ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ការ​បោះឆ្នោត​ក្រកួត​ប្រជែង​តំណែង​សមាជិក​ព្រឹទ្ធសភា​ក្នុង​រដ្ឋAlabamaត្រូវ​បាន​គេ​តាមដាន​នៅ​ទូទាំង​ប្រទេស​


លោក Roy Moore ថ្លែង​ទៅ​កាន់​សារព័ត៌មាន​បន្ទាប់​ពី​លោក​បាន​ជិះ​សេះ​មួយ​ដើម្បី​ទៅ​បោះឆ្នោត​កាលពី​ថ្ងៃទី១២ ខែធ្នូ ឆ្នាំ២០១៧ នៅ​ក្នុង​ក្រុង Gallant រដ្ឋ Alabama។
លោក Roy Moore ថ្លែង​ទៅ​កាន់​សារព័ត៌មាន​បន្ទាប់​ពី​លោក​បាន​ជិះ​សេះ​មួយ​ដើម្បី​ទៅ​បោះឆ្នោត​កាលពី​ថ្ងៃទី១២ ខែធ្នូ ឆ្នាំ២០១៧ នៅ​ក្នុង​ក្រុង Gallant រដ្ឋ Alabama។

ការ​បោះឆ្នោត​កំពុង​តែ​ដំណើរ​ការ​ស្ថិត​នៅ​ភាគត្បូង​នៃ​រដ្ឋAlabama សហរដ្ឋអាមេរិក គឺ​ជា​ការបោះឆ្នោត​ប្រកួតប្រជែង​តំណែង​ព្រឹទ្ធសភា​ដ៏​ស្វិតស្វាញ​មួយ​ រវាង​បេក្ខជន​ខាង​គណបក្ស​ប្រជាធិបតេយ្យ​ លោក Doug Jones និង​បេក្ខជន​ខាង​គណបក្ស​សាធារណរដ្ឋ​លោក Ray Moore នៅស្រប​ពេល​មាន​ការចោទប្រកាន់​ពី​សំណាក់​ស្ត្រី​ជាច្រើន​ទៅ​លើ​លោក Moore ពាក់ព័ន្ធ​នឹង​ការបៀតបៀន​ផ្លូវភេទ​អស់រយៈ​ពេល​៤​ទសវត្ស​កន្លង​មក​នេះ​ កាល​ពី​ពេល​ពួកគេ​នៅ​ជា​យុវវ័យ​ ហើយ​លោក Moore ពេល​នោះ​មាន​អាយុ​ប្រហែល​ជាង​៣០ឆ្នាំ។

ការ​បោះឆ្នោត​ពិសេស​កាល​ពី​ថ្ងៃអង្គារ​ ត្រូវ​បាន​គេ​តាមដាន​នៅ​ទូទាំង​ប្រទេស​ ដោយសារ​តែ​ការ​បោះ​ឆ្នោតនេះ​គឺ​ជា​ការ​បង្ហាញ​ពី​សភា​ពាក់កណ្តាល​អណាត្តិ​នៅ​ក្នុង​ខែវិច្ឆិកា​ឆ្នាំ​ក្រោយ​នេះ​ នឹង​ក្លាយ​ទៅ​ជា​យ៉ាងណា​ ក៏​ដូច​ជា​ការ​វាស់ស្ទង់​ពី​ឥទ្ធិពល​នយោបាយ​របស់​លោក​ប្រធានាធិបតី Donald Trump ផងដែរ។ លោក Trump បាន​តែងតាំង​លោក Moore​ ជា​អ្នក​ដែល​ច្រាន​ចោល​ការ​ចោទ​ប្រកាន់​ពី​ស្ត្រី​ទាំង​នោះ​ និង​បាន​ប្រកាស​ថា​នឹង​យក​ឈ្នះ​លោក Jones ដែល​លោក​ហៅ​ថា​ជា​អាយ៉ង់​របស់​ពួកសមាជិក​សភា​ខាង​គណបក្ស​ប្រជាធិបតេយ្យ​នៅក្នុង​រដ្ឋធានី​វ៉ាស៊ីនតោន៕

XS
SM
MD
LG