នៅក្នុងរបាយការណ៍ថ្មីមួយដែលត្រូវបានចេញផ្សាយនៅថ្ងៃអង្គារ អង្គការឃ្លាំមើលសិទិ្ធ មនុស្សបានរិះគន់យ៉ាងខ្លាំងចំពោះបទបញ្ជារបស់អ៊ីស្រាអែលបង្ក្រាបប្រជាជនប៉ាឡេស្ទីននៅតំបន់ West Bank។ សេចក្តីថ្លែងការណ៍និយាយថា អ៊ីស្រាអ៊ែលតែងតែរំលោភសិទ្ធិស៊ីវិលរួមទាំងសិទ្ធិក្នុងការនិយាយស្តី សិទ្ធិរាយការណ៍ ឬសកម្មភាពនយោបាយ។
នៅក្នុងរបាយការណ៍នេះ អង្គការឃ្លាំមើលសិទ្ធិមនុស្សនិយាយថា អ៊ីស្រាអែលត្រូវតែផ្តល់សិទ្ធិស៊ីវិលបន្ថែមទៀតដល់ប្រជាជនប៉ាឡេស្ទីនដែលរស់នៅតំបន់ West Bank។
លោក Omar Shakir អ្នកសរសេររបាយការណ៍បាននិយាយថា អ៊ីស្រាអែលបានបង្កើតច្បាប់គាបសង្កត់នេះក្នុងឆ្នាំ១៩៦៧ នៅពេលដែលខ្លួនកាន់កាប់តំបន់ West Bank។
ពាក្យពេជន៍ក្នុងច្បាប់មិនច្បាស់ទេដែលនាំឲ្យមនុស្សត្រូវបានគេឃុំខ្លួនដោយសារបង្ហោះហ្វេសប៊ុក ដោយសារការតវ៉ាដោយសន្តិវិធីនិងការប្រជុំគ្នាក្នុងចំណោមសកម្មជន។
លោក Shakir បាននិយាយពីប្រទេសហ្សកដានីមកថា ចាប់តាំងពីអ៊ីស្រាអែលបាននិរទេសលោកកាលពីខែមុនដោយសារលោកគាំទ្រចលនាដែលមានឈ្មោះថា Boycott, Divestment និង Sanctions នោះ ចលនានេះអំពាវនាវឱ្យធ្វើពហិការប្រឆាំងអ៊ីស្រាអែលនិងផលិតផលទាំងអស់ដែលផលិតនៅទីនោះ។ លោកនិយាយថា អ៊ីស្រាអែលកំពុងអនុវត្តស្តង់ដារច្បាប់ពីរផ្សេងគ្នាសម្រាប់ប្រជាជនដែលរស់នៅក្បែរគ្នា៕