ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

មហា​សេដ្ឋី​លោក Mike Bloomberg ​ចាក​ចេញ​ពី​ការ​ប្រកួត​ធ្វើ​ជា​បេក្ខជន​ប្រធានាធិបតី


មហាសេដ្ឋីលោក Mike Bloomberg ចាប់ដៃជាមួយអ្នកគាំទ្រ នៅក្នុងអំឡុងធ្វើយុទ្ធនាការរកសំឡេងឆ្នោតនៅទីក្រុង West Palm Beach រដ្ឋ Florida ថ្ងៃទី៣ ខែមីនា ឆ្នាំ២០២០។
មហាសេដ្ឋីលោក Mike Bloomberg ចាប់ដៃជាមួយអ្នកគាំទ្រ នៅក្នុងអំឡុងធ្វើយុទ្ធនាការរកសំឡេងឆ្នោតនៅទីក្រុង West Palm Beach រដ្ឋ Florida ថ្ងៃទី៣ ខែមីនា ឆ្នាំ២០២០។

លោក Mike Bloomberg មហាសេដ្ឋី​អាមេរិក​ខាង​វិស័យ​សារព័ត៌មាន បាន​ប្រកាស​នៅ​ថ្ងៃ​ពុធ​នេះ​ថា លោក​បាន​បោះបង់​ចោល​យុទ្ធនាការ​ឃោសនា​រក​សំឡេង​ឆ្នោត ដើម្បី​ក្លាយ​ជា​បេក្ខជន​ប្រធានាធិបតី​តំណាង​ឲ្យ​គណបក្ស​ប្រជាធិបតេយ្យ ហើយ​បាន​ប្រកាស​គាំទ្រ​លោក Joe Biden អតីត​អនុ​ប្រធានាធិបតី​អាមេរិក ដែល​កំពុង​ក្លាយ​ជា​បេក្ខជន​នាំ​មុខ​គេ។

លោក​បាន​ថ្លែង​នៅ​ក្នុង​សេចក្តី​ថ្លែងការណ៍​មួយ​ថា៖ «កាលពី​បី​ខែ​មុន ខ្ញុំ​បាន​សម្រេច​ចូលរួម​ការ​ប្រកួត​ប្រជែង​ដើម្បី​ក្លាយជា​បេក្ខជន​ប្រធានាធិបតី ដើម្បី​ផ្តួល​លោក ដូណាល់ ត្រាំ។ ថ្ងៃនេះ ខ្ញុំ​សម្រេច​ចាកចេញ​ការ​ប្រកួត​នេះ ដោយ​ផ្អែក​លើ​ហេតុ​ផល​ដដែល គឺ​ដើម្បី​ផ្តួល​លោក ដូណាល់ ត្រាំ ដោយ​សារតែ​ខ្ញុំ​កាន់តែ​មើល​ឃើញ​ច្បាស់​ថា បើ​ខ្ញុំ​នៅ​តែ​បន្ត​ចូលរួម​ការ​ប្រកួត នោះ​វា​កាន់តែ​លំបាក​ក្នុង​ការ​សម្រេច​គោល​បំណង​របស់​យើង‍»។

មហាសេដ្ឋី​រូប​នេះ ដែល​ជា​អតីត​អភិបាល​ក្រុង​ញូវយ៉ក បាន​ចំណាយ​ប្រាក់​រាប់រយ​លាន​ដុល្លារ​អាមេរិក ក្នុង​ការ​ធ្វើ​យុទ្ធនាការ​ប្រកួត​ប្រជែង​ដើម្បី​ក្លាយ​ជា​បេក្ខជន​ប្រធានាធិបតី ប៉ុន្តែ​លោក​បាន​ចាញ់​ការ​បោះឆ្នោត​បឋម​ជ្រើសរើស​បេក្ខជន​ប្រធានាធិបតី​ព្រមៗគ្នា ឬ Super Tuesday ដែល​ធ្វើ​ឡើង​ក្នុង​រដ្ឋ​ចំនួន ១៤ ដែល​ជា​ថ្ងៃ​បោះឆ្នោត​បឋម​ដ៏​សំខាន់​មួយ​សម្រាប់​គណបក្ស​ប្រជាធិបតេយ្យ៕

XS
SM
MD
LG