លោក Joe Biden ប្រធានាធិបតីអាមេរិកនៅថ្ងៃព្រហស្បតិ៍ បានប្រកាសគោលដៅថ្មីនៃការកាត់បន្ថយឧស្ម័នផ្ទះកញ្ចក់នៅសហរដ្ឋអាមេរិកពី ៥០-៥២% ត្រឹមឆ្នាំ ២០៣០ ខណៈដែលលោកបានរៀបចំកិច្ចប្រជុំកំពូលពិភពលោកស្តីពីការប្រែប្រួលអាកាសធាតុ។
គោលដៅរបស់សហរដ្ឋអាមេរិកនេះទាក់ទងទៅនឹងគោលដៅឆ្នាំ ២០០៥ ហើយសេតវិមានបានបញ្ជាក់ថា កិច្ចខិតខំប្រឹងប្រែងដើម្បីសម្រេចគោលដៅនេះ រួមមានការចាត់វិធានការឆ្ពោះទៅផលិតអគ្គិសនីដែលគ្មានសារធាតុកាបូនបំពុលបរិស្ថាន ដោយបង្កើនប្រសិទ្ធភាពផលិតរថយន្តស៊ីសាំងតិច និងរថយន្តដឹកទំនិញគាំទ្រដល់ការចាប់កាបូនទុកនៅទីតាំងឧស្សាហកម្ម និងកាត់បន្ថយការប្រើប្រាស់មេតាន។
មន្ត្រីរដ្ឋបាលម្នាក់របស់លោក Biden បានប្រាប់អ្នកយកព័ត៌មាននៅក្នុងសន្និសីទកាសែតខ្លីមួយកាលពីថ្ងៃពុធថា គោលដៅថ្មីរបស់សហរដ្ឋអាមេរិកនិងគោលដៅកំណត់ដោយប្រទេសជប៉ុនកាណាដា អង់គ្លេស និងសហគមន៍អឺរ៉ុបក្នុង «សហគមន៍ប្រទេសសេដ្ឋកិច្ចធំៗ ដែលមានកម្លាំងសេដ្ឋកិច្ចជាងពាក់កណ្តាលនៃសេដ្ឋកិច្ចពិភពលោកនឹងប្តេជ្ញាចិត្ត» កាត់បន្ថយឲ្យបានយ៉ាងលឿននូវការបញ្ចេញឧស្ម័នពុល តាមតម្រូវការជាសកលមកត្រឹមកំណើន ១,៥អង្សា សេ។
មេដឹកនាំពិភពលោកបានព្រមព្រៀងកំណត់ការឡើងកំដៅផែនដីក្រោម ២ អង្សាសេ ក្នុងកិច្ចព្រមព្រៀងអាកាសធាតុក្រុងប៉ារីសឆ្នាំ ២០១៥ និងមានគោលដៅបន្ថយមកត្រឹម ១,៥ អង្សាសេ។ នៅទូទាំងពិភពលោក សីតុណ្ហភាពកំដៅផែនដីបានកើនឡើងជាង ១,១ អង្សាសេ ចាប់តាំងពីឆ្នាំ ១៩៨០។ អ្នកវិទ្យាសាស្ត្រថា កំណើនសីតុណ្ហភាពនេះបណ្តាលមកពីរលកកម្តៅភាពរាំងស្ងួត ភ្លើងឆេះព្រៃ ព្យុះ និងផលប៉ះពាល់ផ្សេងទៀត។
កិច្ចប្រជុំកំពូលកាលពីថ្ងៃព្រហស្បតិ៍ គឺជាផ្នែកមួយនៃកិច្ចខិតខំប្រឹងប្រែងរបស់លោក Biden ដើម្បីស្តារការដឹកនាំរបស់សហរដ្ឋអាមេរិក បន្ទាប់ពីការដកខ្លួនចេញរបស់លោក Donald Trump។ នៅឆ្នាំ ២០១៥ លោក Trump បានដកសហរដ្ឋអាមេរិកចេញពីកិច្ចព្រមព្រៀងក្រុងប៉ារីស ដែលជាវិធានការមួយរបស់លោក Biden បានវិលត្រឡប់ចូលក្នុងកិច្ចព្រមព្រៀងនោះវិញភ្លាមៗ បន្ទាប់ពីចូលកាន់តំណែង៕
