ថ្មីៗ​នេះ ក្រុមហ៊ុន​ Google ​របស់​សហរដ្ឋ​អាមេរិក ​បាន​ឲ្យ​ដឹង​ថា ​ខ្លួន​នឹង​រឹតត្បិត​ក្រុមហ៊ុន​ទូរស័ព្ទHuawei ​របស់​ចិន​មិន​ឲ្យ​ប្រើ​ប្រព័ន្ធ​ប្រតិបត្តិការ Android ​របស់​ខ្លួន​ទៀត​ទេ។ ការណ៍​នេះ​ជា​ការ​ធ្វើ​តាម​រដ្ឋបាល​របស់​ប្រធានាធិបតី​ត្រាំ​ដែល​បាន​សម្រេច​ចាត់​ទុក​​ក្រុមហ៊ុន​ទូរស័ព្ទHuawei ជា​ការ​គំរាម​កំហែង​សន្តិសុខ​ជាតិ។ នៅ​ក្នុង​ប្រធានបទ​ទី៧នៃ​កម្មវិធី​កំណត់​ត្រា​អ្នក​សារព័ត៌មាន​​របស់ VOA ដែល​ជា​កម្មវិធី​ផ្សាយ​បន្ត​ផ្ទាល់​លើ​បណ្ដាញ​ Facebook លោក ចាប ចិត្រា និង​លោក ម៉ែន គឹមសេង បាន​ពិភាក្សា​អំពី ភាព​ចម្រូងចម្រាស​រវាង​សហរដ្ឋ​អាមេរិក​និង​​​ក្រុមហ៊ុន​ទូរស័ព្ទHuawei ដោយ​ផ្តោត​លើ​បណ្ដាញ​អ៊ីនធឺណិត 5G និង​បញ្ហា​ឯកជនភាព។