ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

សហរដ្ឋអាមេរិកដកកងទ័ពជិត១ម៉ឺន​២ពាន់​នាក់ចេញ​ពីអាល្លឺម៉ង់


រូបឯកសារ៖ រដ្ឋមន្រ្តីការពារជាតិអាមេរិកលោក Mark Esper ថ្លែងនៅក្នុងជំនួបមួយ កាលពីថ្ងៃទី១០ ខែកក្កដា ឆ្នាំ២០២០។
រូបឯកសារ៖ រដ្ឋមន្រ្តីការពារជាតិអាមេរិកលោក Mark Esper ថ្លែងនៅក្នុងជំនួបមួយ កាលពីថ្ងៃទី១០ ខែកក្កដា ឆ្នាំ២០២០។

សហរដ្ឋ​អាមេរិក​នឹងដក​កងទ័ព​ជិត​១ម៉ឺន​២ពាន់​នាក់​ចេញ​ពី​ប្រទេស​អាល្លឺម៉ង់​ដែលការណ៍នេះបណ្តាលឲ្យ​មានការរិះគន់​យ៉ាង​ខ្លាំង​ប្រឆាំង​នឹង​ប្រធានាធិបតី​សហរដ្ឋ​អាមេរិក​លោក ​ដូណាល់ ត្រាំ ទាំង​នៅក្នុង​ប្រទេស​និងនៅបរទេស​ ទោះបី​ពួក​មន្ត្រី​ជាន់​ខ្ពស់​សហរដ្ឋ​អាមេរិក​និង​អង្គការ​អូតង់​បាន​ការពារ​ចំណាត់ការ​នេះ​ថា ជា​ការចាំបាច់ខាង​យុទ្ធសាស្ត្រ​ក៏ដោយ។

មន្ត្រីការពារ​ប្រទេស​សហរដ្ឋ​អាមេរិកបាន​ប្រកាស​ពីការផ្លាស់ប្តូរទីតាំងទ័ព​កាលពី​ថ្ងៃ​ពុធ​ ដោយ​និយាយ​ថា ការផ្លាស់ប្តូរ​ទីតាំង​ទ័ព​នេះ​ជា​លទ្ធផល​នៃ​ការវាយ​តម្លៃ​រយៈពេល​មួយ​ខែ​នៃ​កាយវិការ​ខាង​យោធា​ទូទាំង​សាកល​លោក​ដែល​មាន​ន័យ​ថា ដើម្បី​លើក​កម្ពស់សមត្ថភាព​របស់​រដ្ឋាភិបាល​ក្រុង​វ៉ាស៊ីនតោន​ទាំង​ការកំញ៉ើញ​និង​ការឆ្លើយតប​ដល់​ការគំរាម​កំហែង​មកពី​មហា​អំណាច​សំខាន់ៗ​ដូចជា​ ប្រទេស​រុស្ស៊ី​ និង​ចិន។

លោក Mark Esper រដ្ឋមន្ត្រី​ការពារ​ប្រទេស​សហរដ្ឋ​អាមេរិក បាន​ប្រាប់​ពួក​អ្នក​យកព័ត៌​មាន​កាលពី​ថ្ងៃ​ពុធ​ដោយ​បាន​បដិសេធការ​ផ្លាស់​ប្តូរ​នោះ​ជាការ​ដាក់ទណ្ឌកម្ម​ប្រទេស​អាល្លឺម៉ង់​ដោយ​បាន​និយាយ​ថា «ការផ្លាស់ប្តូរ​ទាំងនេះនឹង​ធ្វើឲ្យ​សម្រេច​គោលការណ៍​ដ៏​សំខាន់​នៃ​ការធ្វើ​ឲ្យ​ប្រសើរ​ឡើង​របស់​សហរដ្ឋ​អាមេរិក​និង​អង្គការ​អូតង់ដល់​ការកំ ញើញដល់ប្រទេស​រុស្ស៊ី ពង្រឹង​អង្គការ​អូតង់ ធានាអះអាង​ឡើងវិញ​ដល់​សម្ព័ន្ធមិត្ត​និងធ្វើ​ឲ្យ​ប្រសើរ​ឡើង​វិញនូវ​ភាព​ដែល​អាច​បត់បែន​បាន​ខាង​យុទ្ធសាស្ត្រ»។

លោក​រដ្ឋមន្ត្រី​ការពារ​ប្រទេស​អាមេរិក​ Esper បាន​និយាយ​បន្ត​ទៀតថា៖ «នេះ​ជា​អ្វី​ដែល​យើង​ចង់​ធ្វើ​។ យើង​មាន​អារម្មណ៍​ល្អ​បំផុត​អំពី​បញ្ហា​នេះ។ យើង​ចង់​ឲ្យ​បាន​ទៅ ដល់​ទី​នោះ​ឲ្យ​បាន​ឆាប់រហ័ស​ទៅតាម​លទ្ធភាព​ដែល​អាច​ធ្វើ​បាន»។

ក៏ប៉ុន្តែ ទោះបី​លោក​ Esper និង​មន្ត្រី​សហរដ្ឋ​អាមេរិកសំខាន់ៗ​ផ្សេងៗទៀត​ បាន​ការពារ​ការផ្លាស់ប្តូរ​ទីតាំង​ទ័ព​ថាជា​យុទ្ធសាស្ត្រ​ក៏ដោយ លោក​ប្រធានា​ធិបតី​ត្រាំបាន​ប្រាប់​ពួក​អ្នក​យកព័ត៌មាននៅឯ​សេតវិមាន​ថា ការដក​កងទ័ព​មេរិក​មួយ​ផ្នែក​ចេញពី​ប្រទេស​អាល្លឺម៉ង់​ ត្រូវគេ​រំពឹង​នឹង​ចាប់ផ្តើម​នៅ​ប៉ុន្មាន​សប្តាហ៍​ក្រោយ​ទៀត​នេះដោយ​អាស្រ័យ​លើ​ថវិកា។

លោក​ប្រធានា​ធិបតី​ត្រាំបាន​និយាយ​កាលពី​ថ្ងៃ​ពុធ​ថា៖ «យើងនឹង​កាត់​បន្ថយ​កង​កម្លាំង​ ពីព្រោះ​តែ​ពួកគេ​មិន​បង់ប្រាក់​។ វា​ជាការងាយ​ស្រួល​ណាស់។ ការបង់​ប្រាក់​បាន​ហួស​កំណត់​ពេល»៕

XS
SM
MD
LG