រដ្ឋមន្ត្រីការបរទេសអាមេរិកលោក Antony Blinken បានទៅដល់រាជធានីភ្នំពេញនៅថ្ងៃពុធ ទី៣ ខែសីហា ដើម្បីចូលរួមកិច្ចប្រជុំកំពូលអាស៊ាន។
សមាជិកអាស៊ានភាគច្រើននឹងផ្ដោតទៅលើក្រមប្រតិបត្តិសម្រាប់សមុទ្រចិនខាងត្បូង។ ប្រធានបទដទៃទៀតនៅក្នុងរបៀបវារៈកិច្ចប្រជុំកំពូលនេះ រួមមានជម្លោះយោធានៅក្នុងប្រទេសមីយ៉ាន់ម៉ា និងការទទួលយកប្រទេសទីម័រខាងកើតជាសមាជិកសមាគមអាស៊ាននេះ។
សមាគមប្រជាជាតិអាស៊ីអាគ្នេយ៍ឬហៅកាត់ថា អាស៊ាន (ASEAN) មានប្រទេសព្រុយណេ កម្ពុជា ឥណ្ឌូណេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ និងវៀតណាមជាសមាជិក។ មានប្រទេសចំនួន១០ផ្សេងទៀតដែលចូលរួមក្នុងកិច្ចប្រជុំកំពូលនេះក្នុងនាមជាដៃគូកិច្ចចរចា ក្នុងនោះរួមមានប្រទេសអូស្ត្រាលី ជប៉ុន ឥណ្ឌា កូរ៉េខាងត្បូង។
រដ្ឋមន្ត្រីការបរទេសរុស្ស៊ីលោក Sergey Lavrov ក៏ស្ថិតនៅកិច្ចប្រជុំកំពូលនេះដែរ ប៉ុន្តែលោករដ្ឋមន្ត្រីការបរទេសអាមេរិក Blinken មិនមានគម្រោងជួបជាមួយនឹងសមភាគីរុស្ស៊ី ឬចិន នៅសប្តាហ៍នេះនៅកម្ពុជាឡើយ។ នេះបើយោងតាមការថ្លែងរបស់មន្ត្រីមួយរូបនៃក្រសួងការបរទេសអាមេរិក៕
