លោក John Kerry រដ្ឋមន្ត្រីការបរទេសស.រ.អានិយាយថា ស.រ.អានិងប្រទេសរុស្ស៊ីបានសម្រេចកិច្ចព្រមព្រៀងអំពីសេចក្តីសម្រេចចិត្តសម្រាប់ក្រុមប្រឹក្សាសន្តិសុខអ.ស.ប ដែលមានគោលដៅកំណត់អត្តសញ្ញាណថា តើក្រុមណាមួយដែលប្រើអាចវុធគីមីធ្វើការវាយប្រហារនៅប្រទេសស៊ីរី។
លោក Kerry បានធ្វើសេចក្តីប្រកាសដូច្នេះនៅថ្ងៃព្រហស្បតិ៍នេះ នៅទីក្រុងកូឡាឡាំពួរ ប្រទេសម៉ាឡេស៊ីភ្លាមៗបន្ទាប់ពីលោកបានជួបជាមួយលោក Sergei Lavrov រដ្ឋមន្ត្រីការបរទេសរុស្ស៊ីនៅក្នុងកិច្ចប្រជុំដោយឡែកនៃជំនួបកំពូលតំបន់អាស៊ីអាគ្នេយ៍។
លោក Kerryនិយាយថា លោក និងរដ្ឋមន្ត្រីការបរទេសរុស្ស៊ីបានពិភាក្សាអំពីការសម្រេចចិត្តរបស់អ.ស.ប ហើយជាការពិត លោកជឿថា កិច្ចព្រមព្រៀងនោះនឹងនាំឲ្យមានការបោះឆ្នោតអំពីសេចក្តីសម្រេចនេះឆាប់ៗ ហើយការសម្រេចនេះនឹងនាំឲ្យដំណើរការទទួលខុសត្រូវដែលកន្លងមកមិនបានធ្វើ។
សេចក្តីសម្រេចនេះ ដែលអាចនឹងត្រូវបោះឆ្នោតនៅសប្តាហ៍នេះ នឹងបង្កើតក្រុមប្រឹក្សាមួយដើម្បីស៊ើបអង្កេតថា តើអ្នកណាទទួលខុសត្រូវការប្រើអាវុធគីមីក្នុងការវាយប្រហារអំឡុងសង្គ្រាមស៊ីវិលនៅប្រទេសស៊ីរី៕