អង្គការសហប្រជាជាតិនិងសមាជិកជាន់ខ្ពស់ជាច្រើនរូបរបស់ទីភ្នាក់ងារផ្តល់ជំនួយទៅកាន់រដ្ឋ Rakhine នៃប្រទេសមីយ៉ាន់ម៉ានៅថ្ងៃព្រហស្បតិ៍នេះជាការខំប្រឹងប្រែងឲ្យមានជំនួយមនុស្សធម៌កាន់ច្រើនឡើងនៅក្នុងតំបន់នោះ នេះតាមលោក Stephane Dujarric អ្នកនាំពាក្យរបស់អង្គការសហប្រជាជាតិ។
លោកបានថ្លែងនៅក្នុងសន្និសីទកាសែតថា «យើងជានិច្ចកាលសង្កត់និងបញ្ជាក់ពីការព្រួយកង្វល់របស់យើងអំពីការកម្រិតការចេញចូលខាងជំនួយមនុស្សធម៌នៅក្នុងតំបន់នោះ។ យើងស្វាគមន៍សេចក្តីអញ្ជើញនេះថាជាជំហានមុនដំបូងហើយយើងសង្ឃឹមថា ការណ៍នេះនឹងនាំឲ្យមានជំនួយមនុស្សធម៌ចេញចូលតំបន់នោះកាន់តែច្រើនឡើង»។
ដំណើរទស្សនកិច្ចដែលគ្រោងធ្វើឡើងនៅថ្ងៃព្រហស្បតិ៍នេះកត់សម្គាល់ជាលើកដំបូងរបស់តំណាងអង្គការសហប្រជាជាតិដែលទៅបំពេញទស្សនកិច្ចរដ្ឋ Rakhineចាប់តាំងពីការចាប់ផ្តើមមានលំហូរជនជាតិភាគតិចរ៉ូហ៊ីងយ៉ាកាន់សាសនាឥស្លាមយ៉ាងច្រើនទៅកាន់ប្រទេសបង់ក្លាដែស។
អង្គការសហប្រជាជាតិបានប្រាប់ឲ្យដឹងថា ជនជាតិភាគតិចរ៉ូហ៊ីងយ៉ាកាន់សាស នាឥស្លាមជាង៤សែននាក់បានរត់គេចខ្លួនទៅកាន់ប្រទេសបង់ក្លាដែសដើម្បីគេចចេញពីការធ្វើទុកបុកម្នេញដោយរដ្ឋាភិបាលមីយ៉ានម៉ា។ យោងតាមទីភ្នាក់ងាររបស់អង្គការសហប្រជាជាតិ បានប្រាប់ឲ្យដឹងថា មនុស្ស៤ម៉ឺន៥ពាន់នាក់បានរត់គេចខ្លួនទៅកាន់ប្រទេសបង់ក្លាដែសក្នុងរយៈពេល២ថ្ងៃកន្លងមកនេះ។
អង្គការសហប្រជាជាតិបានប្រកាសកាលពីថ្ងៃអង្គារថា ខ្លួននឹងបង្កើនការខំប្រឹង ប្រែងជំនួយមនុស្សធម៌របស់ខ្លួនក្នុងប្រទេសបង់ក្លាដែស ទោះបីខ្លួនបានព្រមានថា ការកើនឡើងនូវចំនួនជនភៀសខ្លួនទៅដល់ប្រទេសនោះបានធ្វើឲ្យមានការលំបាកយ៉ាងខ្លាំង ប្រសិនបើ លំហូរជនភៀសខ្លួននោះមិនថមថយ៕