ភ្ជាប់​ទៅ​គេហទំព័រ​ទាក់ទង

ការ​ចាប់​ខ្លួន​ជន​អន្តោប្រវេសន៍​ខុសច្បាប់​កើន​ឡើង ស្របពេលការ​បញ្ជូន​ពួកគេ​ត្រឡប់​ទៅវិញ​ធ្លាក់​ចុះ​ក្នុង​ឆ្នាំ​សារពើ​ពន្ធ​២០១៧


ភ្នាក់ងារ​អនុវត្ត​ច្បាប់​គយ និង​អន្តោប្រវេសន៍​អាមេរិក​ចូល​ក្នុង​បរិវេណ​អគារ​មួយ​ស្វែងរក​ជន​អន្តោប្រវេសន៍​ដែល​មិន​មាន​លិខិត​ស្នាម​ច្បាស់​លាស់​ ក្នុង​ប្រតិបត្តិ​ពេល​ព្រឹក​មួយ​នៅ​ក្នុង​ក្រុង Dallas រដ្ឋ Texas កាលពី​ថ្ងៃទី៦ ខែមីនា ឆ្នាំ២០១៥។

រដ្ឋាភិបាល​សហរដ្ឋ​អាមេរិក​កំពុង​ឃុំឃាំង​ជន​អន្តោ​ប្រវេសន៍​កាន់​តែ​ច្រើន​ឡើង​នៅ​ក្នុង​សហរដ្ឋ​អាមេរិក​នៅ​ក្រោម​រដ្ឋ​បាល​របស់​លោក​ប្រធានាធិបតី​ ដូណាល់ ​ត្រាំ ​ខណៈ​ដែលការ​បញ្ជូន​ពួកគេ​ត្រឡប់​ទៅកាន់​ប្រទេស​ខ្លួន​វិញ​មាន​ចំនួន​តិចតួច ​នេះ​បើ​យោង​តាមមន្ត្រី​អន្តោប្រវេសន៍​សហព័ន្ធ​ដែល​បាន​ប្រកាស​កាល​ពី​ថ្ងៃ​អង្គារ​ម្សិលមិញ​នេះ។

ទីភ្នាក់ងារ​អន្តោ​ប្រវេសន៍​ និងគយ​របស់​សហរដ្ឋ​អាមេរិក ​ដែល​មន្ត្រី​របស់​ពួកគេ​ចាប់​ខ្លួនមនុស្ស​ដើម្បី​បញ្ជូន​ត្រឡប់​ទៅប្រទេស​វិញ​បាន​ឃុំឃាំង​មនុស្ស​ចំនួន​១សែន​៤ម៉ឺន​៤រយ៧០​នាក់ ​ដែល​កាល​ពី​ដើមឆ្នាំ​ទៅ​មាន​១សែន​១ម៉ឺន​៤ពាន់៤រយ៣៤នាក់ប៉ុណ្ណោះ។ ដូច្នេះ​មាន​ការ​កើន​ឡើង​ចំនួន​២៥ភាគរយ។ ​នេះ​យោង​តាម​ទិន្នន័យសម្រាប់​ឆ្នាំ​សារពើពន្ធ​២០១៧ ​ដែល​គិត​ដល់​ត្រឹម​ថ្ងៃ​ទី៣០ ​ខែ​កញ្ញា។

ទីភ្នាក់ងារ​នោះ​ក៏​បាន​ប្រាប់​ឲ្យ​ដឹង​កាល​ពី​ថ្ងៃ​អង្គារ​ដែរ​ថា ​ការ​បញ្ជូន​មនុស្ស​ត្រឡប់​ទៅ​កាន់​ប្រទេស​កំណើត​វិញ​មាន​ចំនួន​ទាំង​អស់​២សែន​២ម៉ឺន​៦ពាន់​១រយ​១៩​នាក់​ដែល​បាន​ធ្លាក់​ចុះ​៦ ភាគរយ​បើ​ធៀប​ទៅ​នឹង​ឆ្នាំ​មុន។ ក៏ប៉ុន្តែ​ទិន្នន័យ​ឆ្នាំ​សារពើពន្ធឆ្នាំ ២០១៧ ក៏​បង្ហាញ​ដែរ​ថា ​ការ​ចាប់​ខ្លួន​មនុស្ស​របស់​ភ្នាក់ងារ​សហព័ន្ធ​បាន​ធ្លាក់​ចុះ​២៥​ភាគរយ​ ដោយ​នៅ​សល់​ត្រឹម​តែ​ចំនួន៣សែន​១ម៉ឺន​៥រយ​៣១នាក់​ដែល​ជា​ចំនួន​ទាប​មួយ​ក្នុង​រយៈ​ពេល​៤៥ឆ្នាំ។ ការ​ធ្លាក់​ចុះ​មក​នៅ​ចំនួន​ទាប​នៅ​តាម​បណ្តោយ​ព្រំដែន​នេះ​នៅ​មិន​ទាន់​ដឹង​ច្បាស់​នៅ​ឡើយ​ទេ។ ក៏​ប៉ុន្តែ​លោក Thomas Homan នាយក​ស្តីទី​នៃ​ទីភ្នាក់​ងារ​អន្តោ​ប្រវេសន៍​និង​គយ​បាន​សន្មត់​ថា ការ​ធ្លាក់​ចុះ​នៅ​ទាប​នេះ​មក​ពីភាព​ប្រសើរ​ឡើង​នៃ​ការ​ត្រួតត្រា​នៅ​តាម​ព្រំដែន៕

XS
SM
MD
LG