ភ្ជាប់​ទៅ​គេហទំព័រ​ទាក់ទង

​នាយករដ្ឋ​មន្រ្តី​ចក្រ​ភព​អង់គ្លេស​បាន​ជួប​ជាមួយ​ជន​រងគ្រោះ​​នៃ​ការ​ឆេះ​អាគារ​ខ្ពស់​ដ៏​ប្រល័យ


នាយក​រដ្ឋ​មន្ត្រី​អង់គ្លេស Theresa May និយាយ​ជាមួយ​ក្រុម​អ្នក​ពន្លត់​អគ្គិភ័យ​នៅ​ Grenfield Tower ក្នុង​ទីក្រុង​ឡុងដ៍ ប្រទេស​អង់គ្លេស​ កាល​ពី​ថ្ងៃទី​១៥ មិថុនា។

ប៉ូលិស​ក្រុង​ឡុងដ៍​បាន​ប្រាប់​ឲ្យ​ដឹង​កាល​ពី​ថ្ងៃសៅរ៍​ថា ​មនុស្ស​យ៉ាង​ហោច​ណាស់​ក៏​៥៨​នាក់​ដែរ​ប្រហែល​បាន​ត្រូវ​សម្លាប់​នៅ​ក្នុងអគ្គិភ័យ​នៅ​អាគារ​ខ្ពស់​ដែល​មាន​មនុស្ស​រស់​នៅ​កាល​ពី​ថ្ងៃ​ពុធ​ នៅ​ភាគ​ខាង​លិច​ទីក្រុង​ឡុងដ៍ ​ចំនួននេះ​រួមមាន​មនុស្ស​៣០​នាក់​ដែល​បាន​បញ្ជាក់​ថា​ស្លាប់​រួច​ហើយ។

មេ​បញ្ជាការ ​Stuart Cundy ​បាន​ប្រាប់​ពួក​អ្នក​យកព័ត៌មាន​នៅ​ឯ​សន្និសីទ​កាសែត​ថា «មាន​មនុស្ស​៥៨នាក់​ដែល​ត្រូវ​បាន​គេ​ប្រាប់​ថា ​បាន​ស្ថិត​នៅ​អាគារ​ GrenfellTower នោះ​នៅ​ពេល​យប់​ដែល​មនុស្ស​កំពុងបាត់​ខ្លួន​នោះ ​ហើយ​ជា​ការ​ឲ្យ​សង្វេក​ខ្ញុំ​ត្រូវ​តែ​សន្មត​ថា ​ពួកគេ​បាន​ស្លាប់​ហើយ‍»។

កាល​ពី​ពេល​មុន ​ប៉ូលិស​បាន​ប្រាប់​ចំនួន​មនុស្ស​ស្លាប់​៣០​នាក់ ​ក៏​ប៉ុន្តែ​លោក​ Cundy ​បាន​និយាយ​ថា​ «មនុស្ស​៥៨​នាក់​ដែល​នឹង​រួម​បញ្ចូល​មនុស្ស​៣០​នាក់​នោះ​ទៀត‍»។​លោក ​Cundy ​បាន​និយាយ​ទៀត​ថា ​ចំនួន​ផ្អែក​លើ​របាយការណ៍​មក​ពី​សាធារណជន​អាច​នឹង​កើន​ឡើង។

ប្រសិន​បើ​ចំនួន​មនុស្ស​ស្លាប់​យ៉ាង​តិច​ក៏​៥៨​នាក់​ត្រូវ​បាន​បញ្ជាក់ ​អគ្គីភ័យ​នោះ​នឹង ក្លាយ​ជាការ​ស្លាប់​មនុស្ស​ដ៏​ច្រើន​បំផុត​នៅ​ក្នុង​ទីក្រុង​ឡុងដ៍​ចាប់​តាំងពី​សង្គ្រាម​លោក​លើកទី២​មក។

តួលេខ​ថ្មី​បាន​ត្រូវ​បញ្ចេញ​នៅ​ពេល​ដែល​លោក​ស្រី​នាយករដ្ឋ​មន្រ្តី ​Theresa May ​បាន​ជួប​កាល​ពី​ថ្ងៃ​សៅរ៍​ជាមួយ​អ្នក​នៅរស់​រាន​មាន​ជីវិត​ពី​អគ្គិភ័យ​នៅឯ​ការិយាល័យរបស់​លោក​ស្រី​នាយករដ្ឋ​មន្រ្តី​នៅ ​Downing Street ​មួយ​ថ្ងៃ​បន្ទាប់​ពី​ត្រូវ​បាន​បណ្តេញ​ដោយ​ពួក​បាតុករ​នៅ​ពេល​ដែល​លោក​ស្រី​នាយក​រដ្ឋ​មន្រ្តី​ចុះ​ទៅ​មើល​នៅ​ជិត​កន្លែង​កើត​ហេតុ​នោះ៕

XS
SM
MD
LG