ភ្នំពេញ —
អតីតអ្នកទោសគុកទួលស្លែង និងជាប្រធានសមាគមជនរងគ្រោះដោយរបបកម្ពុជាប្រជាធិបតេយ្យ (ក្សេមក្សាន្ត)បានប្រកាសនៅថ្ងៃនេះច័ន្ទនេះថា នឹងមិនមានបាតុកម្មប្រឆាំងលោកកឹម សុខា នៅថ្ងៃអង្គារទី៤ ខែមិថុនាស្អែកនេះទេ ប៉ុន្តែនឹងធ្វើការព្រមានជាថ្មីដល់លោកកឹម សុខា។
សេចក្តីអះអាងនេះធ្វើឡើងស្របពេលដែលរដ្ឋសភាកម្ពុជាគ្រោងនឹងពិភាក្សាសេចក្តីស្នើច្បាប់មួយប្រឆាំងនឹងការធ្វើសេចក្តីអត្ថាធិប្បាយដែលអាចនាំឲ្យមានការយល់ខុសពីអំពើប្រល័យពូជសាសន៍ក្នុងរបបខ្មែរក្រហម។
កាលពីដប់ថ្ងៃមុន លោកជុំ ម៉ី ប្រធានសមាគមក្សេមក្សាន្ត បានទាមទារឲ្យលោកកឹម សុខាសុំទោសព្រលឹងអ្នកស្លាប់នៅគុកទួលស្លែងតាមរយៈការអុជធូប សុំខមាលទោសនៅទីនោះ ដោយលោកលើកឡើងថា អនុប្រធានគណបក្សសង្គ្រោះជាតិរូបនេះចាត់ទុកគុកទួលស្លែង ឬមន្ទីរស២១ជាគុក«សិប្បនិម្មិត»របស់ពួកខ្មែរក្រហមដែល«រៀបចំឡើងដោយវៀតណាម»។
លោកជុំ ម៉ីបានទុកពេលដប់ថ្ងៃគឺរហូតមកដល់ថ្ងៃទី៣ ខែមិថុនានេះ ហើយបើសិនជាលោកកឹម សុខាមិនព្រមសុំទោសដល់ជនរងគ្រោះទេ នោះលោកនឹងដឹកនាំបាតុកម្មធំមួយប្រឆាំងនឹងលោកកឹម សុខា។
ប៉ុន្តែលោកកឹម សុខាថ្លែងថា លោកមិនបាននិយាយដូច្នោះទេ ហើយនោះគឺជាការរៀបចំដោយគណបក្សកំពុងកាន់អំណាច។
លោកជុំ ម៉ីបាននិយាយថា លោកនឹងធ្វើសន្និសីទកាសែតជាលើកទី២នៅថ្ងៃស្អែកនេះដើម្បីព្រមានលោកកឹម សុខាជាថ្មីម្តងទៀតអំពីការធ្វើបាតុកម្មប្រឆាំងរូបលោក។ ប៉ុន្តែសន្និសីទកាសែតនោះមិនមែនតំណាងឲ្យសមាគមក្សេមក្សាន្តនោះទេ។
«ប្រជាជនគាត់ឈឺចាប់ ព្រោះកឹម សុខា គាត់និយាយហ្នឹងវាមិនមានការណ៍ពិតណា៎។ ប្រជាជននឹងធ្វើមហាបាតុកម្មមួយ មិនទាន់កំណត់ទេ»។
ការចោទប្រកាន់អំពីគុកទួលស្លែងបានក្លាយជាចំណោទប្រឆាំងអ្នកនយោបាយជំទាស់ ខណៈដែលការបោះឆ្នោតជ្រើសតាំងតំណាងរាស្ដ្រកាន់តែខិតជិតមកដល់។
លោកយ៉ែម បុញ្ញឫទ្ធិ អ្នកនាំពាក្យគណបក្សសង្គ្រោះជាតិ និយាយថា គណបក្សរបស់លោកនិងលោកកឹម សុខានឹងមិនសុំទោសចំពោះអ្វីដែលលោកជុំ ម៉ីទាមទារនោះទេ។
