ភ្ជាប់​ទៅ​គេហទំព័រ​ទាក់ទង

អាមេរិក​​​ជំរុញ​​​ឲ្យ​​​អាស៊ាន​​​ចរចា​​​ជាមួយ​​​ចិន​​​ក្នុង​​​ជម្លោះ​​​ដែន​​​សមុទ្រ


លោក​​​ John​​​ Kerry​​​​​​ កំពុង​​​និយាយ​​​ទៅកាន់​​​ក្រុម​​​អ្នក​​​កាសែត​​​អំពី​​​លទ្ធផល​​​នៃ​​​ដំណើរ​​​ទស្សនកិច្ច​​​របស់​​​លោក​​​ក្នុង​​​កិច្ច​​​ប្រជុំ​​​ជាមួយ​​​តំណាង​​​រដ្ឋ​​​មន្ត្រី​​​ការ​​​បទេស​​​ទាំង​​​អស់​​​របស់​​​សហគមន៍​​​អាស៊ាន​​​លើក​​​ទី​​​ ៤៧​​​ក្នុង​​​ប្រទេស​​​មីយ៉ាន់ម៉ា​​​កាលពី​​​ថ្ងៃ​​​ទី​​​១០​​​ខែ​​​សីហា​​​ឆ្នាំ​​​២០១៤។

​រដ្ឋ​មន្ត្រី​ការ​បរទេស​សហរដ្ឋអាមេរិក​លោក ​John ​Kerry​ បាន​អំពាវនាវ​ជា​ថ្មី​ទៀត​ឱ្យ​ប្រទេស​ក្នុង​តំបន់​អាស៊ី​អាគ្នេយ៍​ស្វែង​រក​ដំណោះ​ស្រាយ​តាម​ការ​ចរចា​ ​ជាមួយ​ប្រទេស​ចិន​ក្នុងជម្លោះ​សមុទ្រ​ចិន​ខាង​ត្បូង។​ការ​លើកឡើង​នេះ​ធ្វើ​ឡើង​ស្របពេលដែលប្រទេស​ក្នុង​សហគមន៍អាស៊ាន​កំពុង​បើក​កិច្ច​ប្រជុំថ្នាក់​រដ្ឋ​មន្ត្រី​ការបរទេស​លើក​ទី​ ៤៧​នៅ​ក្នុង​ប្រទេស​ភូមា​។​

ថ្លែង​នៅ​ក្នុង​សន្និសីទ​កាសែត​មួយ​ក្នុង​ទីក្រុង​ Naypyidaw ​កាលពី​ថ្ងៃ​អាទិត្យ​លោក​John ​Kerryថ្លែង​ថា ​ថ្នាក់​ដឹកនាំ​សមាគមអាស៊ានបាន​ពិភាក្សា​អំពី​សំណើ​មួយ​របស់​ស.រ.អ.​ទទួចចង់​ឱ្យ​ប្រទេសដែល​កំពុង​មាន​ជម្លោះដែនសមុទ្រ​ជាមួយ​ប្រទេស​ចិន​ ផ្អាក​ជា​បណ្ដោះ​អាសន្ន​សិន​នូវ​សកម្មភាព​ក្នុង​សមុទ្រទាំង​ឡាយ​ណា​ដែល​អាច​បង្កើន​ភាព​តានតឹង​៕

XS
SM
MD
LG