ការជ្រើសរើសរបស់ប្រធានាធិបតីជាប់ឆ្នោត ដូណាល់ ត្រាំឲ្យដឹកនាំទីភ្នាក់ងារការពារបរិស្ថានជាអ្នករិះគន់ដ៏សំខាន់ដល់ផែនការរបស់ប្រធានាធិបតី បារ៉ាក់ អូបាម៉ាដើម្បីដោះស្រាយការផ្លាស់ប្តូរអាកាសធាតុដោយការកាត់បន្ថយការបញ្ចេញកាបោនពីរោងចក្រ។
លោក Scott Pruitt រដ្ឋមន្រ្តីក្រសួងយុត្តិធម៌រដ្ឋ Oklahoma ជាមន្រ្តីម្នាក់មកពីរដ្ឋចំនួន២៧ដែលបានដាក់ពាក្យប្តឹងកាលពីខែមករាដើម្បីស្វះស្វែងរារាំងផែនការថាមពលស្អាតដែលតាមរយៈទីភ្នាក់ងារការពារបរិស្ថានបានអំពាវនាវដល់រដ្ឋនានាឲ្យបង្កើតវិធីនានាដើម្បីកាត់បន្ថយការបញ្ចេញឧស្ម័នកខ្វក់ទាំងអស់ត្រឹម៣២ភាគរយនៅក្រោមកម្រិតឆ្នាំ២០១៥នៅឆ្នាំ២០៣០។ នៅពេលជាមួយគ្នានោះដែរ ចំនួនថាមពលដែលត្រូវបានផលិតសម្រាប់ប្រភពថាមពលកកើតឡើងវិញបាននឹងកើនឡើង។
កាលពីខែកុម្ភៈ តុលាការកំពូលបានចេញបញ្ជាឲ្យផ្អាកច្បាប់នេះកុំឲ្យចូលជាធរមានខណៈដែលបញ្ហាខាងផ្លូវច្បាប់កំពុងបន្តធ្វើឡើង។ តុលាការកំពូលបានបញ្ជូនរឿងក្តីនេះទៅកាន់តុលាការ District of Colombia ដើម្បីពិនិត្យមើលឡើងវិញ ក៏ប៉ុន្តែ បញ្ហានេះត្រូវបានគេរំពឹងថានឹងបញ្ចប់នៅតុលាការកំពូលជាតិដែលនៅទីនោះនាពេលបច្ចុប្បន្ននេះសំឡេងឆ្នោត៤ទល់នឹង៤ប្រាកដក្លាយជាសំឡេងភាគច្រើនដែលមានទំនោទៅខាងអភិរក្សនិយម៥ទល់នឹង៤ដោយប្រធានាធិបតីត្រាំបំពេញកន្លែងចៅក្រមដែលនៅទំនេរ។
រដ្ឋនានាដែលប្តឹងរដ្ឋាភិបាលបានស្អប់ច្បាប់នោះ ដោយពណ៌នាច្បាប់នោះនៅក្នុងឯកសាររបស់តុលាការថាជាច្បាប់ដែលទីភ្នាក់ងារការពារបរិស្ថានបានបង្ខំឲ្យរដ្ឋនានាអនុវត្ត។
លោក Pruitt បានសម្តែងនូវទុដ្ឋិនិយមអំពីការផ្លាស់ប្តូរអាកាសធាតុ។ លោកនិងលោក Luther Strange រដ្ឋមន្រ្តីយុត្តិធម៌រដ្ឋ Oklahoma បានសរសេរនៅក្នុងទស្សនាវដ្តី National Review កាលពីខែឧសភាលបានរិះគន់ពីការចាត់វិធានការខាងផ្លូវច្បាប់ប្រឆាំងរដ្ឋនានាដែលកំពុងអនុវត្តសកម្មភាពខាងផ្លូវច្បាប់ប្រឆាំងក្រុមហ៊ុននានាដែលមិនជឿពីវិទ្យាសាស្រ្តនៃការផ្លាស់ប្តូរអាកាសធាតុ៕