«មិនមែនជារឿងសុំទោស ឬមិនសុំទោសទេ! ទី១ គឺជាសេចក្តីថ្លែងការណ៍មួលបង្កាច់ ខុសថ្ងៃខែទាំងស្រុង ហើយខុសទីកន្លែងទៀត។ សូមឲ្យបញ្ជាក់ឲ្យច្បាស់ ហើយយកអ្វីហ្នឹងចេញឲ្យច្បាស់។ យើងមិនត្រូវគាំទ្រសេចក្តីថ្លែងការណ៍មួលបង្កាច់ ខុសថ្ងៃខែអញ្ចឹងទេ»។
កាលពីចុងខែឧសភា លោកនាយករដ្ឋមន្ត្រីហ៊ុន សែនបានហៅសេចក្តីអត្ថាធិប្បាយរបស់លោកកឹម សុខាថា ជាការប្រមាថជនរងគ្រោះ។ ជាងនេះទៅទៀត លោកហ៊ុន សែនបានថ្លែងព្រមានថា បាតុកម្មមហាជននឹងផ្ទុះឡើងប្រឆាំងលោកកឹម សុខា។
ប៉ុន្តែលោកកឹម សុខាឆ្លើយតបវិញថា លោកហ៊ុន សែនបានបកស្រាយខុសពីសម្តីដើមរបស់លោក។
នៅក្នុងពេលនោះ លោកនាយករដ្ឋមន្ត្រីខ្មែរក៏បានស្នើឲ្យសមាជិកសភាគណបក្សប្រជាជនកម្ពុជា និងគណបក្សហ៊្វុនស៊ិនប៉ិចធ្វើសេចក្តីស្នើច្បាប់ដើម្បីផ្តន្ទាទោសអ្នកធ្វើសេចក្តីអត្ថាធិប្បាយថា «គ្មានរបបប្រល័យពូជសាសន៍»នៅកម្ពុជា។
លោកឈាង វុន ប្រធានគណៈកម្មការបរទេសនៃរដ្ឋសភាមកពីគណបក្សកាន់អំណាច បញ្ជាក់ថា ក្រុមតំណាងរាស្ដ្រនៃគណបក្សទាំងពីរបានធ្វើសេចក្តីស្នើច្បាប់នោះរួចហើយ ហើយគណៈកម្មការអចិន្ត្រៃរបស់រដ្ឋសភាបានដាក់សេចក្តីព្រាងច្បាប់នេះក្នុងកិច្ចពិភាក្សាពេញអង្គនៅថ្ងៃសុក្រសប្តាហ៍នេះ៕
សេចក្តីអះអាងនេះធ្វើឡើងស្របពេលដែលរដ្ឋសភាកម្ពុជាគ្រោងនឹងពិភាក្សាសេចក្តីស្នើច្បាប់មួយប្រឆាំងនឹងការធ្វើសេចក្តីអត្ថាធិប្បាយដែលអាចនាំឲ្យមានការយល់ខុសពីអំពើប្រល័យពូជសាសន៍ក្នុងរបបខ្មែរក្រហម។
កាលពីដប់ថ្ងៃមុន លោកជុំ ម៉ី ប្រធានសមាគមក្សេមក្សាន្ត បានទាមទារឲ្យលោកកឹម សុខាសុំទោសព្រលឹងអ្នកស្លាប់នៅគុកទួលស្លែងតាមរយៈការអុជធូប សុំខមាលទោសនៅទីនោះ ដោយលោកលើកឡើងថា អនុប្រធានគណបក្សសង្គ្រោះជាតិរូបនេះចាត់ទុកគុកទួលស្លែង ឬមន្ទីរស២១ជាគុក«សិប្បនិម្មិត»របស់ពួកខ្មែរក្រហមដែល«រៀបចំឡើងដោយវៀតណាម»។
លោកជុំ ម៉ីបានទុកពេលដប់ថ្ងៃគឺរហូតមកដល់ថ្ងៃទី៣ ខែមិថុនានេះ ហើយបើសិនជាលោកកឹម សុខាមិនព្រមសុំទោសដល់ជនរងគ្រោះទេ នោះលោកនឹងដឹកនាំបាតុកម្មធំមួយប្រឆាំងនឹងលោកកឹម សុខា។
