ភ្នំពេញ៖ អ្នកទោសក្នុងខេត្តបន្ទាយមានជ័យចំនួន៨៤៤នាក់ត្រូវបានជម្លៀសចេញជាបន្ទាន់នៅរសៀលថ្ងៃព្រហស្បតិ៍នេះដោយសារតែជំនន់ទឹកភ្លៀងយ៉ាងអាក្រក់ដែលបានចាក់ពន្លិចមន្ទីរឃុំឃាំងទាំងស្រុង។ ទឹកជំនន់នេះដែលធ្លាក់មកពីប្រទេសថៃបានហូរចាក់យ៉ាងគំហុកចូលក្នុងបរិវេណពន្ធនាគារចាប់តាំងពីម៉ោងមួយកន្លះរសៀលហើយកម្ពស់ទឹកបានឡើងរហូតចាប់ពីត្រឹមចង្កេះរហូតដល់ត្រឹម ក តាមកន្លែងខ្ពស់ឬទាប។
នេះបើយោងតាមប្រភពពីមន្ត្រីពន្ធនាគារនិងមន្ត្រីអង្គការសង្គមស៊ីវិល។
លោក ហ៊ីន សុផល ប្រធានពន្ធនាគារខេត្តបន្ទាយមានជ័យបានបញ្ជាក់ថា នាពេលនេះអាជ្ញាធរកំពុងព្យាយាមជម្លៀសអ្នកទោសទៅកន្លែងមានសុវត្ថិភាព។
«ខ្ញុំកំពុងតែជម្លៀសពួកគាត់ទៅសៀមរាបនិងបាត់ដំបង។ ៥០០នាក់ជម្លៀសទៅសៀមរាបហើយ៣៤៤នាក់ទៀតទៅបាត់ដំបង»។
លោកប្រធានពន្ធនាគារបញ្ជាក់ថា ស្ត្រី កុមារ មនុស្សចាស់ជរា និងអ្នកជំងឺត្រូវបានដឹកជញ្ជូនចេញពីបន្ទប់ឃុំឃាំងជាអាទិភាព។
ទោះយ៉ាងណាគេមិនទាន់ដឹងថាតើមានអ្នកទោសចំនួនប៉ុន្មាននាក់ត្រូវបានជម្លៀសចេញនៅឡើយទេរហូតមកដល់ល្ងាចនេះដោយសារលោកហ៊ីន សុផល អះអាងថាលោកមិនអាចផ្តល់ព័ត៌មានលម្អិតបានដោយលោកជាប់រវល់។
បើតាមលោក ស៊ុម ចន្ទគា មន្ត្រីសម្របសម្រួលសមាគមការពារសិទ្ធិមនុស្សអាដហុកប្រចាំខេត្តបន្ទាយមានជ័យឱ្យដឹងថា កម្លាំងទឹកជំនន់បានបំបាក់របងមន្ទីរឃុំខ្លួនអ្នកទោស។
«ទឹកជំនន់ដ៏ធ្ងន់ធ្ងរបានធ្វើឱ្យបាក់របងពន្ធនាគារធ្វើឱ្យទឹកហូរមក កន្លែងខ្លះត្រឹមចង្កេះ ខ្លះត្រឹមឃ្លៀក ហើយកន្លែងខ្លះត្រឹមក»។
ពន្ធនាគារខេត្តបន្ទាយមានជ័យស្ថិតនៅចំងាយប្រមាណជា៦គីឡូម៉ែត្រពីទីប្រជុំជនក្រុងសេរីសោភ័ណ។ អ្នកទោសចំនួន៨៤៤នាក់កំពុងជាប់ឃុំនៅទីនេះ។
មកទល់ម៉ោង៦និង៣០នាទីយប់នេះ អ្នកទោសទាំងអស់ត្រូវបានជម្លៀសចេញពីក្នុងពន្ធនាគារមកកាន់តំបន់សុវត្ថិភាពប៉ុន្តែមិនទាន់ត្រូវបានដឹកជញ្ជូនចេញទៅកាន់គោលដៅខេត្តសៀមរាបនិងបាត់ដំបងរួចរាល់នៅឡើយទេ។ នេះបើតាមលោកស៊ុម ច័ន្ទគា។
