ភ្នំពេញ —
ប្រទេសកម្ពុជានិងប្រទេសវៀតណាមបានប្តេជ្ញាថានឹងជំរុញពាណិជ្ជកម្មប្រទេសទាំងពីរឱ្យបានដល់៥០០០លានដុល្លារសហរដ្ឋអាមេរិកនៅក្នុងឆ្នាំ២០១៥ខាងមុខនេះ។
មានប្រសាសន៍នៅក្នុងពិធីសម្ពោធដាក់ឱ្យប្រើប្រាស់មន្ទីរពេទ្យរបស់វៀតណាមមួយក្នុងទីក្រុងភ្នំពេញលោកនាយករដ្ឋមន្ត្រី ហ៊ុន សែនមានប្រសាសន៍ថា៖ «យើងនឹងខិតខំសម្រេចនៅគោលដៅពាណិជ្ជកម្មទ្វេភាគីឱ្យឡើងទៅដល់៥.០០០លានដុល្លារនៅឆ្នាំ២០១៥ខាងមុខនេះ។ យើងសង្ឃឹមថានឹងអាចធ្វើនៅកិច្ចការនេះបាន»។
លោក នាយករដ្ឋមន្ត្រីវៀតណាម ង្វៀន តាន់យុង មានប្រសាសន៍ថាក្នុងរយៈពេល៥ឆ្នាំកន្លងទៅនេះទំហំពាណិជ្ជកម្មនៃប្រទេសកម្ពុជានិងវៀតណាមបានកើនឡើងជាមធ្យម២៥%ក្នុងមួយឆ្នាំៗ។ជាពិសេសនៅឆ្នាំ២០១៣ទំហំពាណិជ្ជកម្មនៃប្រទេសទាំងពីរទទួលបាន៣.៥០០លានដុល្លារសហរដ្ឋអាមេរិក។
លោក ង្វៀន តាន់យុងមានប្រសាសន៍តាមរយៈអ្នកបកប្រែថាចំនួនភ្ញៀវទេសចរណ៍វៀតណាមមកកាន់កម្ពុជាបានកើនឡើង២៩%ក្នុងមួយឆ្នាំហើយបច្ចុប្បន្ននេះគម្រោងវិនិយោគរបស់ប្រទេសវៀតណាមនៅកម្ពុជាមានសរុបទាំងអស់១២៨គម្រោងដែលមានទុនសរុបទាំងអស់ជិត៣០០០លានដុល្លារអាមេរិក។
លោកនិយាយថា៖«ហើយនឹងមានគម្រោងជាច្រើនរបស់វៀតណាមដែលត្រូវបានសម្រេចហើយនឹងសហប្រតិបត្តិការនាំមុខនូវលទ្ធផលជាក់ស្តែង រួមចំណែកក្នុងការអភិវឌ្ឍសេដ្ឋកិច្ចសង្គមនិងលើកស្ទួយជីវភាពរស់នៅរបស់ប្រទេសកម្ពុជា»។
ការលើកឡើងអំពីទំហំវិនិយោគរវាងប្រទេសទាំងពីរបានកើតមានឡើងក្នុងខណៈពេលដែលលោកនាយករដ្ឋមន្ត្រីវៀតណាមមកបំពេញទស្សនកិច្ចក្នុងប្រទេសកម្ពុជាដោយបានមកដល់កាលពីថ្ងៃអាទិត្យម្សិលមិញនេះ។
មេដឹកនាំវៀតណាមនៅថ្ងៃច័ន្ទនេះរួមជាមួយលោកនាយករដ្ឋមន្ត្រីហ៊ុន សែនបានចូលរួមសម្ពោធមន្ទីរពេទ្យមួយរបស់ប្រទេសវៀតណាមដែលមានឈ្មោះថាមន្ទីរពេទ្យចារៃ ភ្នំពេញដែលមានទីតាំងនៅក្នុងសង្កាត់ច្បារអំពៅក្រុងភ្នំពេញ។
