលា​ហើយ​ដែល​មនុស្ស​ឯទៀត​បន្ត​មុខ​នាទី​ទាំង​នេះ​ពី​ខ្ញុំ​ក្នុង​ឋានៈជា​សមាជិក​សភា​និង​ជា​រដ្ឋមន្ត្រី»។

គេ​មិន​បាន​ដឹង​ជា​បន្ទាន់​ថា​តើ​លោក Jo Johnson ចាកចេញ​ពី​តំណែង​ក្នុងសភា​ជាបន្ទាន់​ឬ​ថា​តើលោក​នឹងឈរ​ឈ្មោះ​ជា​ថ្មីឬទេ។

ការ​លាលែង​ចេញ​ពីតំណែង​របស់លោក Jo Johson មាន​ឡើង​ក្រោយ​បង​ប្រុស​លោក​បាន​បណ្តេញសមាជិក​សភា២១នាក់​ខាង​គណបក្ស​អភិរក្សនិយម​កាល​ពី​ពេល​ថ្មីៗនេះ។​ គណបក្ស​នេះនៅ​តែ​បែក​បាក់គ្នា​អំពី​យុទ្ធសាស្ត្រ​របស់លោក

នាយក​រដ្ឋមន្ត្រីក្នុងការ​ដក​ប្រទេស​អង់គ្លេស​ចេញពីសហភាព​អឺរ៉ុបនៅថ្ងៃ​ទី​៣១​ខែ​តុលា ដោយ​មានឬ​គ្មានកិច្ច​ព្រម​ព្រៀង​មួយ​ក៏​ដោយ។

លោក Boris Johnson បាន​ជួបប្រទះ​ដំណើរ​ខក​ការមួយទៀត​កាលពី​ថ្ងៃពុធ​នៅពេល​សភា​តំណាង​រាស្ត្រ​បានបោះឆ្នោតគាំទ្រ​វិធានការមួយ​បង្ខំរដ្ឋាភិបាល​ឱ្យ​សុំ​សហភាពអឺរ៉ុប​ពន្យា​ពេល Brexit បី​ខែ​ប្រសិនបើ​គ្មានកិច្ចព្រមព្រៀង​ចាក​ចេញ​ពី​សហភាព​អឺរ៉ុប​មុន​ថ្ងៃ​កំណត់ចុង​ក្រោយ​បង្អស់ដោយ​លោក Boris Johnson នៅ​ថ្ងៃ​ទី​៣១​ខែ​តុលា។​

នេះ​ជាការបរាជ័យលើកទី​បី​របស់​លោក Boris Johnson ទាក់​ទង​នឹង Brexit ក្នុង​រយៈពេលពីរ​ថ្ងៃ៕

XS
SM
MD
LG