លោករដ្ឋមន្រ្តីការបរទេសសរអា John Kerry ថ្លែងថា សេចក្តីសម្រេចដ៏សំខាន់មួយដើម្បីប្រយុទ្ធទប់ទល់នឹងការឡើងកំដៅក្នុងសកលលោកដែលសរអាបានសម្រេចជាមួយប្រទេសចិនកាលពីពេលថ្មីៗនេះជា«សេចក្តីសម្រេចជាប្រវត្តិសាស្រ្តមួយ»នៅក្នុងការប្រយុទ្ធទប់ទល់នឹងការឡើងកំដៅក្នុងសកលលោក។
លោក Kerry បានថ្លែងថា សរអា និង ចិន គឺប្រទេសពីរដែលជាមេប្រឆាំងជាងគេនៅក្នុងកិច្ចចរចាគ្នាអំពីបញ្ហានេះជាយូរមកហើយ ឥឡូវបានរកឃើញចំណុចអាចយល់ស្របគ្នាបាននៅក្នុងបញ្ហានេះ។
លោក Kerry បានថ្លែងយ៉ាងដូច្នេះកាលពីថ្ងៃព្រហស្បិត៍នៅក្នុងសន្និសិទ្ធរបស់អសបស្តីពិការប្រែប្រួលអាកាសធាតុ នៅទីក្រុង Lima ប្រទេស Peru កន្លែងដែលអ្នកតំណាងពីប្រទែស ២០០ បានចាប់ផ្តើមធ្វើកិច្ចចរចាដ៏សំខាន់នៅដើមខែធ្នូនេះ ស្តីពីសន្ធិសញ្ញាអាកាសធាតុថ្មីមួយដើម្បីកាត់បន្ថយការឡើងកំដៅរបស់សកលលោក៕