ប៉ូលិសប្រទេសអង់គ្លេសនិយាយថា ពួកគេកំពុងដោះស្រាយឧបទ្ទវហេតុនៅតំបន់ស្ពាន London Bridge ហើយកំពុងស្នើរសុំកុំឲ្យប្រជាពលរដ្ឋធ្វើដំណើរទៅកាន់តំបន់នោះ។
អ្នកឃើញហេតុការណ៍ផ្ទាល់នឹងភ្នែកនិយាយថា រថយន្តវ៉ែនពណ៌សមួយគ្រឿងបានបើកចេញពីផ្លូវហើយបុកអ្នកដើរជាច្រើននាក់មុនពេលបើកចូលតំបន់ខាងត្បូងនៃទីក្រុងឡុងដ៍។ អ្នកឃើញហេតុការណ៍ផ្ទាល់នឹងភ្នែកនោះបាននិយាយទៀតថា ពួកគេបានឃើញមនុស្សប្រហែលពី៥នាក់ទៅ៨នាក់បានដួលនៅតាមផ្លូវ។
អ្នកឃើញហេតុការណ៍ម្នាក់ប្រាប់ទីភ្នាក់ព័ត៌មាន Reuters ថា អ្នកស្រីបានឃើញមនុស្សចេញពីរថយន្តមានកាន់កាំបិតហើយបានធ្វើឲ្យមនុស្សរងរបួស។ ក្រុមអាជ្ញាធរមិនទាន់បានបញ្ជាក់អំពីឧបទ្ទវហេតុនេះទេ៕
ប្រែសម្រួលដោយ ជឹង ប៉ូជីន
