ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

កាសែត Wall Street Journal រាយការណ៍​ថា Google គ្រោង​បង្កើន​សមត្ថភាព​ Google Search ​ដោយដាក់​ AI Chat និង​វីដេអូ


 ស្លាកសញ្ញា​ក្រុមហ៊ុន ​Google
ស្លាកសញ្ញា​ក្រុមហ៊ុន ​Google

កាសែត Wall Street Journal បាន​រាយការណ៍​កាលពី​ថ្ងៃទី៦ ខែឧសភា​កន្លង​ទៅ​ថា ក្រុមហ៊ុន Google កំពុង​ត្រៀម​បង្កើន​សមត្ថភាព​សេវាកម្ម Google Search​ ​របស់​ខ្លួន​ឱ្យ​កាន់​តែ «មាន​រូបភាព​ច្រើន​ជាង​មុន ងាយ​ស្រួលមើលជាមុន មាន​លក្ខណៈ​ផ្ទាល់​ខ្លួនជាង​មុន និង​មាន​បទពិសោធន៍​ដូច​និយាយ​ជាមួយ​មនុស្ស​ជាង​មុន» ដោយ​ផ្តោត​លើ​ការ​បំពេញ​តម្រូវ​របស់​មនុស្ស​វ័យ​ក្មេង​នៅ​ទូទាំង​សាកលលោក។

ការ​ត្រៀម​ខ្លួន​នេះ​ធ្វើ​ឡើង​នៅ​ពេល​ដែល​កម្មវិធី​បញ្ញា​សិប្បនិម្មិត AI ដូចជា ChatGPT ទទួល​បាន​ប្រជាប្រិយភាពយ៉ាង​លឿន​ដែល​បង្ហាញ​ឱ្យ​ឃើញ​ពី​បច្ចេកវិទ្យា​មួយ​ដែល​អាច​ផ្លាស់ប្តូរ​របៀប​ធ្វើ​ជំនួញ និង​ដំណើរការ​ក្នុង​សង្គម។

របាយការណ៍​នេះ​បាន​លើក​ឡើង​ថា ក្រុមហ៊ុន​បច្ចេកវិទ្យា​យក្ស​មួយ​នេះ​នឹង​ពង្រីក​សេវា Search ​របស់​ខ្លួន​ដោយ​បន្ថយ​ «តំណ​ភ្ជាប់​ពណ៌​ខៀវ​ ១០ចំណុច» ដែល​ជា​ការ​បង្ហាញ​លទ្ធផល​ Search បច្ចុប្បន្ន និង​គ្រោង​ដាក់​បញ្ចូល​សំឡេង​មនុស្ស​ឱ្យ​កាន់​តែ​ច្រើន​ ដែល​ជា​ផ្នែក​មួយ​នៃ​ការ​ផ្លាស់ប្តូរ។

ដោយ​ដកស្រង់​សម្តី​របស់​អ្នក​ស្និទ្ធ​នឹង​បញ្ហា​នេះ កាសែត WSJ បាន​បន្ថែម​ថា នៅ​ក្នុង​សន្និសីទ​អ្នក​អភិវឌ្ឍ​បច្ចេកៈវិទ្យា I/O នៅ​ពេល​ខាង​មុខ ក្រុមហ៊ុន Google ត្រូវ​បាន​គេ​រំពឹង​ថា នឹង​បង្ហាញ​សេវាកម្ម​ពិសេស​ថ្មីៗ​ដែល​អនុញ្ញាត​ឱ្យ​អ្នក​ប្រើប្រាស់​អាច​សន្ទនា​ជាមួយ​នឹង​កម្មវិធី​ AI បាន​ ហើយ​គម្រោង​នេះ​មាន​ឈ្មោះ​ជា​ភាសា​កូដ​ថា «Magi»។

បច្ចេកវិទ្យា​បញ្ញា​សិប្បនិម្មិត AI ដែល​អាច​បង្កើត​ស្នាដៃ​និពន្ធ​ ឬ Generative AI​ មាន​ភាព​ពេញ​និយម​នៅ​ក្នុង​ឆ្នាំ​នេះ ដោយ​មាន​កម្មវិធី​ដែល​ទាក់​ទាញចំណាប់​អារម្មណ៍​របស់សាធារណជន និង​បញ្ឆេះ​ឱ្យ​មាន​ភាព​ប្រញាប់ប្រញាល់​ដល់​ក្រុមហ៊ុន​នានា​ឱ្យ​បញ្ចេញ​ផលិតផល​ប្រហាក់ប្រហែល​ដែល​ពួកគេ​ជឿ​ថា នឹង​ផ្លាស់ប្តូរ​របៀបធ្វើ​ការងារ។

ក្រុមហ៊ុនGoogle ដែល​ជា​ផ្នែក​មួយ​នៃ​ក្រុមហ៊ុនAlphabet Inc. មិន​បាន​ឆ្លើយតប​ភ្លាមៗ​ដល់​ការ​ស្នើសុំ​ការ​បកស្រាយ​ពីទីភ្នាក់ងារ​ព័ត៌មាន Reuters នោះ​ទេ៕

XS
SM
MD
LG