លោកស៊ុម ច័ន្ទគា យល់ថាអាជ្ញាធរមានការធ្វេសប្រហែសក្នុងការទប់ទល់នឹងស្ថានការណ៍។
«អ្វីដែលយើងសោកស្តាយគឺថាអាជ្ញាធរគួរមានការប្រុងប្រយ័ត្នខ្ពស់ជាងនេះ។ ទីមួយគឺធ្វេសប្រហែល ទីពីរគឺជឿជាក់ថាខ្លួនអាចជួយបាន បូមបាន មិនបានបង្ហាញហានិភ័យទាក់ទងនឹងរបងអាចបាក់ គឺគាត់អត់បានយកចិត្តទុកដាក់រឿងហ្នឹងទេ អញ្ចឹងហើយឯកសារមួយចំនួនត្រូវខូចខាតដោយសារទឹក»។
ខេត្តបន្ទាយមានជ័យគឺជាខេត្តមួយក្នុងចំណោមខេត្តជាប់ព្រំដែនជាមួយប្រទេសថៃដែលទទួលរងគ្រោះទឹកជំនន់ធ្ងន់ធ្ងរ ខណៈដែលទឹកជំនន់នៅទូទាំងប្រទេសកម្ពុជាបានរាតត្បាតក្នុងខេត្តចំនួន២០នៅទូទាំងប្រទេស។
ជនរងគ្រោះស្លាប់បាត់បង់ជីវិតបានកើនដល់១០៤នាក់និងប៉ះពាល់មនុស្សជាង១,៥លាននាក់។ ដោយឡែកលំនៅដ្ឋាន១២ម៉ឺនខ្នង សាលារៀន៦៧០កន្លែងនិងវត្តអារាម៣៧០វត្តត្រូវបានលិចលង់។
លោក ញឹម វណ្ណដា អនុប្រធានគណៈកម្មាធិការជាតិគ្រប់គ្រងគ្រោះមហន្តរាយឱ្យដឹងថាមូលហេតុនៃការជន់លិចនៅខេត្តបន្ទាយមានជ័យនេះគឺដោយសារការធ្លាក់ភ្លៀងខ្លាំងនិងទឹកជំនន់ដែលហូរធ្លាក់មកពីប្រទេសថៃ។
យ៉ាងណាក៏ដោយ លោក ញឹម វណ្ណដា បន្ថែមថាស្ថានភាពទឹកជំនន់នៅទូទាំងប្រទេសនៅពេលនេះមានការស្រកចុះបន្តិចហើយ ហើយតួលេខមនុស្សស្លាប់ពុំមានការកើនឡើងទេនៅថ្ងៃនេះ៕
នេះបើយោងតាមប្រភពពីមន្ត្រីពន្ធនាគារនិងមន្ត្រីអង្គការសង្គមស៊ីវិល។
លោក ហ៊ីន សុផល ប្រធានពន្ធនាគារខេត្តបន្ទាយមានជ័យបានបញ្ជាក់ថា នាពេលនេះអាជ្ញាធរកំពុងព្យាយាមជម្លៀសអ្នកទោសទៅកន្លែងមានសុវត្ថិភាព។
«ខ្ញុំកំពុងតែជម្លៀសពួកគាត់ទៅសៀមរាបនិងបាត់ដំបង។ ៥០០នាក់ជម្លៀសទៅសៀមរាបហើយ៣៤៤នាក់ទៀតទៅបាត់ដំបង»។
លោកប្រធានពន្ធនាគារបញ្ជាក់ថា ស្ត្រី កុមារ មនុស្សចាស់ជរា និងអ្នកជំងឺត្រូវបានដឹកជញ្ជូនចេញពីបន្ទប់ឃុំឃាំងជាអាទិភាព។
ទោះយ៉ាងណាគេមិនទាន់ដឹងថាតើមានអ្នកទោសចំនួនប៉ុន្មាននាក់ត្រូវបានជម្លៀសចេញនៅឡើយទេរហូតមកដល់ល្ងាចនេះដោយសារលោកហ៊ីន សុផល អះអាងថាលោកមិនអាចផ្តល់ព័ត៌មានលម្អិតបានដោយលោកជាប់រវល់។
