ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

អ្នក​ជំនាញ​អង្គការ​សុខភាព​ពិភពលោក​ថា ការចាក់​វ៉ាក់សាំង​កូវីដ១៩ ដូស​ជំរុញ​ម្តងហើយ​ម្តងទៀត មិនមែន​ជា​យុទ្ធសាស្ត្រ​ល្អ​នោះ​ទេ


រូបឯកសារ៖ ស្លាក​សញ្ញា​អង្គការ​សុខភាព​ពិភពលោក នៅ​ទីស្នាក់ការ​កណ្តាល​របស់​ខ្លួន​ក្នុង​ទីក្រុង​ហ្សឺណែវ ប្រទេស​ស្វីស។
រូបឯកសារ៖ ស្លាក​សញ្ញា​អង្គការ​សុខភាព​ពិភពលោក នៅ​ទីស្នាក់ការ​កណ្តាល​របស់​ខ្លួន​ក្នុង​ទីក្រុង​ហ្សឺណែវ ប្រទេស​ស្វីស។

អ្នក​ជំនាញ​អង្គការ​សុខភាព​ពិភពលោក (WHO) បាន​លើកឡើង​កាលពី​ថ្ងៃ​អង្គារ​ម្សិលមិញ​ថា ការ​ចាក់​វ៉ាក់សាំង​កូវីដ១៩ ដូស​ជំរុញ ម្តង​ហើយ​ម្តង​ទៀត មិនមែន​ជា​យុទ្ធសាស្ត្រ​ល្អ​នៅក្នុង​ការ​ទប់ទល់​នឹង​វីរុស​កូវីដ១៩ បំប្លែង​ថ្មី​ផ្សេងៗ​នោះទេ និង​បាន​អំពាវនាវ​ឲ្យ​មាន​ការ​បង្កើត​វ៉ាកសាំង​ប្រភេទ​ថ្មី​ដែល​អាច​ការពារ​បាន​ប្រសើរ​ជាង​មុន​មិន​ឲ្យ​មាន​ការ​ឆ្លង​វីរុស​បំប្លែង​ថ្មី​ទាំងនេះ។ នេះ​បើ​យោង​តាម​សេចក្ដី​រាយការណ៍​របស់​ទីភ្នាក់ងារ​ព័ត៌មាន AFP។

ក្រុម​ផ្ដល់​ប្រឹក្សា​ផ្នែក​បច្ចេកទេស​របស់​អង្គការ​សុខភាព​ពិភពលោក​ស្ដីពី​ការ​បង្កើត​វ៉ាក់សាំង​កូវីដ១៩ បាន​បញ្ជាក់​នៅ​ក្នុង​សេចក្ដី​ថ្លែងការណ៍​មួយ​ថា៖ «វ៉ាក់សាំង​កូវីដ១៩ ដែល​មាន​ប្រសិទ្ធភាព​ខ្ពស់​នៅក្នុង​ការ​បង្ការ​ការ​ឆ្លង​និង​ការ​ចម្លង​វីរុស បន្ថែម​ទៅ​នឹង​ការ​បង្ការ​មិន​ឲ្យ​មាន​អាការៈ​ធ្ងន់ធ្ងរ​និង​ការ​ស្លាប់​ដោយសារ​ជំងឺ​កូវីដ១៩ គឺ​ត្រូវការ​ជា​ចាំបាច់​ និង​គួរ​ត្រូវ​បង្កើត​ឡើង»៕

XS
SM
MD
LG