ប្រតិភូមួយរូបរបស់រដ្ឋាភិបាលមីយ៉ាន់ម៉ាបានជួបជាមួយនឹងក្រុមអ្នកតំណាងឲ្យជនភៀសខ្លួនរ៉ូហ៊ីងយ៉ាកាន់សាសនាឥស្លាមរាប់សែននាក់នៅក្នុងប្រទេសបង់ក្លាដែសដើម្បីពិភាក្សាអំពីការដាក់លក្ខខណ្ឌដើម្បីធ្វើឲ្យការធ្វើមាតុភូមិនិវត្តន៍របស់ពួកគេប្រកបដោយសុវត្ថិភាព។ នេះបើតាមក្រុមមន្ត្រីដែលបានថ្លែងកាលពីថ្ងៃអាទិត្យ។
អគ្គលេខាធិការអចិន្ត្រៃយ៍នៃក្រសួងការបរទេសរបស់មីយ៉ាន់ម៉ាលោក U Myint Thu បានដឹកនាំសមាជិកប្រតិភូចំនួន១០នាក់ ទៅចូលរួមក្នុងកិច្ចពិភាក្សាកាលពីចុងសប្តាហ៍ នៅជំរំជនភៀសខ្លួនក្នុងតំបន់ Cox's Bazar ប្រទេសបង់ក្លាដែស។ លោកបានថ្លែងថា លោកបានប្រាប់ក្រុមជនភៀសខ្លួនអំពីការរៀបចំដើម្បីទទួលការវិលត្រឡប់របស់ពួកគេ ហើយបានព្រមព្រៀងបន្តធ្វើការចរចាជាមួយនឹងពួកគេ។
លោក U Myint Thu បានប្រាប់ក្រុមអ្នកសារព័ត៌មានថា លោកនឹងបន្តពិភាក្សាជាមួយនឹងរដ្ឋាភិបាលបង់ក្លាដេស។ លោកនឹងជួបជាមួយរដ្ឋមន្ត្រីការបរទេសបង់ក្លាដែសនៅថ្ងៃចន្ទនេះក្នុងទីក្រុងដាកា ហើយបន្ទាប់មកលោកនិងបន្តពិភាក្សាអំពីដំណើរការធ្វើមាតុភូមិនិវត្តន៍»៕