បទសម្ភាសន៍ VOA៖ លោក សម រង្ស៊ីថា មិនតក់ស្លុតនឹងការគំរាមរឹបអូសទ្រព្យសម្បត្តិពីសំណាក់លោក ហ៊ុន សែន
មេដឹកនាំគណបក្សសង្គ្រោះជាតិ ដែលកំពុងនិរទេសខ្លួននៅក្រៅប្រទេសគឺ លោក សម រង្ស៊ី បានថ្លែងថា លោកមិនខ្វាយខ្វល់ពីការប៉ុនប៉ងប្តឹងផ្តល់ទាមទារសំណងជំងឺចិត្ត ១ លានដុល្លារ និងការរឹបអូសទ្រព្យសម្បត្តិលោក ពីសំណាក់លោក នាយករដ្ឋមន្ត្រី ហ៊ុន សែនទេ។ នៅក្នុងបទសម្ភាសន៍តាមទូរស័ព្ទពីប្រទេសបារាំងជាមួយលោក សុខ ខេមរា នៃ VOA រដ្ឋធានីវ៉ាស៊ីនតោន លោក សម រង្ស៊ី បានអះអាងថា ទង្វើរបស់គណបក្សកាន់អំណាចចុងក្រោយនេះ គឺបង្ហាញពីក្តីបារម្ភកាន់តែខ្លាំងចំពោះការប្រកួតប្រជែងក្នុងពេលបោះឆ្នោត៕