បើតាមលោក ស៊ុម ចន្ទគា មន្ត្រីសម្របសម្រួលសមាគមការពារសិទ្ធិមនុស្សអាដហុកប្រចាំខេត្តបន្ទាយមានជ័យឱ្យដឹងថា កម្លាំងទឹកជំនន់បានបំបាក់របងមន្ទីរឃុំខ្លួនអ្នកទោស។
«ទឹកជំនន់ដ៏ធ្ងន់ធ្ងរបានធ្វើឱ្យបាក់របងពន្ធនាគារធ្វើឱ្យទឹកហូរមក កន្លែងខ្លះត្រឹមចង្កេះ ខ្លះត្រឹមឃ្លៀក ហើយកន្លែងខ្លះត្រឹមក»។
ពន្ធនាគារខេត្តបន្ទាយមានជ័យស្ថិតនៅចំងាយប្រមាណជា៦គីឡូម៉ែត្រពីទីប្រជុំជនក្រុងសេរីសោភ័ណ។ អ្នកទោសចំនួន៨៤៤នាក់កំពុងជាប់ឃុំនៅទីនេះ។
មកទល់ម៉ោង៦និង៣០នាទីយប់នេះ អ្នកទោសទាំងអស់ត្រូវបានជម្លៀសចេញពីក្នុងពន្ធនាគារមកកាន់តំបន់សុវត្ថិភាពប៉ុន្តែមិនទាន់ត្រូវបានដឹកជញ្ជូនចេញទៅកាន់គោលដៅខេត្តសៀមរាបនិងបាត់ដំបងរួចរាល់នៅឡើយទេ។ នេះបើតាមលោកស៊ុម ច័ន្ទគា។
លោកស៊ុម ច័ន្ទគា យល់ថាអាជ្ញាធរមានការធ្វេសប្រហែសក្នុងការទប់ទល់នឹងស្ថានការណ៍។
«អ្វីដែលយើងសោកស្តាយគឺថាអាជ្ញាធរគួរមានការប្រុងប្រយ័ត្នខ្ពស់ជាងនេះ។ ទីមួយគឺធ្វេសប្រហែល ទីពីរគឺជឿជាក់ថាខ្លួនអាចជួយបាន បូមបាន មិនបានបង្ហាញហានិភ័យទាក់ទងនឹងរបងអាចបាក់ គឺគាត់អត់បានយកចិត្តទុកដាក់រឿងហ្នឹងទេ អញ្ចឹងហើយឯកសារមួយចំនួនត្រូវខូចខាតដោយសារទឹក»។
ខេត្តបន្ទាយមានជ័យគឺជាខេត្តមួយក្នុងចំណោមខេត្តជាប់ព្រំដែនជាមួយប្រទេសថៃដែលទទួលរងគ្រោះទឹកជំនន់ធ្ងន់ធ្ងរ ខណៈដែលទឹកជំនន់នៅទូទាំងប្រទេសកម្ពុជាបានរាតត្បាតក្នុងខេត្តចំនួន២០នៅទូទាំងប្រទេស។
ជនរងគ្រោះស្លាប់បាត់បង់ជីវិតបានកើនដល់១០៤នាក់និងប៉ះពាល់មនុស្សជាង១,៥លាននាក់។ ដោយឡែកលំនៅដ្ឋាន១២ម៉ឺនខ្នង សាលារៀន៦៧០កន្លែងនិងវត្តអារាម៣៧០វត្តត្រូវបានលិចលង់។
លោក ញឹម វណ្ណដា អនុប្រធានគណៈកម្មាធិការជាតិគ្រប់គ្រងគ្រោះមហន្តរាយឱ្យដឹងថាមូលហេតុនៃការជន់លិចនៅខេត្តបន្ទាយមានជ័យនេះគឺដោយសារការធ្លាក់ភ្លៀងខ្លាំងនិងទឹកជំនន់ដែលហូរធ្លាក់មកពីប្រទេសថៃ។
យ៉ាងណាក៏ដោយ លោក ញឹម វណ្ណដា បន្ថែមថាស្ថានភាពទឹកជំនន់នៅទូទាំងប្រទេសនៅពេលនេះមានការស្រកចុះបន្តិចហើយ ហើយតួលេខមនុស្សស្លាប់ពុំមានការកើនឡើងទេនៅថ្ងៃនេះ៕