ភ្ជាប់​ទៅ​គេហទំព័រ​ទាក់ទង

ក្រុង​បាល់ទីម័រ​នឹង​ចេញ​សំណង​៦,៤លាន​ដុល្លារ​ដល់​គ្រួសារ​យុវជន​Freddie Gray


រូបឯកសារ៖ មេដឹកនាំ​សាសនា​ព្រះពុទ្ធ​មកពី​ទ្វី​បអាស៊ីខាង​ត្បួង បួងសួង​នៅ​ពីមុខ​ផ្ទាំង​គំនូរ​យុវជន​ Freddie Gray ដែលដាក់​តាំង​នៅ​ Rev. Jamal Bryant កាលពីខែ​ឧសភា ឆ្នាំ២០១៥។

មន្រ្តី​ប៉ូលិស​ទីក្រុង​បាល់​ទី​ម័រ ​បាន​យល់​ព្រម​សង​ប្រាក់​៦​លាន​៤សែន​ដុល្លា​ដើម្បី​ដោះ​ស្រាយ​ការ​ទាមទារ​ដោយ​ក្រុម​គ្រួសារ​របស់​ Freddie Gray​ យុវជន​ស្បែក​ខ្មៅដែល​បាន​រង​របួស​ហើយ​ស្លាប់​ខណៈ​ស្ថិត​នៅ​ក្នុង​ការ​ឃុំ​ឃាំង​របស់​ប៉ូលិស​កាល​ពី​ខែ​មេសា។

ការ​ខឹង​សម្បារ​លើ​ការ​ស្លាប់​របស់​ Gray ​បាន​បណ្តាល​ឲ្យ​មាន​កុប្បកម្ម​ហើយ​និង​ការ​លួច​ទំនិញ​ដែល​បាន​ធ្វើ​ឲ្យ​ខូច​ខាត​ដល់​ហាងលក់​ដូរ​ទំនិញ​រាប់​រយកន្លែង។ ​នៅ​ក្នុង​ការ​ពិភាក្សា​ពីការ​ដោះស្រាយ​បណ្តឹងកាល​ពី​ថ្ងៃ​ពុធ ​លោកស្រី​ Stephanie Rawlings-Blake ​អភិបាល​ក្រុង ​បាន​និយាយ​ថា ​លោកស្រី​សង្ឃឹម​ថា​នឹង​បិទ​រឿងក្តី​នេះ​សម្រាប់​ក្រុម​គ្រួសារ​ Gray ​សហគមន៍​និង​ទីក្រុង​នេះ។

​មន្រ្តី​ប៉ូលិស​៦​នាក់ ​បាន​ប្រឈម​នឹង​ការ​ចោទ​ប្រកាន់​ពី​ការ​ធ្វើ​បាប​ Gray។ ​លោកស្រី​អភិបាល​ក្រុង Rawlings-Blake ​បាន​មាន​ប្រសាសន៍​ថា ​ទីក្រុង​របស់​លោក​ស្រីបាន​សម្រេច​ដោះស្រាយ​បណ្តឹង​រដ្ឋប្បវេណី​ដែល​បាន​ធ្វើ​ឡើង​ដោយ​ក្រុម​គ្រួសារ ​Gray ដើម្បី​ទូទាត់​អ្វី​អាច​ជាការ​ខំ​ប្រឹង​ប្រែង​ដែល​មាន​តម្លៃ​យ៉ាង​ខ្លាំង​ដើម្បី​ដោះស្រាយ​ពី​ការទាម​ទារ​សំណង​ចំពោះ​ការ​ស្លាប់​នេះ។

យុវជន​ Gray ត្រូវ​បានចាប់​ខ្លួន​នៅ​តាមផ្លូវ​ក្នុង​ទីក្រុង​បាល់ទីម័រ កាល​ពី​ថ្ងៃទី១២ ​ខែមេសា នៅ​ក្រោម​កាលៈ​ទេសៈ​ដែល​ស្ថិត​នៅ​ក្នុង​ការ​ឈ្លោះ​ប្រកែក​គ្នា។

ប៉ូលិស​ខ្លះ​បាន​និយាយ​ថា ជន​នោះ​បាន​កាន់​កាំបិត ក៏ប៉ុន្តែ​រដ្ឋ​អាជ្ញា​និយាយ​ថា មិនមាន​មូលដ្ឋាន​ខាង​ផ្លូវច្បាប់​ត្រឹមត្រូវ​ចំពោះ​ការឃុំ​ឃាំង​ជន​នោះ​ទេ។ ​បុរស​អាយុ​២៥​ឆ្នាំ​រូប​នោះ ​បាន​ស្លាប់​នៅ​ក្នុង​មន្ទីរពេទ្យ​មួយ​សប្តាហ៍​ក្រោយ​មក​ដោយ​សារ​របួស​កញ្ចឹងក​ខណៈ​ដែល​ជន​នោះបាន​ត្រូវ​ដាក់​ខ្នោះ​ដៃ​ហើយ​ស្ថិត​នៅ​ខាង​ក្នុង​រថយន្ត​របស់​ប៉ូលិស៕

XS
SM
MD
LG