សម្ព័ន្ធភាពអាមេរិក-ជប៉ុនកាន់តែរឹងមាំ នៅពេលដែលភាពតានតឹងជាមួយនឹងចិនកើនឡើង
- Henry Ridgwell
- VOA News
សហរដ្ឋអាមេរិក ជប៉ុន និងកូរ៉េខាងត្បូងបានព្រមព្រៀងគ្នាក្នុងការពង្រឹងកិច្ចសហប្រតិបត្តិការយោធា និងថ្កោលទោសចំពោះ«អាកប្បកិរិយាដ៏គ្រោះថ្នាក់ និងគឃ្លើន»របស់ចិននៅក្នុងសមុទ្រចិនខាងត្បូង បន្ទាប់ពីកិច្ចប្រជុំកំពូលត្រីភាគីកាលពីថ្ងៃទី១៨ ខែសីហា ឆ្នាំ២០២៣។ ចិនបានបង្កើនសកម្មភាពយោធាយ៉ាងខ្លាំងជុំវិញកោះតៃវ៉ាន់ ដែលទីក្រុងប៉េកាំងយល់ឃើញថាជាផ្នែកនៃទឹកដីរបស់ខ្លួន ដែលជំរុញឱ្យមានការភ័យខ្លាចថា ចិនអាចបើកការឈ្លានពាន។ លោក Henry Ridgwell រាយការណ៍ពីទីក្រុងតូក្យូថា ប្រទេសជប៉ុននិងសហរដ្ឋអាមេរិកកំពុងបង្កើនការសម្របសម្រួលនិងសមត្ថភាពយោធា នៅពេលដែលភាពតានតឹងកើនឡើងនៅក្នុងតំបន់។ លោក ពិន ស៊ីសុវណ្ណ ជូនសេចក្តីប្រែសម្រួល៕