មន្ទីរពេទ្យនេះបានសាងសង់ឡើងដោយចំណាយទឹកប្រាក់អស់ជាង៣៨លានដុល្លារដែលទុនវិនិយោគរួមគ្នារវាងក្រុមហ៊ុនពីរគឺក្រុមហ៊ុន វៀតណាមនិងក្រុមហ៊ុនរបស់លោកសុខ គង់។
លោកនាយករដ្ឋមន្ត្រីវៀតណាម ង្វៀន តាន់យុងមានប្រសាសន៍ថាសំណង់មន្ទីរពេទ្យនេះជាសំណង់លើកដំបូងស្តីពីកិច្ចសហប្រតិបត្តិការវិនិយោគរវាងប្រទេសទាំងពីរនៅក្នុងវិស័យសុខាភិបាល។
លោកបានឱ្យដឹងថាវិស័យសុខាភិបាលគឺជាវិស័យមួយដែលប្រជាពលរដ្ឋកម្ពុជាមានការយកចិត្តទុកដាក់យ៉ាងខ្លាំងហើយនេះក៏ជាជោគជ័យមួយនៃកិច្ចសហប្រតិបត្តិការរវាងទីក្រុងហូជីមិញនិងរាជធានីភ្នំពេញ។
លោកនាយករដ្ឋមន្ត្រីវៀតណាមគ្រោងនឹងចាកចេញពីប្រទេសកម្ពុជាវិញនៅថ្ងៃអង្គារស្អែកនេះ។ នៅល្ងាចថ្ងៃច័ន្ទនេះមេដឹកនាំវៀតណាមនិងជួបចរចាផ្លូវការជាមួយលោកនាយករដ្ឋមន្ត្រីហ៊ុន សែននៅវិមានសន្តិភាព។
លោកនាយករដ្ឋមន្ត្រីហ៊ុន សែនមានប្រសាសន៍ថាគ្មានកិច្ចព្រមព្រៀងណាមួយនឹងត្រូវចុះហត្ថលេខាទៀតទេដោយសារតែមានកិច្ចព្រមព្រៀងជាច្រើនបានចុះហត្ថលេខារួចហើយក្នុងអំឡុងពេលដែលលោកទៅបំពេញទស្សនកិច្ចនៅប្រទេសវៀតណាមកាលពីខែធ្នូឆ្នាំ២០១៣៕
មានប្រសាសន៍នៅក្នុងពិធីសម្ពោធដាក់ឱ្យប្រើប្រាស់មន្ទីរពេទ្យរបស់វៀតណាមមួយក្នុងទីក្រុងភ្នំពេញលោកនាយករដ្ឋមន្ត្រី ហ៊ុន សែនមានប្រសាសន៍ថា៖ «យើងនឹងខិតខំសម្រេចនៅគោលដៅពាណិជ្ជកម្មទ្វេភាគីឱ្យឡើងទៅដល់៥.០០០លានដុល្លារនៅឆ្នាំ២០១៥ខាងមុខនេះ។ យើងសង្ឃឹមថានឹងអាចធ្វើនៅកិច្ចការនេះបាន»។
លោក នាយករដ្ឋមន្ត្រីវៀតណាម ង្វៀន តាន់យុង មានប្រសាសន៍ថាក្នុងរយៈពេល៥ឆ្នាំកន្លងទៅនេះទំហំពាណិជ្ជកម្មនៃប្រទេសកម្ពុជានិងវៀតណាមបានកើនឡើងជាមធ្យម២៥%ក្នុងមួយឆ្នាំៗ។ជាពិសេសនៅឆ្នាំ២០១៣ទំហំពាណិជ្ជកម្មនៃប្រទេសទាំងពីរទទួលបាន៣.៥០០លានដុល្លារសហរដ្ឋអាមេរិក។
លោក ង្វៀន តាន់យុងមានប្រសាសន៍តាមរយៈអ្នកបកប្រែថាចំនួនភ្ញៀវទេសចរណ៍វៀតណាមមកកាន់កម្ពុជាបានកើនឡើង២៩%ក្នុងមួយឆ្នាំហើយបច្ចុប្បន្ននេះគម្រោងវិនិយោគរបស់ប្រទេសវៀតណាមនៅកម្ពុជាមានសរុបទាំងអស់១២៨គម្រោងដែលមានទុនសរុបទាំងអស់ជិត៣០០០លានដុល្លារអាមេរិក។
