នាយករដ្ឋមន្ត្រីអ៊ីស្រាអែល លោក Benjamin Netanyahu កំពុងស្ថិតនៅរដ្ឋធានីវ៉ាស៊ីនតោន ក្នុងសប្តាហ៍នេះ ក្នុងពេលដែលទំនាក់ទំនងមានស្ថានភាពដ៏លំបាករវាងសម្ព័ន្ធមិត្តទាំងពីរ។
មេដឹកនាំអ៊ីស្រាអែលនឹងមកថ្លែងសុន្ទរកថានៅសភានៅថ្ងៃពុធ នៅពេលដែលមានការប្រែប្រួលនយោបាយខ្លាំងនៅសហរដ្ឋអាមេរិក។
លោក Netanyahu ក៏មានគោលបំណងពិភាក្សាជាមួយមេដឹកនាំអាមេរិកដែលប្រយ័ត្នប្រយែងចំពោះកំណត់ត្រារបស់លោកក្នុងការលូកដៃចូលក្នុងនយោបាយអាមេរិក។
ដំណើរទស្សនកិច្ចនេះ មានក្តីសង្ឃឹមលើវឌ្ឍនភាពក្នុងកិច្ចប្រឹងប្រែងដឹកនាំដោយសហរដ្ឋអាមេរិកដើម្បីសម្រុះសម្រួលបញ្ចប់សង្រ្គាមអ៊ីស្រាអែលនិងក្រុមហាម៉ាស់រយៈពេលប្រាំបួនខែ។
លោកប្រធានាធិបតី Joe Biden និងលោក Netanyahu ត្រូវបានគេរំពឹងថានឹងជួបប្រជុំគ្នានៅថ្ងៃព្រហស្បតិ៍។ នេះបើយោងតាមមន្ត្រីសហរដ្ឋអាមេរិកដែលបាននិយាយក្នុងលក្ខខណ្ឌមិនបញ្ចេញឈ្មោះមុនការប្រកាសរបស់សេតវិមាន។
អនុប្រធានាធិបតីអ្នកស្រី Kamala Harris ក៏នឹងជួបជាមួយលោក Netanyahu ដាច់ដោយឡែកនៅថ្ងៃនោះដែរ៕