គណបក្សកុម្មុយនិស្តកាន់អំណាចវៀតណាម នៅថ្ងៃច័ន្ទនេះ បានចាប់ផ្តើមសមាជជាតិលើកទី១របស់ខ្លួនចាប់តាំងពីឆ្នាំ២០១៦ ដោយមានបេសកកម្មដើម្បីជ្រើសរើសមេដឹកនាំថ្មី និងធ្វើគោលនយោបាយសម្រាប់រយៈពេល៥ឆ្នាំបន្ទាប់ និងហួសពីនេះ។ នេះបើតាមសេចក្តីរាយការណ៍របស់ទីភ្នាក់ងារព័ត៌មាន Reuters។
នេះជាសមាជលើកទី១៣ ចាប់តាំងពីគណបក្សកុម្មុយនិស្តវៀតណាមបានត្រូវបង្កើតឡើងនៅឆ្នាំ១៩៣០ ដែលបាននាំប្រតិភូជិត១.៦០០នាក់មកពីទូទាំងប្រទេសទៅកាន់រដ្ឋធានីហាណូយ។ នៅព្រឹកចុះអាប់ក្នុងរដ្ឋធានីនេះ មុនពេលសមាជជាតិ បានចាប់ផ្តើម ពួកគេបានទៅគោរពវិញ្ញាណក្ខន្ធនៅវិមានហូជីមិញដែលជាអ្នកបង្កើតបដិវត្តន៍។
ក្នុងបរិបទនៃការធ្វើតេស្តកូវីដ១៩ដ៏តឹងរ៉ឹងដើម្បីការពារជោគជ័យរបស់វៀតណាមនៅក្នុងការបង្ការជំងឺរាតត្បាតនេះ ប្រតិភូនឹងជ្រើសរើសក្រុមមេដឹកនាំថ្មីនៅក្នុងសមាជដែលមានរយៈពេល៩ថ្ងៃ ភាគច្រើនធ្វើឡើងសម្ងាត់។ សមាជនេះ មានគោលបំណងធ្វើឲ្យប្រសើរឡើងទាំងការបន្តជោគជ័យសេដ្ឋកិច្ច និងភាពស្របច្បាប់នៃការកាន់អំណាចរបស់គណបក្ស។
ភាពជោគជ័យប្រឆាំងជំងឺកូវីដ១៩ បានជួយសេដ្ឋកិច្ចរបស់វៀតណាមឲ្យលឿនជាងប្រទេសជាច្រើននៅទ្វីបអាស៊ី៕
