ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ស.រ.អា រាយការណ៍​អំពី​ការស្លាប់​ដោយសារ​កូវីដ១៩ ក្នុង​មួយ​ថ្ងៃ​ច្រើន​បំផុត​តាំងពី​ខែឧសភា​មក


រូបឯកសារ៖ បុគ្គលិក​សុខាភិបាល ផ្លាស់ប្តូរ​កន្លែង​អ្នកជំងឺ​ម្នាក់ នៅ​ឯមន្ទីរពេទ្យ NYU Langone ក្នុង​អំឡុងពេល​នៃ​ការផ្ទុះឡើង​នៃ​ជំងឺ​កូវីដ១៩ នៅ​ជាយ​សង្កាត់ Manhattan នៃ​ទីក្រុង​ញូវយ៉ក សហរដ្ឋ​អាមេរិក កាលពី​ថ្ងៃទី៣ ខែឧសភា ឆ្នាំ២០២០។

ចំនួន​អ្នក​ស្លាប់​កាល​ពី​ថ្ងៃ​ពុធ ​បាន​ធ្វើ​ឲ្យ​ករណី​ស្លាប់​ដោយសារ​ជំងឺ​កូវីដ១៩ ជា​មធ្យម​នៅ​សហរដ្ឋ​អាមរិក​មាន​ជាង ១.០០០ នាក់ ​ក្នុង​មួយ​ថ្ងៃ​អស់​ជាង​ពីរ​សប្តាហ៍​ជាប់ៗ​គ្នា ហើយ​បាន​រុញ​ច្រាន​តួលេខ​អ្នក​ស្លាប់​សរុប​ដល់​ជាង ១៦៦.០០០ នាក់។

សហរដ្ឋ​អាមេរិក​បាន​បញ្ជាក់​ថា ចំនួន​អ្នក​ស្លាប់​ដោយសារ​ជំងឺ​កូវីដ១៩ កាល​ពី​ថ្ងៃ​ពុធ មាន​ជិត ​១.៥០០ នាក់​នៅ​ទូទាំង​ប្រទេស ដែល​នេះ​ជា​ចំនួន​ករណី​ស្លាប់​ច្រើន​បំផុត​ក្នុង​មួយ​ថ្ងៃ​ ចាប់​តាំង​ពី​ខែ​ឧសភា​មក។

ចំនួន​អ្នក​ស្លាប់​កាល​ពី​ថ្ងៃ​ពុធ ​បាន​ធ្វើ​ឲ្យ​ករណី​ស្លាប់​ដោយសារ​ជំងឺ​កូវីដ១៩ ជា​មធ្យម​នៅ​សហរដ្ឋ​អាមរិក​មាន​ជាង ១.០០០ នាក់ ​ក្នុង​មួយ​ថ្ងៃ​អស់​ជាង​ពីរ​សប្តាហ៍​ជាប់ៗ​គ្នា ហើយ​បាន​រុញ​ច្រាន​តួលេខ​អ្នក​ស្លាប់​សរុប​ដល់​ជាង ១៦៦.០០០ នាក់។

ដោយ​សហរដ្ឋ​អាមេរិក​មាន​ចំនួន​អ្នក​ឆ្លង និង​ស្លាប់​ដោយសារ​ជំងឺ​កូវីដ១៩ ច្រើន​ជាង​គេ​បំផុត​ក្នុង​ពិភពលោក ដោយ​មាន​អ្នក​ឆ្លង​សរុប​ជាង ៥ លាន ១ សែន​នាក់ អ្នក​ជំនាញ​ផ្នែក​សុខភាព​សាធារណៈ​ បាន​សម្តែង​ការ​បារម្ភ​អំពី​វិធាន​ថ្មី​ទាក់ទង​នឹង​របៀប​ដែល​មន្ទីរពេទ្យ​រាយការណ៍​អំពី​ទិន្នន័យ​អ្នក​កើត​ជំងឺ​កូវីដ១៩។

រដ្ឋបាល​លោក​ប្រធានាធិបតី Donald Trump បាន​បញ្ជា​ឲ្យ​មន្ទីរពេទ្យ​នានា​បញ្ជូន​ទិន្នន័យ​កូវីដ១៩ ទៅ​ប្រព័ន្ធ​ផ្ទុក​ទិន្នន័យ​ថ្មី​មួយ​ដែល​គ្រប់គ្រង​ដោយ​ក្រសួង​សុខាភិបាល ជា​ជាង​ផ្ញើ​ទៅ​មជ្ឈមណ្ឌល​គ្រប់គ្រង និង​បង្ការ​ជំងឺ CDC របស់​សហរដ្ឋ​អាមេរិក ដោយ​រដ្ឋបាល​លោក​ថា ដើម្បី​សម្រួល​ដល់​ដំណើរការ​ប្រមូល​ទិន្នន័យ។

ប៉ុន្តែ​ នៅ​ក្នុង​លិខិត​មួយ​ផ្ញើ​ទៅ​កាន់​រដ្ឋមន្ត្រី​សុខាភិបាល​លោក Alex Azar កាល​ពី​ខែ​មុន មន្ត្រី​ជំនាញ​បច្ចុប្បន្ន និង​ពី​មុន​រាប់​សិប​នាក់ របស់​គណៈកម្មាធិការ​ប្រឹក្សា​យោបល់​មួយ​របស់​ក្រសួង​សុខាភិបាល បាន​បញ្ជាក់​ថា មន្ទីរពេទ្យ​នានា «កំពុង​ប្រឹងប្រែង​ដើម្បី​កំណត់​អំពី​វិធី​ធ្វើ​តាម​ការ​តម្រូវ​ឲ្យ​រាយការណ៍​ប្រចាំ​ថ្ងៃ​នេះ»៕

តួលេខនៃករណីឆ្លងជំងឺកូវីដ១៩

XS
SM
MD
LG