មន្រ្តីសហរដ្ឋអាមេរិកបាននិយាយថា ការវាយប្រហារផ្លូវអាកាសនៅក្នុងប្រទេសអ៊ីរ៉ាក់ បានសម្លាប់មេដឹកនាំកំពូល ៣ នាក់របស់ពួក រដ្ឋអ៊ីស្លាម (Islamic State) ក្នុងខណៈដែលយុទ្ធជនជាតិ Kurd បានរាយការណ៍អំពីជ័យជំនះលើក្រុមជ្រុលនិយមនិកាយ Sunni។
មន្រ្តីក្រសួងការពារជាតិ បាននិយាយកាលពីថ្ងៃព្រហស្បត៍ថា ជ័យជំនះទាំងនេះកាត់បន្ថយសមត្ថភាពរបស់ក្រុមសកម្មប្រយុទ្ធរដ្ឋអ៊ីស្លាម ក្នុងការបញ្ជានិងគ្រប់គ្រងតំបន់ដែលខ្លួនត្រួតត្រានៅ អ៊ីរ៉ាក់និង ស៊ីរី។
ក្នុងចំណោមមនុស្សដែលគេសំគាល់ឈ្មោះថាបានស្លាប់រួមមាន អនុប្រធាន Haji Mutazz របស់មេដឹកនាំក្រុមរដ្ឋអ៊ីស្លាម លោក Abu Bakr al-Baghdadi ប្រេសិតយោធារបស់ពួករដ្ឋអ៊ីស្លាម លោក Abd al-Basit នៅ អ៊ីរ៉ាក់ និងមន្រ្តីថ្នាក់កណ្តាលលោក Radwin Talib ដែលជាប្រេសិតក្រុមនោះនៅក្រុងមេស៊ុល (Mosul)៕