ប៉ុន្តែលោកកឹម សុខាថ្លែងថា លោកមិនបាននិយាយដូច្នោះទេ ហើយនោះគឺជាការរៀបចំដោយគណបក្សកំពុងកាន់អំណាច។
លោកជុំ ម៉ីបាននិយាយថា លោកនឹងធ្វើសន្និសីទកាសែតជាលើកទី២នៅថ្ងៃស្អែកនេះដើម្បីព្រមានលោកកឹម សុខាជាថ្មីម្តងទៀតអំពីការធ្វើបាតុកម្មប្រឆាំងរូបលោក។ ប៉ុន្តែសន្និសីទកាសែតនោះមិនមែនតំណាងឲ្យសមាគមក្សេមក្សាន្តនោះទេ។
«ប្រជាជនគាត់ឈឺចាប់ ព្រោះកឹម សុខា គាត់និយាយហ្នឹងវាមិនមានការណ៍ពិតណា៎។ ប្រជាជននឹងធ្វើមហាបាតុកម្មមួយ មិនទាន់កំណត់ទេ»។
ការចោទប្រកាន់អំពីគុកទួលស្លែងបានក្លាយជាចំណោទប្រឆាំងអ្នកនយោបាយជំទាស់ ខណៈដែលការបោះឆ្នោតជ្រើសតាំងតំណាងរាស្ដ្រកាន់តែខិតជិតមកដល់។
លោកយ៉ែម បុញ្ញឫទ្ធិ អ្នកនាំពាក្យគណបក្សសង្គ្រោះជាតិ និយាយថា គណបក្សរបស់លោកនិងលោកកឹម សុខានឹងមិនសុំទោសចំពោះអ្វីដែលលោកជុំ ម៉ីទាមទារនោះទេ។
«មិនមែនជារឿងសុំទោស ឬមិនសុំទោសទេ! ទី១ គឺជាសេចក្តីថ្លែងការណ៍មួលបង្កាច់ ខុសថ្ងៃខែទាំងស្រុង ហើយខុសទីកន្លែងទៀត។ សូមឲ្យបញ្ជាក់ឲ្យច្បាស់ ហើយយកអ្វីហ្នឹងចេញឲ្យច្បាស់។ យើងមិនត្រូវគាំទ្រសេចក្តីថ្លែងការណ៍មួលបង្កាច់ ខុសថ្ងៃខែអញ្ចឹងទេ»។
កាលពីចុងខែឧសភា លោកនាយករដ្ឋមន្ត្រីហ៊ុន សែនបានហៅសេចក្តីអត្ថាធិប្បាយរបស់លោកកឹម សុខាថា ជាការប្រមាថជនរងគ្រោះ។ ជាងនេះទៅទៀត លោកហ៊ុន សែនបានថ្លែងព្រមានថា បាតុកម្មមហាជននឹងផ្ទុះឡើងប្រឆាំងលោកកឹម សុខា។
ប៉ុន្តែលោកកឹម សុខាឆ្លើយតបវិញថា លោកហ៊ុន សែនបានបកស្រាយខុសពីសម្តីដើមរបស់លោក។
នៅក្នុងពេលនោះ លោកនាយករដ្ឋមន្ត្រីខ្មែរក៏បានស្នើឲ្យសមាជិកសភាគណបក្សប្រជាជនកម្ពុជា និងគណបក្សហ៊្វុនស៊ិនប៉ិចធ្វើសេចក្តីស្នើច្បាប់ដើម្បីផ្តន្ទាទោសអ្នកធ្វើសេចក្តីអត្ថាធិប្បាយថា «គ្មានរបបប្រល័យពូជសាសន៍»នៅកម្ពុជា។
លោកឈាង វុន ប្រធានគណៈកម្មការបរទេសនៃរដ្ឋសភាមកពីគណបក្សកាន់អំណាច បញ្ជាក់ថា ក្រុមតំណាងរាស្ដ្រនៃគណបក្សទាំងពីរបានធ្វើសេចក្តីស្នើច្បាប់នោះរួចហើយ ហើយគណៈកម្មការអចិន្ត្រៃរបស់រដ្ឋសភាបានដាក់សេចក្តីព្រាងច្បាប់នេះក្នុងកិច្ចពិភាក្សាពេញអង្គនៅថ្ងៃសុក្រសប្តាហ៍នេះ៕