ជា​ការ​ឆ្លើយតប​ទៅ​នឹង​សង្គ្រាម​របស់​រុស្ស៊ី​នៅ​ប្រទេស​អ៊ុយក្រែន សហរដ្ឋ​អាមេរិក​និង​អង្គការ​អូតង់​បាន​បង្កើន​ការ​ការពារ​យ៉ាង​ខ្លាំងក្លា​នៅ​ទូទាំង​អឺរ៉ុប​ខាង​កើត។ ឧទាហរណ៍​នៅ​ប្រទេស​រ៉ូម៉ានី​ កងទ័ព​អាមេរិក​មាន​ច្រើន​ជាង​មុន​៣​ដង ពី​ប្រមាណ​១.០០០​នាក់​កាលពី​ខែមករា​ឆ្នាំមុន ដល់​ចំនួន​៣.០០០​នាក់​នាពេល​បច្ចុប្បន្ន។ អ្នកស្រី Carla Babb អ្នក​ឆ្លើយ​ឆ្លង​ព័ត៌មាន​ VOA ប្រចាំ​ក្រសួង​ការពារ​ជាតិ​អាមេរិក​បាន​ចូលរួម​ជាមួយ​នឹង​ទាហាន​មួយ​ចំនួន​ដើម្បី​ពិនិត្យ​មើល​ដោយ​ផ្ទាល់​ពី​របៀប​ដែល​កងទ័ព​អាមេរិក​ដែល​នៅ​ក្បែរ​សមរភូមិ​នៅ​អ៊ុយក្រែន​បំផុត​ឈរ​ជើង​ជាមួយ​នឹង​សម្ព័ន្ធមិត្ត​អូតង់។ អ្នកនាង ស្រេង លក្ខិណា ជូនសេចក្តី​ប្រែសម្រួល៕