លោកនិយាយថា៖«ហើយនឹងមានគម្រោងជាច្រើនរបស់វៀតណាមដែលត្រូវបានសម្រេចហើយនឹងសហប្រតិបត្តិការនាំមុខនូវលទ្ធផលជាក់ស្តែង រួមចំណែកក្នុងការអភិវឌ្ឍសេដ្ឋកិច្ចសង្គមនិងលើកស្ទួយជីវភាពរស់នៅរបស់ប្រទេសកម្ពុជា»។
ការលើកឡើងអំពីទំហំវិនិយោគរវាងប្រទេសទាំងពីរបានកើតមានឡើងក្នុងខណៈពេលដែលលោកនាយករដ្ឋមន្ត្រីវៀតណាមមកបំពេញទស្សនកិច្ចក្នុងប្រទេសកម្ពុជាដោយបានមកដល់កាលពីថ្ងៃអាទិត្យម្សិលមិញនេះ។
មេដឹកនាំវៀតណាមនៅថ្ងៃច័ន្ទនេះរួមជាមួយលោកនាយករដ្ឋមន្ត្រីហ៊ុន សែនបានចូលរួមសម្ពោធមន្ទីរពេទ្យមួយរបស់ប្រទេសវៀតណាមដែលមានឈ្មោះថាមន្ទីរពេទ្យចារៃ ភ្នំពេញដែលមានទីតាំងនៅក្នុងសង្កាត់ច្បារអំពៅក្រុងភ្នំពេញ។
មន្ទីរពេទ្យនេះបានសាងសង់ឡើងដោយចំណាយទឹកប្រាក់អស់ជាង៣៨លានដុល្លារដែលទុនវិនិយោគរួមគ្នារវាងក្រុមហ៊ុនពីរគឺក្រុមហ៊ុន វៀតណាមនិងក្រុមហ៊ុនរបស់លោកសុខ គង់។
លោកនាយករដ្ឋមន្ត្រីវៀតណាម ង្វៀន តាន់យុងមានប្រសាសន៍ថាសំណង់មន្ទីរពេទ្យនេះជាសំណង់លើកដំបូងស្តីពីកិច្ចសហប្រតិបត្តិការវិនិយោគរវាងប្រទេសទាំងពីរនៅក្នុងវិស័យសុខាភិបាល។
លោកបានឱ្យដឹងថាវិស័យសុខាភិបាលគឺជាវិស័យមួយដែលប្រជាពលរដ្ឋកម្ពុជាមានការយកចិត្តទុកដាក់យ៉ាងខ្លាំងហើយនេះក៏ជាជោគជ័យមួយនៃកិច្ចសហប្រតិបត្តិការរវាងទីក្រុងហូជីមិញនិងរាជធានីភ្នំពេញ។
លោកនាយករដ្ឋមន្ត្រីវៀតណាមគ្រោងនឹងចាកចេញពីប្រទេសកម្ពុជាវិញនៅថ្ងៃអង្គារស្អែកនេះ។ នៅល្ងាចថ្ងៃច័ន្ទនេះមេដឹកនាំវៀតណាមនិងជួបចរចាផ្លូវការជាមួយលោកនាយករដ្ឋមន្ត្រីហ៊ុន សែននៅវិមានសន្តិភាព។
លោកនាយករដ្ឋមន្ត្រីហ៊ុន សែនមានប្រសាសន៍ថាគ្មានកិច្ចព្រមព្រៀងណាមួយនឹងត្រូវចុះហត្ថលេខាទៀតទេដោយសារតែមានកិច្ចព្រមព្រៀងជាច្រើនបានចុះហត្ថលេខារួចហើយក្នុងអំឡុងពេលដែលលោកទៅបំពេញទស្សនកិច្ចនៅប្រទេសវៀតណាមកាលពីខែធ្នូឆ្នាំ២០១៣៕
